Raju's Resource Hub
అసలు గుండె జబ్బులు ఎవరికి వస్తాయి?
గుండె జబ్బులు ఎవరికైనా రావచ్చు. ఈ జబ్బుకి దేశ, ప్రాంత, లింగ వివక్షలు లేవు. ఈ జబ్బు ఒక్కోసారి ప్రాణాంతకమే అయినప్పటికీ, తొందరగా వైద్య సహాయం తీసుకోవడం ద్వారా ప్రాణ హాని తప్పించుకోవచ్చు. ఆరోగ్యకరమైన పాటించడం ద్వారా అసలు ఈ పరిస్థితి రాకుండా నివారించుకోవచ్చు.
గుండె జబ్బుల్లో రకాలున్నాయా?
గుండె జబ్బుల్లో చాలా రకాలున్నాయి. అన్నింటినీ కలిపి హార్ట్ డిసీజ్ అనేస్తారు. ఇందులో గుండె సరిగ్గా కొట్టుకోకపోవడం నుంచి, రక్తనాళాలు పూడుకుపోవడం వరకూ ఉన్నాయి.
లక్షణాలేంటి?
సమస్య చాలా రకాలుగా ఉన్నా, లక్షణాలు మాత్రం చాలా వరకూ కామన్ గానే ఉంటాయి. అవేంటంటే:
– చెస్ట్ పెయిన్
– కళ్ళు తిరగడం
– స్పృహ కోల్పోవడం
– గుండె కొట్టుకునే పద్ధతిలో తేడా
– తిమ్మిరెక్కడం
– ఒక్కసారి నీరసపడిపోవడం
– నించోలేకపోవడం
– ఊపిరి సరిగ్గా తీసుకోలేకపోవడం
– వికారం
– గాస్ ఉన్నట్టు అనిపించడం
– ఆగకుండా వస్తున్న దగ్గూ, జ్వరం, వణుకు
ఈ లక్షణాలు వ్యక్తి ని బట్టి మారతాయి. కానీ, జనరల్ గా హార్ట్ డిసీజ్ ఉన్న వారు ఫేస్ చేసే ప్రాబ్లంస్ ఇవి.
గుండె జబ్బుని క్యూర్ చేయొచ్చా?
గుండె జబ్బు ని కంప్లీట్ గా క్యూర్ చేయడం కుదరదు. ఒకసారి ఈ సమస్య వచ్చాక దాన్ని మానేజ్ చెయ్యడం తప్పించి కంప్లీట్ క్యూర్ ఇంత వరకూ లేదు. ఒక సారి వచ్చిన తరువాత ఏం చేసినా ఆ జబ్బుని దృష్టి లో పెట్టుకునే చేయాలి. అందుకనే, వీలైనంతవరకూ గుండె జబ్బు రాకుండా చూసుకోవడం ఉత్తమం. సరైన ఆహారం,నిద్రా, వ్యాయామం తో పాటూ ఒత్తిడి తగ్గించుకోవడం వలన గుండె ని పదిలంగా కాపాడుకోగలుగుతాం.
గుండె జబ్బు ఎందువల్ల వస్తుంది?
– డయాబెటీస్, హైబీపీ, ఒత్తిడి, ఆందోళన, ఆల్కహాల్/ కెఫీన్ ఎక్కువగా తీసుకోవడం, పొగ తాగడం, కొలెస్ట్రాల్ లెవెల్స్ ఎక్కువగా ఉండడం, అధిక బరువు, శారీరకమైన చురుకుదనం లేకపోవడం మొదలైనవన్నీ ఈ జబ్బు రావడానికికారణాలే.
ఒక్క కంజెనిటల్ హార్ట్ డిసీజ్ కి మాత్రం పుట్టుకతో వచ్చే లోపాలు కారణం. వయసు, కుటుంబంలో ఆల్రెడీ ఎవరికైనా గుండె జబ్బు ఉండడం ఎవరూ కంట్రోల్ చేయలేని కారణాలు.
గుండె జబ్బుల్ని ఎలా టెస్ట్ చేస్తారు?
ఫిజికల్ ఎగ్జామ్తో పాటూ ఫ్యామిలీ హిస్టరీ కంపల్సరీగా తెలుసుకుంటారు. బ్లడ్ టెస్ట్ తప్పనిసరిగా చేస్తారు. అవసరాన్ని బట్టి ఈసీజీ, ఎకో, స్ట్రెస్ టెస్ట్, హార్ట్ రేట్ మానిటర్, కరాటిడ్ అల్ట్రాసౌండ్, సీటీ స్కాన్, హార్ట్ ఎం ఆర్ ఐ వంటి పరీక్షల ద్వారా డయాగ్నోస్ చేస్తారు.
ట్రీట్మెంట్ ఏమిటి?
గుండె జబ్బు వచ్చిన కారణాన్ని బట్టి ట్రీట్మెంట్ ఉంటుంది. మందుల నుంచి సర్జరీ వరకూ అవసరాన్ని బట్టి ట్రీట్మెంట్ ఇస్తారు. వీటితో పాటూ జీవన శైలి మార్పులు కూడా సూచిస్తారు. బీపీ, కొలెస్ట్రాల్ లెవెల్స్ కంట్రోల్లో ఉండడానికి అవసరమైన సూచనలు చేస్తారు.
లైఫ్స్టైల్లో చేసుకోదగ్గ మార్పులు ఏమిటి?
ఒత్తిడి తగ్గించుకోవడం చాలా ముఖ్యం. ఉప్పూ, సాచ్యురేటెడ్ ఫ్య్యట్ ఉన్న ఆహార పదార్ధాలు తగ్గించాలి. రోజుకి అరగంట నుండీ గంట వరకూ వ్యాయామం కంపల్సరీ. స్మోకింగ్, ఆల్కహాల్, కెఫీన్ వంటివి మానెయ్యాలి. బరువు ఎక్కువగా ఉంటే వెంటనే బరువు తగ్గించుకోవాలి. ఆరోగ్యకరమైన్ ఆహారం తీసుకోవాలి. ప్రాసెస్డ్ ఫుడ్ తగ్గించాలి.
