Blood Groups

చూడటానికి పైకి ఒకేలా కనిపిస్తుంది గానీ అందరి రక్తం ఒకటి కాదు. ఇందులో ఎ, బి, ఎబి, ఒ అనే రకాలు ఉన్నాయి. అలాగే పాజిటివ్‌, నెగెటివ్‌ను బట్టి కూడా మరిన్ని రకాలుగా వర్గీకరిస్తారువాటి వివరాలు గురించి తెలుసుకుందాం.
యాంటీజెన్ల ఆధారంగా..
– ఎర్ర రక్తకణాల ఉపరితలం మీదుండే యాంటీజెన్ల ఆధారంగా రక్తం – —- గ్రూపులను నిర్ధరిస్తారు.
– ఎ యాంటీజెన్‌ ఉంటే ఎ గ్రూపు,
– బి యాంటీజెన్‌ ఉంటే బి గ్రూపు,
– ఎ బి రెండూ ఉంటే ఎబి గ్రూపు..
– ఇక యాంటీజెన్‌లేవీ లేకపోతే ఒ గ్రూపుగా పరిగణిస్తారు.
– అలాగే ఎర్ర రక్తకణాల మీద ఆర్‌హెచ్‌ ఫ్యాక్టర్‌ కూడా ఉంటే పాజిటివ్‌గా, లేకపోతే నెగిటివ్‌గా భావిస్తారు.
– ఉదాహరణకు ఎ యాంటీజెన్‌తో పాటు ఆర్‌హెచ్‌ ఫ్యాక్టర్‌ కూడా ఉంటే ఎ పాజిటివ్‌ అని..
– ఆర్‌హెచ్‌ ఫ్యాక్టర్‌ లేకపోతే ఎ నెగిటివ్‌ అని అంటారు.
అందరికీ సరిపోయేది..
అత్యవసర సమయాల్లో ఒకే రకం రక్తం అందుబాటులో లేకపోతే ఒ నెగిటివ్‌ రక్తాన్ని ఎక్కిస్తుంటారు. అందుకే వీరిని సార్వత్రిక రక్తదాతలంటారు. ఇక ఎబి పాజిటివ్‌ రక్తం గలవారికి ఎలాంటి గ్రూపు రక్తమైనా సరిపోతుంది. వీరిని సార్వత్రిక రక్త గ్రహీతలంటారు.