వర్ణచిత్రాలు అనిపించే ఆకులతో అందంగా అలరించేవే రెక్స్ బిగోనియా. పెయింటింగ్ బిగోనియా అని పిలిచే ఇవి తగినంత వెలుతురు కనుక అందితే ఇంటిలోపలా చక్కగా పెరుగుతుంది. కాంతి ధారాళంగాతగిలే ప్రదేశాలైన వరండాలు, బాల్కనీలు, కిటికీల పక్కన పెంచుకోవడానికి బాగుంటుంది. వీటిల్లో అనేక సంకర రకాలు ఉన్నాయి. ఎరుపు, ఊదా, గులాబీ, వెండి వంటి ప్రకాశవంతమైన రంగులు కలిసిన ఆకులతో కంటికింపుగా కనిపిస్తుంది. దీని ఆకులు పెద్దగా పెద్దగా ఉండి చారలు,చుక్కలు, అంచులతో వివిధ ఆకృతుల్లో కనిపిస్తూ కిందకి వాలినట్లుగా ఉంటాయి.
వీటి పూలు కొంచెం చిన్నగా చూడ్డానికి సొగసుగా ఉంటాయి. ఐతే ఆకులేఈ మొక్కకు ప్రధాన ఆకర్షణ. అందుకే చాలామంది మొగ్గలను తుంచేసి ఆకులే చక్కగా పెరిగేలా శ్రద్ధ తీసుకుంటారు.
రెక్స్ బిగోనియా మొక్కలను నేరుగా కాంతి తగిలే చోట నాటుకోవాలి. ఒకవేళ సూర్యకాంతి తగలనపుడు కృత్రిమంగా కాంతి తగిలే చోట నాటుకోవాలి. సూర్యకాంతి తగలకపోతే కృత్రిమంగా కాంతి అందించినా సరిపోతుంది. కుండీలు, నేలల్లో విడిగాగానే కాకుండా వీటిని ఇతర మొక్కల మధ్య నాటుకున్నా చక్కగా కనిపిస్తాయి. దీనిని నాటుకునేందుకు నీరు నిలవని తేలికపాటిమట్టి మిశ్రమం అనుకూలం. అంటే మట్టితో పాటు కోకోపీట్, వర్మీకం పోస్ట్, ఇసుక, ఇటుక ముక్కలు కలపాలి. వీటిని ఆకుల కత్తిరింపుల ద్వారా సులభంగా ప్రవర్ధనం చేయవచ్చు.
రెండువారాల కొకసారి ఐదు గ్రాముల ఫాలీఫీడ్ ను లీటరునీటిలో కలిపి మొక్కకు పోస్తే ఆరోగ్యంగా ఎదుగుతాయి. ఇవి సులభంగాపెరిగేమొక్కలే కానీచాలాసున్నితమైనవి.వీటిని పెంచే ప్రదేశంలో గాలిలో తేమ కూడా తగినంతగా అవసరం. కానీ మొక్కకు నీరు కొద్దిగా ఎక్కువైనా కుళ్ళిపోతాయి. చుట్టూ ఉన్నమొక్కలను ఆరోగ్యంగా ఉంచుతూ కుళ్ళిపోయిన ఆకులను ఎప్పటికప్పుడు తీసేస్తే చీడపీడల భయం ఉండదు. రకాన్నిబట్టి వీటిధర రూ.75- నుండి రూ.150-వరకుఉంటుంది.
