Raju's Resource Hub
కావలిసిన పదార్ధాలు
మైదా: కిలో
పంచదార: కిలోన్నర
నూనె: తగినంత
యాలకులపొడి: కొద్దిగా.
తయారు చేసే విధానం
మైదాలో ముందుగా కొద్దిగా నూనె వేసి కలపాలి. తరవాత తగినన్ని నీళ్లు పోసి చపాతీపిండికన్నా కాస్త గట్టిగా కలిపి ఐదు నిమిషాలు నాననివ్వాలి. ఆ సమయంలో పంచదారలో మునిగేవరకూ నీళ్లు పోసి మరిగించి లేతపాకం రానిచ్చి యాలకులపొడి కలిపి ఉంచాలి. పిండి ముద్దను పెద్ద ఉండలుగా చేసి పలుచని చపాతీలా వత్తాలి. చపాతీ వత్తేటప్పుడు పొడి పిండి చల్లుతూ చేస్తే అంటుకోకుండా ఉంటుంది. ఈ చపాతీని మళ్లీ సగానికి మడిచి వత్తేయాలి.
దానిమీద మళ్లీ పొడి పిండిని చల్లి చాపలా చుట్టాలి. ఈ చాపచుట్టలో ఎన్ని పొరలు వస్తే కాజా అంత బాగుంటుంది. ఈ చుట్టను అర అంగుళం వెడల్పు ముక్కలుగా కోయాలి. ఇలా అన్ని ముక్కలనూ కోసుకుని ఒక్కో ముక్కనీ వేలుతో వత్తి, మళ్లీ పొడవుగా వచ్చేలా అప్పడాలకర్రతో వత్తాలి. ఇలాగే అన్నీ చేసుకుని కాగిన నూనెలో సన్న సెగమీద వేయించాలి. వేగాక పాకంలో వేసి మునిగేలా చేసి ఓ పది నిమిషాలు ఉంచి తీసి పళ్లెంలో పెట్టి ఆరనివ్వాలి. మరో పదిహేను నిమిషాల తరవాత పాకంలో మరోసారి ముంచి తీయాలి.
