Blood Groups

చూడటానికి పైకి ఒకేలా కనిపిస్తుంది గానీ అందరి రక్తం ఒకటి కాదు. ఇందులో ఎ, బి, ఎబి, ఒ అనే రకాలు ఉన్నాయి. అలాగే పాజిటివ్‌, నెగెటివ్‌ను బట్టి కూడా మరిన్ని రకాలుగా వర్గీకరిస్తారువాటి వివరాలు గురించి తెలుసుకుందాం.
యాంటీజెన్ల ఆధారంగా..
– ఎర్ర రక్తకణాల ఉపరితలం మీదుండే యాంటీజెన్ల ఆధారంగా రక్తం – —- గ్రూపులను నిర్ధరిస్తారు.
– ఎ యాంటీజెన్‌ ఉంటే ఎ గ్రూపు,
– బి యాంటీజెన్‌ ఉంటే బి గ్రూపు,
– ఎ బి రెండూ ఉంటే ఎబి గ్రూపు..
– ఇక యాంటీజెన్‌లేవీ లేకపోతే ఒ గ్రూపుగా పరిగణిస్తారు.
– అలాగే ఎర్ర రక్తకణాల మీద ఆర్‌హెచ్‌ ఫ్యాక్టర్‌ కూడా ఉంటే పాజిటివ్‌గా, లేకపోతే నెగిటివ్‌గా భావిస్తారు.
– ఉదాహరణకు ఎ యాంటీజెన్‌తో పాటు ఆర్‌హెచ్‌ ఫ్యాక్టర్‌ కూడా ఉంటే ఎ పాజిటివ్‌ అని..
– ఆర్‌హెచ్‌ ఫ్యాక్టర్‌ లేకపోతే ఎ నెగిటివ్‌ అని అంటారు.
అందరికీ సరిపోయేది..
అత్యవసర సమయాల్లో ఒకే రకం రక్తం అందుబాటులో లేకపోతే ఒ నెగిటివ్‌ రక్తాన్ని ఎక్కిస్తుంటారు. అందుకే వీరిని సార్వత్రిక రక్తదాతలంటారు. ఇక ఎబి పాజిటివ్‌ రక్తం గలవారికి ఎలాంటి గ్రూపు రక్తమైనా సరిపోతుంది. వీరిని సార్వత్రిక రక్త గ్రహీతలంటారు.

Blood Donation….రక్తదానం

చేయదగిన వారు : ఆరోగ్యవంతులైన 18 నుండి 55 సంవత్సరాల వయసున్న వారు రక్తదానం చేయవచ్చు. మగవారైతే ప్రతి మూడునెలలకు ఆడవారైతే ప్రతి నాలుగు నెలలకు ఒకసారి రక్తదానం చేయవచ్చును. కొన్ని ప్రమాణాల ఆధారంగా రక్తదాతలు :
12.5 జి / డి.ఎల్‌ కన్నా ఎక్కువ హిమోగ్లోబిన్‌ వున్నవారు. నాడి కొట్టుకునే వేగం నిమిషానికి 50 – 100 మధ్య వున్నవారు. శరీర ఉష్ణోగ్రత సాధారణంగా వున్నవారు. బరువు 46 కిలోల కన్నా ఎక్కువ వున్నవారు.
రక్తదానం చేయకూడని వారు :
గర్భిణీ స్త్రీలు, పిల్లలకు పాలిచ్చే తల్లులు, గర్భస్రావం అయినవారు, నెలసరిలో ఉన్న స్త్రీలు.
స్థిరాయిడ్లు, హార్మోన్‌ మందులు, ఏవైనా ప్రత్యేక మందులు వాడుచున్నవారు.
హెచ్‌.ఐ.వి / లైంగిక వ్యాధులు / ఇన్‌ఫెక్షన్లు వున్నవారు. మాదకద్రవ్యాలు సేవించేవారు.
మలేరియా. టైఫాయిడ్‌, కామెర్ల వంటి వ్యాధులు వున్నవారు.
గత ఆర్నెల్ల కాలంలో ఆపరేషన్లు చేయించుకున్నవారు.
రక్తదానానికి ముందు24 గంటల సమయంలో మద్యం త్రాగినవారు.

అపోహలు : రక్తదానం చేసిన తరువాత హోమోగ్లోబిన్‌ పడిపోతుందని అపోహ. ఒకసారి 470 మి.లీ. కంటే తక్కువే తీసుకుంటారు కాబట్టి మన శరీరం ఈ రక్తాన్ని త్వరగానే భర్తీ చేసుకుంటుంది.
రక్తదానానికి ఎక్కువ సమయం పడుతుందని కొందరి అపోహ. కాని గంటకన్నా ఎక్కువ సమయం పట్టదు.
రక్తదానం చేసిన తరువాత ఎలాంటి అనారోగ్యం తలెత్తదు. కొన్నిగంటలు విశ్రాంతి తీసుకుంటే సరిపోతుంది.
రక్తదానం చేస్తే ఇన్‌ఫెక్షన్లు వస్తాయని చాలామంది భయపడతారు. కాని శుభ్రమైన (స్టెరిలైజ్డ్‌) పరికరాలు వాడితే ఎటువంటి ఇన్‌ఫెక్షన్లు రావు.

రక్తదానం

రక్తదానం ఆరోగ్యానికి చాలా మంచిది. ఒకరి రక్తదానం ముగ్గురు మనుషులని కాపాడుతుంది. దీని వల్ల ఎదుటివారికే కాదు.. మనకి ఎన్నో హెల్త్ బెనిఫిట్స్ ఉన్నాయి.

blood donation toi
రక్తదానం అనేది.. ఎదుటివారి ఆరోగ్యం, వారిని రక్షించేందుకు మాత్రమే కాదు. మన ఆరోగ్యం కూడా చాలా మంచిదని చెబుతున్నారు నిపుణులు. రక్తదానం చేసినవారికి మానసిక, శారీరక ప్రయోజనాలు ఉన్నాయి..అవేంటంటే..

