Raju's Resource Hub
హోండా డబ్ల్యూఆర్-వీ కారు
దిల్లీ ఎక్స్ షోరూంలో హోండా డబ్ల్యూఆర్-వీ ప్రారంభ ధర వచ్చేసి రూ.8,49,900 లుగా సంస్థ నిర్దేశించింది. అత్యాధునిక ఫీచర్లు, సాంకేతికతతో అందుబాటులోకి వచ్చిన ఈ మోడల్ ఆకట్టుకుంటోంది. అంతేకాకుండా ఎక్స్ టీరియర్ స్టైలింగ్, రిచ్ ఇంటీరియర్లతో పాటు బీఎస్6 పెట్రోల్, డీజిల్ ఇంజిన్లను అందుబాటులోకి తీసుకొచ్చింది.
డిజైన్..
ఈ సరికొత్త హోండా డబ్ల్యూఆర్-వీ క్రోమ్ లోవర్ స్టైల్ గ్రిల్ తో పాటు అడ్వాన్సెడ్ ప్రొజెక్టర్ హెడ్ ల్యాంపులుతో కూడిన ఇంటిగ్రేటెడ్ డీఆర్ఎల్, పొజిషన్ ల్యాంపులు, అడ్వాన్సెడ్ ఫాగ్ ల్యాంపులు, అడ్వాన్సెడ్ ఎల్ఈడీ రేర్ ల్యాంపుల కాంబినేషన్ తో ఆకట్టుకుంటోంది. విశాలమైన క్యాబిన్ స్పేస్, అత్యాధునిక పీచర్లుతో ఈ కారు అదరగొడుతోంది.
ఫీచర్లు..
ఈ 2020 హోండా డబ్ల్యూఆర్-వీ మోడల్లో ఫీచర్లకు కొదవే లేదు. డీఐజీపీఏడీ 2.0 అడ్వాన్సెడ్ ఇంఫోటైన్మెంట్ సిస్టంతో పాటు ఇందులో ఫీచర్లను స్మార్ట్ ఫోన్ కు అనుసంధానించుకునే స్మార్ట్ కనెక్టివిటీ ఆప్షన్ ఇందులో ఉంది. ఏడు అంగుళాల టచ్ స్క్రీన్ ఇంఫోటైన్మెంట్ వ్యవస్థ, ఆపిల్ కార్ ప్లే, ఆండ్రాయిడ్ ఆటో, శాటిలైట్ తో లింక్ చేసుకునే టర్న్ బై టర్న్ నేవిగేషన్, లివ్ ట్రాఫిక్ సపోర్ట్, వాయిస్ కమాండ్స్, బ్లూటూత్ కనెక్టివిటీ, వైర్లెస్ ఇంఫ్రారెడ్ రిమోట్ కంట్రోల్ ఇందులో ఉన్నాయి.
ప్రత్యేకతలు..
ఇవికాకుండా వన్ టచ్ ఎలక్ట్రిక్ సన్ రూఫ్, ఆటోమేటిక్ ఎయిర్ కండీషనింగ్, మల్టీ ఇన్ఫార్మేషన్ కాంబీమీటర్ ఈకో అసిస్ట్, టిల్ట్ టెలిస్కోపిక్ స్టీరింగ్ వీల్ మౌంటెడ్ ఆడియో వాయిస్, హ్యాండ్స్ ఫ్రీ, క్రూయిజ్ కంట్రోల్ స్విచెస్ లాంటి ప్రత్యేకతలు దీని సొంతంవీటితో పాటు అడ్జస్టబుల్ డ్రైవర్ సీటు, పుష్ బటన్ స్టార్ట్ అండ్ స్టాప్ ఫంక్షన్, హోండా స్మార్ట్ కీ సిస్టం, అండ్ కీలెస్ రిమోట్, 12 వోల్టుల పవర్ ఔట్ లెట్ యూఎస్బీ ఛార్జింగ్ పోర్ట్ లాంటి ఆప్షన్లు ఇందులో ఉన్నాయి. ఇవి కాకుండా ఎస్ఆర్ఎస్ ఎయిర్ బ్యాగులు, ఏబీఎస్ విత్ ఈబీడీ, మల్టీ రేర్ వ్యూ కెమేరా, రేర్ పార్కింగ్ సెన్సార్లు, ఈసీయూ ఇమ్మొబిలైజర్ లాంటి సేఫ్టీ ఫీచర్లు దీని సొంతం.
ఇంజిన్..
ఈ సరికొత్త హోండా డబ్ల్యూఆర్-వీ మోడల్ బీఎస్6 ప్రమాణాలకు అనుగుణంగా అప్టేట్ చేసిన 1.2-లీటర్ ఐ-వీటీఈసీ పెట్రోల్ ఇంజిన్ ను కలిగి ఉంది. ఇది 90 బీహెచ్ పీ బ్రేక్ హార్స్ పవర్, 110 ఎన్ఎం టార్క్ ను ఉత్పత్తి చేస్తుంది. అంతేకాకుండా 5-స్పీడ్ మ్యానువల్ ట్రాన్స్ మిషన్ వ్యవస్థతో పనిచేస్తుంది. లీటరుకు గరిష్ఠంగా 16.5 కిలోమీటర్ల మైలేజిస్తుందని అంచనా. అదే 1.5-లీటర్ ఐ-డీటీఈసీ డీజిల్ ఇంజిన్ ను కలిగి ఉండి 100 బీహెచ్ పీ బ్రేక్ హార్స్ పవర్, 200 ఎన్ఎం టార్క్ ను ఉత్పత్తి చేస్తుంది. ఇది 6-స్పీడ్ మ్యానువల్ ట్రాన్స్ మిషన్ వ్యవస్థతో పనిచేస్తుంది. ఇది లీటరుకు గరిష్ఠంగా 23.7 కిలోమీటర్ల మైలేజిస్తుంది.
కలర్స్..
ఈ సరికొత్త హోండా డబ్ల్యూ ఆర్-వీ రెండు వేరియంట్లలో లభ్యమవుతుంది. ఎస్వీ, వీఎక్స్ అనే వేరియంట్లలో దీన్ని సొంతం చేసుకోవచ్చు. ఇవి రెండు పెట్రోల్, డీజిల్ ఇంజిన్లలోనూ సొంతం చేసుకోవచ్చు. అంతేకాకుండా వాహనంలో ఆరు కలర్ ఆప్షన్లు ఉన్నాయి. ప్రీమియం యాంబర్ మెటాలిక్, లునార్ సిల్వర్ మెటాలిక్, మోడర్న్ స్టీల్ మెటాలిక్, గోల్డెన్ బ్రౌన్ మెటాలిక్, రేడియంట్ రెడ్ మెటాలిక్, ప్లాటినం వైట్ పెరల్ కలర్స్ లో దీన్ని సొంతం చేసుకోవచ్చు. రెండేళ్ల వారంటీని ఇస్తుంది హోండా సంస్థ.
