స్వచ్ఛమైన తేనె గుర్తించడం ఎలా

How to Check if Your Honey is Pure With Full Details - Sakshi

వెనుకటి రోజుల్లో పెరట్లోనో, పోలాల్లోనో, పండ్ల తోటల్లోనో, అడవుల్లో తేనె తుట్టెలు విరివిగా కనిపించేవి. తేనె పక్వానికి వచ్చినప్పుడు తేనెటీగలు కుట్టకుండా జాగ్రత్తగా ఒడిసిపట్టి ఇంట్లో నిల్వచేసేవారు. మాటలు రాని చిన్నపిల్లలకు ఈ స్వచ్ఛమైన తేనెను నాకించేవారు. అయితే ప్రస్తుతం ఇప్పుడా పరిస్థితి లేదు. ఇప్పుడంతా ఎటుచూసినా కాంక్రీట్‌ జంగిల్‌ మాత్రమే కనిపిస్తుంది. దీనితోడు మార్కెట్లలో పేరుమోసిన అనేక బ్రాండ్లు స్వచ్ఛమైన తేనె అని చెప్పి ఒక బాటిల్‌ కొంటే మరో బాటిల్‌ ఫ్రీ అని అమ్మెస్తున్నాయి. 

వీటిని గమనించండి..
► స్వచ్ఛమైన తేనె కాస్త నల్లగా ఉంటుంది. పసుపుగా అందంగా కనిపించదు. కల్తీలేని తేనెను గాజుసీసాలో పోస్తే సీసాకు అవతల ఉన్న వస్తువులేవీ కనిపించవు. కాలం గడిచేకొద్ది కల్తీ తేనెలు కూడా నల్లగా ముదురు రంగులోకి మారతాయి. అలా అని అది స్వచ్ఛమైన నిఖార్సైన తేనె అనుకోలేము. తయారీ తేదీని బట్టి రంగును గుర్తించాలి.

► తేనెలో 18 శాతం కంటే తక్కువ వాటర్‌ ఉంటే అది స్వచ్ఛమైన తేనెగా గుర్తించాలి. 

► ఒక స్పూన్‌తో కొద్దిగా తేనె తీసి దానిని ప్లేటుపై ఒక చుక్క వేయాలి. అప్పుడు ఆ తేనె చుక్కలు ముద్దగా లేదా ధారలా జారాలి. అప్పుడు అది మంచి తేనె అని నిర్ధారించుకోవాలి. అలా కాకుండా చుక్కలు చుక్కలుగా విడిపోతూ ఉంటే అది కల్తీకలిసిన తేనెగా గుర్తించాలి.

► నాణ్యమైన తేనె అంటే ఆర్గానిక్‌ మాత్రమే. తేనెలో ఫ్రక్టోజ్, గ్లూకోజ్‌లు ఉండడం వల్ల అది పంచదార కంటే తియ్యగా ఉంటుంది. 

► తేనెను ప్రాసెస్‌ చేసే క్రమంలో వేడిచేస్తారు. ఇలా వేడిచేసేటప్పుడు తేనెలోని ఎంజైమ్‌లు, ప్రోబయోటిక్స్‌ తోపాటు ఇతర పోషకాలు దెబ్బతింటాయి.

► తీపిదనంతో పాటు తేనెలో 20 శాతం కంటే తక్కువగా నీరు కూడా ఉంటుంది. అందువల్ల తేనెలో సూక్ష్మజీవులు పెరగలేవు. 

► ఎక్కువ కాలం తేనె తాజాగా ఉండాలని ఫ్రిజ్‌లో పెట్టకూడదు. అలా చేస్తే అది చక్కెరలా మారిపోతుంది. శుభ్రమైన పొడి గాజుసీసాలో పోసీ గాలిపోకుండా టైట్‌గా మూతపెట్టి భద్రపరిస్తే ఎన్నేళ్లైనా తేనెకు శల్యం ఉండదు. 

బర్డ్ ఫ్లూ

బర్డ్ ఫ్లూ

పక్షులకు ఈ వైరస్ ఎలా సోకుతుంది?

హెచ్5ఎన్1 లాంటి ఏవియెన్ ఇన్‌ఫ్లూయెంజా వైరస్ సోకిన పక్షులకు దగ్గరగా వెళ్లినప్పుడు మిగతా పక్షులకు ఈ వైరస్ సోకుతుంది.

ఈ వైరస్ సోకి మరణించిన పక్షుల మృతదేహాలకు దగ్గరగా వెళ్లినప్పుడు కూడా బతికుండే పక్షులకు ఈ వైరస్ సంక్రమిస్తుంది.

పక్షుల రెట్టల నుంచి కళ్లు, నోటి నుంచి వెలువడే ద్రవాల వరకు… అన్నింటిలోనూ ఈ వైరస్ జాడలు ఉంటాయి.

కొన్ని పక్షుల్లో అసలు ఎలాంటి లక్షణాలూ కనిపించవు. అయితే వీటి వల్ల ఇతర పక్షులకు వైరస్ వ్యాపించే ముప్పు ఉంటుంది. వలస పక్షుల వల్ల ఇవి ఇతర ప్రాంతాలకూ విస్తరిస్తుంటాయి.

బర్డ్ ఫ్లూ

మనుషులకు ఎలా సోకుతుంది?

ఈ వైరస్ సోకిన పక్షులకు సమీపంలో ఎక్కువ సేపు గడిపినప్పుడు ఎక్కువగా ఈ వైరస్ మనుషులకు సోకుతుంది. ముఖ్యంగా పౌల్ట్రీల్లో పనిచేసేవారికి ఈ వైరస్ సోకే ముప్పు ఎక్కువగా ఉంటుంది.

