Sweet Gavvalu / పాకం గవ్వలు

కావాలిసిన పదార్ధాలు

మైదా లేదా గోధుమపిండి – కప్పు
బొంబాయిరవ్వ – టేబుల్ స్పూను బెల్లం తురుము – అర కప్పు
నెయ్యి – టేబుల్స్పూను
నూనె – వేయించడానికి సరిపడేంత

తయారి చేసే విధానం
ఒక పెద్ద పాత్రలో మైదా లేదా గోధుమపిండి, బొంబాయిరవ్వ, నెయ్యి వేసి బాగా కలుపుకోవాలి. తరవాతనీళ్లు పోసి ముద్దలా చేయాలి. ఈ ముద్ద గట్టిగా కాకుండా మృదువుగా ఉండేలా చూసుకోవాలి. దీనినిఅరగంటసేపు నాననివ్వాలి ∙

నానిన ముద్దను చిన్న చిన్న ఉండలుగా చేసి, గవ్వలపీట (మార్కెట్ లో చెక్కతో తయారు చేసినవి దొరుకుతాయి) మీద ఒత్తుకుని కాగుతున్న నూనెలో వేయించి పక్కన పెట్టుకోవాలి ∙ఒకగిన్నెలో బెల్లం, కొద్దిగా నీరు పోసి కరిగించి, ముదురు పాకం వచ్చేదాక మరగనివ్వాలి. వేయించిన గవ్వలను ఈ పాకంలో వేసి బాగా కలపాలి.