కావాలిసిన పదార్ధాలు
మినప్పప్పు – 150 గ్రాములు
బియ్యప్పిండి – 50 గ్రాములు
కార్న్ఫ్లోర్ – 150 గ్రాములు
రెడ్ ఆరెంజ్ కలర్ – చిటికెడు (టేబుల్ స్పూన్ నీళ్లలో కరిగించి, కలపాలి)
మందపాటి కాటన్ క్లాత్
– జాంగ్రీ చేయడానికి
పాకం: పంచదార – ముప్పావు కేజీ
పాలు – అర కప్పు
రోజ్ ఎసెన్స్ – పావు టీ స్పూన్ లేదా యాలకుల పొడి – టీ స్పూన్
తయారు చేసే విధానం
మినప్పప్పును 5-6 గంటల సేపు నానబెట్టాలి. తర్వాత నీళ్లను వడకట్టి, పిండి మృదువుగా అయ్యేలా కొంచెం గట్టిగా ఉండేటట్లు రుబ్బుకోవాలి. మధ్య మధ్యలో కొద్దిగా నీళ్లు కలుపుకోవచ్చు. ∙పంచదారలో అర కప్పు పాలు, నీళ్లు పోసి కరిగేవరకు కలిపి, పొయ్యి మీద పెట్టాలి. పాకం తయారయ్యాక మంట తీసేయాలి. దీంట్లో రోజ్ ఎసెన్స్ లేదా యాలకులపొడి వేసి కలపాలి. క్లాత్కి మధ్య చిన్న బటన్ హోల్ చేయాలి. రంధ్రం పెద్దగా కాకుండా ఉండటానికి చుట్టూ కుట్టాలి ∙రుబ్బుకున్న మినపపిండిలో బియ్యప్పిండి, కార్న్ఫ్లోర్, ఆరెంజ్ కలర్ వేసి చేత్తో బాగా కలపాలి ∙
వెడల్పాటి మూకుడు పొయ్యి మీద పెట్టి నూనె పోసి కాగనివ్వాలి. సిద్ధం చేసుకున్న పిండిని హోల్ చేసిన క్లాత్ మధ్యలో వేసి మూటలా చేయాలి ∙కాగుతున్న నూనెలో పిండి ఉన్న క్లాత్ చుట్టను ఒత్తుతూ రింగులు రింగులుగా పిండాలి. ముందు చిన్న చిన్నగా ఒత్తుకుంటే జాంగ్రీలు విరిగిపోవు. వీటిని రెండువైపులా వేయించుకొని తీయాలి. పొడవాటి ఇనుప చువ్వతో జాంగ్రీలు తీసి, పాకంలో ముంచి, తీయాలి.
