వైరాలజీ (Virology)

అర్హతలు:
కనీసం 60శాతం మార్కులతో ఎంబీబీఎస్/బీవీఎస్సీ/బీఎస్సీ (బయోటెక్నాలజీ/బోటనీ/కెమిస్ట్రీ/కెమికల్ లేబొరేటరీ సైన్స్/లైఫ్సైన్సెస్ /మైక్రోబయాలజీ/జువాలజీ) ఉత్తీర్ణులు ఎంఎస్సీ వైరాలజీలో ప్రవేశానికి అర్హులు. రిజర్వ్డ్ కేటగిరీ అభ్యర్థులకు 55 శాతం మార్కులతో ఉత్తీర్ణత సరిపోతుంది.

ఉన్నత అవకాశాలు
బోధన, పరిశోధన, హెల్త్కేర్ రంగాలకు అవసరమైన సుశిక్షితులైన వైరాలజిస్టులను అందించే ఉద్దేశంతో ఎన్ఐవీ ఎంఎస్సీ వైరాలజీ కోర్సుకు రూపకల్పన చేసింది. దీంతో ఇక్కడ చదివిన విద్యార్థులు ఉన్నత విద్య, ఉద్యోగ అవకాశాలను అందుకోవడంలో ముందు వరుసలో నిలుస్తున్నారు. విద్యార్థులకు ఉపయోగపడేలా ఎన్ఐవీ ఏటా క్యాంపస్ ఇంటర్వ్యూలను ఏర్పాటు చేస్తోంది. ఇదే సమయంలో దేశీయ అవసరాలను తీర్చేలా కృషి చేస్తోంది.
తాజాగా ఎన్ఐవీ బయోసేఫ్టీ, బయో సెక్యూరిటీకి సంబంధించిన సిలబస్ను సమూలంగా మార్పుచేసింది. దీంతో ఇక్కడ చదివిన విద్యార్థులు అన్ని పాథోజెనిక్ వైరస్లు లేదా ఆర్గానిజమ్స్ లేబొరేటరీల్లో పనిచేయగలిగే నైపుణ్యాలను కలిగుంటారు. ఎన్ఐవీలో ఎంఎస్సీ వైరాలజీ చదివిన విద్యార్థుల్లో ప్రస్తుతం 47శాతం మంది పీహెచ్డీలో చేరుతున్నారు. తద్వారా పరిశోధనల్లో నిమగ్నమవుతున్నారు. భారత్లో 35శాతం మంది, విదేశాల్లో 4శాతం మంది కొలువులు దక్కించుకుంటున్నారు.