Kashmiri Tea / కశ్మీరీ చాయ్‌

కావాల్సినవి
మంచినీళ్లు: 12 కప్పులు
గ్రీన్‌ టీ ఆకులు: 2 టేబుల్‌స్పూన్లు
యాలకులు: నాలుగు
అనాసపువ్వు: ఒకటి
లవంగాలు: మూడు
పాలు: 3 కప్పులు
పంచదార: రుచికి సరిపడా
బేకింగ్‌సోడా: చిటికెడు
దాల్చిన చెక్క: అంగుళం ముక్క

తయారుచేసే విధానం
మందపాటి గిన్నెలో ఆరు కప్పుల మంచినీళ్లు పోసి సిమ్‌లో మరిగించాలి. అందులో గ్రీన్‌ టీ ఆకు వేసి, మరో పది నిమిషాలు సిమ్‌లోనే మరిగించాలి. తరవాత సోడా వేయాలి. ఇప్పుడు టీ రంగు గులాబీరంగులోకి మారిపోతుంది. వెంటనే మిగిలిన ఆరు కప్పుల చల్లని నీళ్లు పోసి వడబోయాలి.
ఇప్పుడు వడబోసిన టీ కషాయంలో యాలకులపొడి, దాల్చినచెక్క, లవంగాలు, అనాసపువ్వు వేసి మూత పెట్టి సగమయ్యేవరకూ మరిగించాలి. తరవాత నెమ్మదిగా పాలు పోసి బాగా కలపాలి. చివరగా చిటికెడు ఉప్పు, పంచదార వేస్తే నోరూరించే కశ్మీరీ చాయ్‌ రెడీ. దీన్ని బాదం, పిస్తాలతో కలిపి అందించాలి.