Raju's Resource Hub
ఎంఐ నోట్ బుక్ 14 ధర
ఎంఐ నోట్ బుక్ 14లో రెండు మోడల్స్ అందుబాటులో ఉన్నాయి. 256 జీబీ స్టోరేజ్ ఉన్న ల్యాప్ టాప్ ధర రూ.41,999కాగా, 512 జీబీ స్టోరేజ్ ఉన్న మోడల్ ధర రూ.44,999గా ఉంది. ఇందులో ఎన్వీడియా జీఫోన్స్ ఎంఎక్స్250 జీపీయూ ఉపయోగించిన మోడల్ ధరను రూ.47,999గా నిర్ణయించారు.
ఎంఐ నోట్ బుక్ 14 హారిజన్ ఎడిషన్ ధర
ఎంఐ నోట్ బుక్ 14 హారిజన్ ఎడిషన్ విషయానికి వస్తే.. ఇందులో కూడా రెండు మోడళ్లు ఉన్నాయి. ఇంటెల్ కోర్ ఐ5 మోడల్ ధరను రూ.54,999గా నిర్ణయించారు. ఇంటెల్ కోర్ ఐ7 మోడల్ ధర రూ.59,999గా ఉంది. వీటికి సంబంధించిన సేల్ ఈరోజు ఎంఐ.కాంలో జరగనుంది.
హెచ్ డీఎఫ్ సీ బ్యాంక్ కార్డుతో దీన్ని కొనుగోలు చేస్తే రూ.2,000 ఇన్ స్టంట్ డిస్కౌంట్/క్యాష్ బ్యాక్ లభించనుంది. అయితే ఈ ఆఫర్ కేవలం నెలరోజులు మాత్రమే. 9 నెలల వరకు నోకాస్ట్ ఈఎంఐ ఆప్షన్లు కూడా ఉన్నాయి.
ఎంఐ నోట్ బుక్ 14 స్పెసిఫికేషన్లు
ఇది విండోస్ 10 హోం ఆపరేటింగ్ సిస్టంపై పనిచేయనుంది. ఇందులో 14 అంగుళాల ఫుల్ హెచ్ డీ+(1920×1080) డిస్ ప్లేను అందించారు. యాస్పెక్ట్ రేషియో 16:9గా ఉంది. 10వ తరం ఇంటెల్ ఐ5 ప్రాసెసర్ ను ఇందులో అందించారు. 8 జీబీ వరకు ర్యామ్, 512 జీబీ వరకు స్టోరేజ్ ఇందులో ఉంది. డిస్ ప్లేకు అన్ని వైపులా కేవలం మూడు మిల్లీమీటర్ల అంచులు మాత్రమే ఉన్నాయి. దీని కారణంగా ల్యాప్ టాప్ లో బిల్ట్-ఇన్ వెబ్ కాం అందుబాటులో లేదు. కానీ షియోమీ ప్రత్యేకంగా యూఎస్ బీ వెబ్ క్యామ్ ను అందించింది. దీని బరువు 1.5 కేజీలు.
ఎంఐ నోట్ బుక్ 14 హారిజన్ ఎడిషన్ స్పెసిఫికేషన్లు
ఎంఐ నోట్ బుక్ 14 హారిజన్ ఎడిషన్ కూడా విండోస్ 10 ఆపరేటింగ్ సిస్టంపైనే పనిచేస్తుంది. ఇందులో 14 అంగుళాల ఫుల్ హెచ్ డీ యాంటీ గ్లేర్ ఐపీఎస్ డిస్ ప్లేను అందించారు. స్క్రీన్ టు బాడీ రేషియో 91 శాతంగా ఉంది. 60 హెర్ట్జ్ స్క్రీన్ రిఫ్రెష్ రేట్, 178 డిగ్రీల వ్యూయింగ్ యాంగిల్స్ ఫీచర్లను కూడా ఇందులో అందించారు. ఇందులో పదో తరం ఇంటెల్ కోర్ ఐ5, పదో తరం ఇంటెల్ కోర్ ఐ7 ప్రాసెసర్ ఆప్షన్లు ఉన్నాయి. ఇందులో 512 జీబీ వరకు స్టోరేజ్ కెపాసిటీ ఉంది. కనెక్టివిటీ విషయానికి వస్తే ఇందులో వైఫై 802.11ac, బ్లూటూత్ వీ5.0, రెండు యూఎస్ బీ 3.1 పోర్టులు, ఒక యూఎస్ బీ 2.0 పోర్టు, చార్జింగ్ కోసం యూఎస్ బీ టైప్-సీ పోర్టు ఉన్నాయి.