Clustard Beans ….గోరుచిక్కుడు కాయల కూర

కావలసినవి
గోరు చిక్కుడుకాయలు: పావు కిలో
అల్లంవెల్లుల్లి: 2 టీస్పూన్లు
చిల్లీసాస్: 2 టీస్పూన్లు
వెల్లుల్లి రెబ్బలు: నాలుగు
పచ్చిమిర్చి:నాలుగు
మిరియాలపొడి: అరటీస్పూను
ఉప్పు: తగినంత
కార్న్ఫ్లోర్: 3 టీస్పూన్లు
నూనె: వేయించడానికి సరిపడా
తయారుచేసే విధానం
గోరుచిక్కుడుకాయల్ని శుభ్రంగా కడిగి ఈనెలు తీసి అంగుళం సైజు ముక్కలుగా చేసుకోవాలి. కార్న్ఫ్లోర్, అల్లం వెల్లుల్లిముద్ద, చిల్లీసాస్, సోయాసాస్, మిరియాలపొడి, ఉప్పు వేసి కలపాలి. తరవాత తగినన్ని నీళ్లు పోసి మిశ్రమాన్ని కాస్త జారుగా కలపాలి. గోరుచిక్కుడుకాయ ముక్కల్ని ఈ పిండిలో ముంచి తీసి నూనెలో వేసి వేయించి తీయాలి.
విడిగా మరో బాణలిలో కాస్త నూనె వేసి పచ్చిమిర్చి ముక్కలు, వెల్లుల్లిముక్కలు, కరివేపాకు వేయించాలి. తరవాత చిల్లీసాస్, వేసి కలపాలి. ఇప్పుడు వేయించిన గోరుచిక్కుడుకాయ ముక్కలు వేసి, కొత్తిమీర తురుము వేసి కలిపి దించాలి.