– ఒత్తిడి తగ్గుతుంది
– నెగెటీవ్ ఫీలింగ్స్ తగ్గడం
– మానసికారోగ్యం
– శారీరక ఆరోగ్యం..

ఫ్రీ చెకప్

ఇంకో బెనిఫిట్ ఏమిటంటే బ్లడ్ డొనేషన్ వల్ల ఫ్రీ గా చెకప్ అయిపోతుంది. ఎందుకంటే మీరు బ్లడ్ డొనేట్ చేసే ముందు మీ బీపీ, టెంపరేచర్, పల్స్, హిమోగ్లోబిన్ లెవెల్స్ చెక్ చేస్తారు. దీంతో పాటు మీ బ్లడ్ ని హెపటైటిస్ బీ, హెపటైటిస్ సీ, హెచైవీ, వెస్ట్ నైల్ వైరస్, సిఫిలిస్ లాంటి టెస్ట్స్ కూడా చేస్తారు.
ఏమైనా సైడ్ ఎఫెక్ట్స్ ఉన్నాయా?

ఆరోగ్యంగా ఉన్నవారు ఎవరైనా బ్లడ్ డొనేట్ చేయొచ్చు. దీని వల్ల ఎలాంటి వ్యాధులు రావు. కొంతమందికి బ్లడ్ డొనేషన్ తర్వాత వికారంగా, తల తిరుగుతున్నట్లుగా అనిస్తుంది. ఇవి కొన్ని నిమిషాల పాటూ మాత్రమే ఉంటాయి. అలాంటప్పడు కాళ్ళు కొంచెం ఎత్తులో పెట్టుకుని పడుకుంటే సరిపోతుంది. అలాగే, సూది గుచ్చిన చోట కాస్తా రక్తం కారుతుంది. అలాంటప్పుడు దూదితో అదిమి పెట్టడమో, రెండు నిమిషాలు చేయి ఎత్తి పట్టుకోవడమో చేస్తే సరిపోతుంది.
రక్తం ఇచ్చిన చాలా సమయం వరకూ తల తిరగడం జరిగినా, సూది గుచ్చిన దగ్గర ఎక్కువగా రక్తం కారుతున్నా, లేదా అక్కడ వాపు కనిపిస్తే, చెయ్యి నొప్పి, తిమ్మిరిగా ఉన్నా వెంటనే బ్లడ్ డొనేషన్ సెంటర్‌ని సంప్రదించండి.

బ్లడ్ డొనేషన్ ఎలా చేయాలి..

ముందుగా మీరు రిజిస్టర్ చేసుకోవాలి. మీ ఐడీ, మెడికల్ హిస్టరీ ప్రొవైడ్ చేయాలి. తరువాత మిమ్మల్ని ఎగ్జామిన్ చేస్తారు. అంతా ఓకే అనుకున్నాక బ్లడ్ డొనేషన్ ప్రాసెస్ మొదలౌతుంది. హోల్ బ్లడ్ డొనేషన్ చాలా సింపుల్ ప్రాసెస్. ఈ హోల్ బ్లడ్ ని ఇలాగే ఇంకొకరికి ఎక్కించవచ్చు, లేదా, రెడ్ సెల్స్, ప్లేట్లెట్స్, ప్లాస్మా గా సెపరేట్ చేసి ముగ్గురికి అందించవచ్చు.
బ్లడ్ డొనేషన్ ఎలా చేస్తారంటే:
– మీరు కూర్చుని, పడుకుని ఎలా అయినా బ్లడ్ ఇవ్వచ్చు.
– మీ చేతి మీద ఒక ప్రదేశాన్ని స్టెరిలైజ్ చేసి అక్కడ నరంలోకి సూది ఎక్కిస్తారు.
– దాదాపుగా ఓ అర లీటరు రక్తం తీసుకుంటారు. దీనికి సుమారు ఎనిమిది నించి పది నిమిషాల సమయం పడుతుంది.
– ఆ తరువాత సూది తీసేసి అక్కడ బ్యాండేజ్ వేస్తారు.
బ్లడ్ డొనేషనే కాకుండా, ప్లేట్‌లెట్స్, ప్లాస్మా, డబుల్ రెడ్ సెల్స్ కూడా డొనేట్ చేయొచ్చు.
డొనేషన్ తర్వాత మీకు తినడానికీ, తాగడానికీ ఏమైనా ఇచ్చి 15 నిమిషాలు విశ్రాంతి తీసుకోమంటారు.

డొనేషన్ కి ముందు..

– మీరు 18 నుంచి 65 సంవత్సరాల వయసు మధ్యలో ఉండాలి.

– కనీసం 50 కిలోల బరువు ఉండాలి.

– మీ మెడికల్ హిస్టరీ, మీరు ఆ సమయంలో ఏమైనా మందులు తీసుకుంటే వాటి గురించి వివరంగా చెప్పాలి.

– మీరు హోల్ బ్లడ్ డొనేట్ చేస్తే, మళ్ళీ అలా చేయడానికి కనీసం ఎనిమిది వారాలు ఆగాలి. డబుల్ రెడ్ సెల్ డొనేషన్ అయితే పదహారు వారాలు ఆగాలి.

– ప్రతి ఏడు రోజుల తర్వాత ప్లేట్లెట్స్ డొనేట్ చేయొచ్చు.

బ్లడ్ డొనేట్ చేయబోయేముందు చేయాల్సిన పనులు

– మీ అపాయింట్‌మెంట్‌కి ముందు నీరు ఎక్కువగా తీసుకోండి.