హీరో మోటార్ సైకిళ్ల సంస్థ తన సరికొత్త బీఎస్6 హీరో ఎక్స్ పల్స్ మోడల్ ను భారత మార్కెట్లో విడుదల చేసింది. బీఎస్6 కాలుష్య నియంత్రణ ప్రమాణాలకు అనుగుణంగా మార్పులు చేసిన ఈ మోటార్ సైకిల్ అత్యాధునిక హంగులతో ఆకట్టుకుంటోంది. దిల్లీ ఎక్స్ షోరూంలో ఈ మోటార్ సైకిల్ ధర వచ్చేసి రూ.1.12 లక్షలుగా సంస్థ నిర్దేశించేంది. బీఎస్4 మోడల్ కంటే దాదాపు రూ.6,800ల ధర ఎక్కువగా వచ్చింది. అంతేకాకుండా అతి తక్కువ ధరకు అందుబాటులోకి వచ్చిన అడ్వెంచర్ మోటార్ సైకిల్ గా ఇది గుర్తింపుతెచ్చుకుంది.
అత్యాధునిక హంగులు, ప్రత్యేకతలు, సాంకేతికతతో ఆకట్టుకుంటోంది. అంతేకాకుండా ఐదు కలర్ ఆప్షన్లతో ఈ మోటార్ సైకిల్ అందుబాటులోకి వచ్చింది. వైట్, మ్యాటీ గ్రీన్, మ్యాటీ గ్రే, స్పోర్ట్స్ రెడ్, ప్యాంథర్ బ్లాక్ కలర్ లో ఇది లభ్యమవుతుంది.
ఇంజిన్..
ఈ సరికొత్త బీఎస్6 హీరో ఎక్స్ పల్స్ 200 మోటార్ సైకిల్ 199సీసీ ఫ్యూయల్ ఇంజెక్టెడ్ సింగిల్ సిలీండర్ ఆయిల్ కూల్డ్ ఇంజిన్ ను కలిగి ఉంది. ఇది 17.8 బీహెచ్ పీ బ్రేక్ హార్స్ పవర్, 16.4 ఎన్ఎం టార్క్ ను ఉత్పత్తి చేస్తుంది. అంతేకాకుండా 5-స్పీడ్ గేర్ బాక్స్ వ్యవస్థతో పనిచేస్తుంది. వీటితో పాటు ముందు భాగంలో 37 ఎంఎం టెలిస్కోపిక్ ఫోర్కులు, 10వే అడ్జస్టబుల్ మోనోషాక్ సెటప్ లాంటి ప్రత్యేకతలు ఇందులో ఉన్నాయి. ఇవి కాకుండా 276 ఎంఎం, 220 ఎంఎం పెటల్ డిస్కులు ఫ్రంట్ అండ్ బ్యాక్, సింగిల్ ఛానెల్ ఏబీఎస్ లాంటి ఫీచర్లు ఇందులో ఉన్నాయి. గ్రౌండ్ క్లియరెన్స్ కూడా 220 ఎంఎం ఉంది.
ప్రత్యేకతలు..
ఈ హోండా ఎక్స్ పల్స్ 200 మోటార్ సైకిల్లో ముందు భాగంలో 21 అంగుళాల 90/90 టైర్లతో పాటు వెనక వైపు 18 అంగుళాల 120/80 టైర్లతో ఆకట్టుకుంటోంది. అంతేకాకుండా 157 కేజీల బరువుతో ఈ బైక్ ఉంది. 13-లీటర్ల ఫ్యూయల్ ట్యాంకు సామర్థ్యంతో అందుబాటులో ఉంది. ఇవి కాకుండా ఎల్ఈడీ హెడ్ ల్యాంపులు, ఎల్ఈడీ టెయిల్ లైట్లు, డిజిటల్ ఇన్ స్ట్రూమెంట్ క్లస్టర్, నకుల్ గార్డులు లాంటి ఫీచర్లు ఇందులో ఉన్నాయి. ఈ బైక్ కు సంబంధించి ర్యాలీ కిట్ సొంతం చేసుకోవాలంటే 40 వేల రూపాయలు అదనంగా చెల్లించాల్సి ఉంటుంది. భారత మార్కెట్లో ఈ బైక్ కు పోటీగా రాయల్ ఎన్ ఫీల్డ్ హిమాలయన్ బీఎస్6 లాంటివి ఉన్నాయి.