సాధారణంగా బర్డ్ ఫ్లూ మనుషుల్లో ఒకరి నుంచి మరొకరికి వ్యాపించదు.

వైరస్

అయితే, ఏదో ఒకరోజు ఈ వైరస్ కూడా జన్యు పరివర్తన చెంది ఒకరి నుంచి మరొకరికి వ్యాపించే సామర్థ్యాన్ని సాధించొచ్చని పరిశోధకులు ఆందోళన వ్యక్తం చేస్తున్నారు.

1918లో లక్షల మంది మరణాలకు కారణమైన స్పానిష్ ఫ్లూ ఇలానే పక్షుల నుంచి మనుషులకు సంక్రమించిందని అప్పట్లో చాలా వార్తలు వచ్చాయి.

తాజా కోవిడ్-19 వైరస్ కూడా జన్యుపరివర్తన చెందడంతో మనుషుల మధ్య వ్యాపించగలిగే సామర్థ్యాన్ని సంపాదించగలిగింది.

బర్డ్ ఫ్లూ

ఎలాంటి లక్షణాలు కనిపిస్తాయి?

జ్వరం, దగ్గు, తలనొప్పి, కండరాల నొప్పులు, జలుబు, వణుకు లాంటి లక్షణాలతో మనుషుల్లో బర్డ్ ఫ్లూ మొదలవుతుంది.

సాధారణ ఫ్లూ లక్షణాలే బర్డ్ ఫ్లూ సోకినప్పుడూ కనిపిస్తాయి. వైరస్ సోకిన మూడు నుంచి ఐదు రోజుల తర్వాత ఈ లక్షణాలు ఒక్కసారిగా కనిపిస్తాయి.

చికిత్స ఏమిటి?

లక్షణాలు తగ్గేందుకు యాంటీవైరల్ ఔషధాలను వైద్యులు సూచిస్తారు. పారాసిటమాల్ లాంటి నొప్పి నివారిణులను కూడా ఇస్తుంటారు.

బర్డ్ ఫ్లూ

ఎలాంటి జాగ్రత్తలు తీసుకోవాలి?

ఎలాంటి ఫ్లూలు విజృంభిస్తున్నప్పుడైనా.. తరచూ చేతులు కడుక్కోవడం; దగ్గేటప్పుడు, తుమ్మేటప్పుడు గుడ్డలు అడ్డుపెట్టుకోవడం లాంటి చర్యలతో ముప్పును తగ్గించుకోవచ్చు.

ముఖ్యంగా భోజనం చేసేటప్పుడు, మరుగుదొడ్డి ఉపయోగించేటప్పుడు చేతులు, కాళ్లను శుభ్రంగా కడుక్కోవాలి.

దగ్గు, తుమ్ములు లాంటి లక్షణాలు కనిపించే వారి నుంచి సామాజిక దూరం పాటించాలి.

కోళ్లు, బాతులకు మీరు ఆహారం వేయొచ్చు. అయితే ఆహారం వేసిన వెంటనే చేతులను శుభ్రంగా కడుక్కోవాలి. చనిపోయిన, జబ్బు పడిన పక్షుల దగ్గరకు పోకూడదు.

చికెన్ తినొచ్చా?

శుభ్రంగా వండితే వైరస్ చనిపోతుంది. కాబట్టి ఎలాంటి ఆందోళనా అవసరం లేదు.

చికెన్, గుడ్లు శుభ్రంగా, పూర్తిగా వండేలా జాగ్రత్తలు తీసుకునేంత వరకు వీటి నుంచి ఎలాంటి ముప్పూ ఉండదు.

T B / Tuberculosis

ఒకప్పుడు దీన్ని పేదల సమస్యగా భావించేవారు గానీ ఇది ప్రస్తుతం సంపన్న వర్గాల్లోనూ ఎక్కువగానే కనబడుతుండటం. మనదేశంలో ప్రతి 10 మందిలో నలుగురిలో క్షయ కారక మైకోబ్యాక్టీరియమ్‌ ట్యుబుర్‌క్యులోసిస్‌ సూక్ష్మక్రిమి ఉంటుందని నిపుణుల అంచనా. అయినా కూడా మన శరీరంలో రోగనిరోధకశక్తి ఈ క్రిమిని సమర్థంగా ఎదుర్కొని నియంత్రణలోనే ఉంచుతుంది. సుమారు 10% మందిలో మాత్రం జీవితంలో ఎప్పుడో అప్పుడు ఇది విజృంభించి సమస్యాత్మకంగా పరిణమించొచ్చు. శరీరంలో ఏ భాగానికైనా క్షయ రావొచ్చు. కాకపోతే ఊపిరితిత్తుల క్షయ కేసులే ఎక్కువ. కాబట్టి దీనిపై అప్రమత్తంగా ఉండటం అవసరం. ముందు సూచనలు రెండు వారాలకు మించి విడవకుండా దగ్గు వస్తుండటం. దగ్గినపుడు కళ్లెలో రక్తం పడుతుండటం. దగ్గినపుడు, శ్వాస తీసుకున్నప్పుడు ఛాతీలో నొప్పిగా ఉండటం. అకారణంగా బరువు తగ్గిపోతుండటం. ఆకలి మందగించటం. నిస్సత్తువ. జ్వరం. రాత్రిపూట చెమటలు పట్టటం.
TB … టి.బి. / క్షయ డా. రