వాటర్ స్పోర్ట్స్-పారా సైలింగ్, వాటర్ బైక్, బనానా బోట్, క్యాసినోలు ప్యారా సైక్లింగ్ :
ఓ పడవ మీద సముద్రంలోకి తీసుకు వెళ్ళి అక్కడ మరో పడవ ఎక్కిస్తారు. అక్కడ నుండి ప్యారాచూట్ లో ఎక్కించి గాల్లోకి వదిలి వేస్తారు. పైకి వెళ్ళాక ఆ అనుభూతి వేరు.
వాటర్ బైక్ :
నీళ్ళ మీద నడిచే బైక్ ఇది. వేగంగా అలలను చీల్చుకుంటూ ముందుకు వెళుతుంది ఈ బైక్.
బనానా :
గాలితో నిండిన అరటిపండు ఆకారంలో ఉన్న ఓ పడవ మీద సముద్రంలోకి తీసుకు వెళ్ళి అక్కడ వదులుతారు. లైఫ్ జాకెట్లు ఉంటాయి కాబట్టి ప్రమాదం ఉండదు.
ప్యారా గైడింగ్ :
ఓ కొండ మీద నుండి మరో కొండ మీదకు ప్యారాచూట్ ద్వారా పంపిస్తారు.
క్యాసినోలు :
గోవాలోని క్యాసినోలు బాగా ఫేమస్. నీటి మధ్యలో పెద్ద పెద్ద క్రూయిజ్ లైనర్ల లో క్యాసినో లు నిర్వహిస్తారు. టికెట్ తీసుకున్న తరువాత పడవలలో తీసుకు వెళ్ళి క్రూయిజ్ లలో దింపుతారు. ఈ క్రూయిజ్ లలో రెస్టారెంట్లు, గేమ్స్, దుకాణాలు అన్నీ ఉంటాయి. నైట్ రివర్ క్రూయజర్ మీద మండోవి నదిలో వెన్నుల విహారం ఓ అద్భుతమైన అనుభూతి. షిప్ డెక్ మీద డ్యాన్సులు, గానా బజానాలు, పెద్దలు, పిల్లలు, జంటలు అందరూ కలిసి నందడిగా గడుపుతుంటారు. సముద్రం ప్రక్కన కొండపై నిర్మించిన చపోరా కోట చూడదగ్గది.
