Lassi Varities….లస్సీలు

Traditional Lassi…సంప్రదాయ లస్సీ…
పెరుగు 2 కప్పులు, కొద్దిగా పంచదార…కొద్దిగా ఉప్పు… వీటన్నిటినీ మిక్సీలో వేసి కొద్దిగా నీటిని కలుపుకొని మిక్సీ వేయాలి. తరువాత ఐస్ కలుపుకొని చల్లగా సేవించవచ్చు.
Pudina Lassi…పుదీనా లస్సీ…
కావలసినవిపెరుగు : 3 కప్పులు, పుదీనా ఆకులు(సన్నగా ముక్కలు చేయాలి) కప్పు. బ్లాక్ సాల్ట్ : 1 టీ స్పూను, ఐస్ కొద్దిగా… మిక్సీలో అన్నిటిని వేసి కొద్దిగా నీరు కూడా పోసి అన్నీ కలిసేదాకా మిక్సీ తిప్పాలి. ఈ మిశ్రమాన్ని వెడల్పాటి గిన్నెలో పోసి అందులో ఐస్ కలుపుకోవాలి.
Papaya Lassie…బొప్పాయి లస్పీ..
పెరుగు 2 కప్పులు, బొప్పాయి ముక్కలు కొద్దిగా.. తెనె 2 స్పూన్లు, యాలకులపొడి అరస్పూను. అన్నిటిని మిక్సీలో వేసి, కొద్దిగా నీరు కూడా పోసి మిక్సీ తిప్పుకోవాలి. చివరిలో యాలకులపొడి కొద్దిగా ఐస్ కూడా కలుపుకొని చల్లగా తాగవచ్చు.
Grapes Lassi…ద్రాక్షా లస్సీ….
ద్రాక్షా లస్సీకి నల్లద్రాక్షాలు బాగుంటాయి. 100 గ్రాములు నల్లద్రాక్షా, కప్పు పెరుగు, పంచదార 4 స్పూన్లు అన్నీటినీ మిక్సీలో వేసి కొద్దిగా నీరుకూడా కలుపుకొని మీక్సీ వేయాలి. తరువాత కొద్దిగా ఐస్ కలుపుకొని చల్లగా సేవించవచ్చు.
Mango Lassi…మ్యాంగో లస్సీ…
బంగినపల్లి మామిడి కాయ ఒకటి చిన్నముక్కలుగా కోయాలి. రెండు కప్పుల పెరుగు, తేనె 2 స్పూన్లు… అన్నిటిని మీక్సీ వేసి కొద్దిగా ఐస్ కలుపుకొని చల్లగా తాగవచ్చు.
Masala Lassi…మసాలా లస్సీ…
పెరుగు 3 కప్పులు….శొంఠి పొడి అర స్పూను..మిరియాల పొడి అరస్పూను…పొదీనా ఆకులు కొద్దిగా…ఉప్పు కొద్దిగా.. అన్నిటినీ మిక్సీలో వేసి కొద్దిగా నీరు కలుపుకొని మిక్సీ వేసిన తరువాత ఐస్ కలుపుకొని చల్లగా సేవించాలి.
Strawberry Lassi…పిల్లకు ఇష్టమైన స్ట్రాబెర్రీ లస్సీ…
పెరుగు 2 కప్పులు…స్ట్రాబెర్రీలు 4..తేనె 2 స్పూన్లు.. యాలకుల పొడి అరస్పూను..అన్నిటినీ కలిపి మిక్సీవేసి… గ్లాసులలో పొసిన తరువాత కొద్దిగా ఐస్ కలుపుకొంటే పిల్లలు చాలా ఇష్టంగా తాగుతారు.

అరటిపండుతో లస్సీ…
కావలిసినవి
తాజా పెరుగు : 2 కప్పులు
అరటిపండ్లు : రెండు కాయలు
చల్లటినీరు : మూడు గ్లాసులు
ఉప్పు : చిటికెడు
తయారు చేసే విధానం:
అరటిపండ్లను చిన్న, చిన్న ముక్కలుగా చేసుకొని, వీటితో పాటు పెరుగును కూడా మిక్సీలో వేసుకొని గిలకొట్టుకోవాలి. దీనిలో చల్లటి నీరు కలుపుకుని కొద్దిగా ఐస్ కూడా వేసుకోని చల్లచల్లగా సేవించవచ్చు.
బీట్ రూట్ లస్సీ
కావలిసినవి
పెరుగు : 1 కప్పు
చల్లటి నీరు : 2 గ్లాసులు
ఉప్పు : చిటికెడు
బీట్ రూట్ : 1 కప్పు ముక్కలు
కొత్తిమీర తురుము : కొద్దిగా
పుదీనా ఆకులు : కొద్దిగా
తయారు చేసే విధానం :
బీట్ రూట్ ముక్కలు, పుదీనా, కొత్తిమీరను మిక్సీలో వేసి మెత్తగా చేసుకొవాలి. ఇందులో కొద్దిగానీరు పోసుకొని మడకట్టుకోవాలి. తరువాత పెరుగు కూడా మిక్సీలో వేసి గిలకొట్టుకొని అందులో వడకట్టకున్న జ్యూస్ ను కూడా వేసి గిలకొట్టుకొని తరువాత నీటిని కూడా కలిపి ఇష్టమున్న వారు కొద్దిగా ఐస్ కలుపుకొని చల్లగా సేవించుకోవచ్చు.
కీరా లస్సీ:
కావలిసినవి
కీరాముక్కలు : కొద్దిగా
పెరుగు : 1 కప్పు
చల్లటి నీరు : 2 గ్లాసులు
జీలకర్ర : 1 స్పూను
అల్లం : కొద్దిగా
పుదీనా : కొద్దిగా
కొత్తిమీర తురుము : కొద్దిగా
తయారు చేసే విధానం
కీరా ముక్కలు, సన్నగా తరిగిన అల్లం ముక్కలు, పుదీనా,జీలకర్ర కొతిమీర అన్నీటినీ మిక్సీలో వేసి మొత్తగా చేసుకొని కొద్దిగా నీరు పోసుకొని వడకట్టుకోవాలి. తరువాత పెరుగు కూడా మిక్సీలో వేసి గిలకొట్టుకోవాలి. ఈరెండింటిలో చల్లటి నీరు కలుపుకుంటే చల్ల చల్లనీ కీరా లస్సీ రెడీ.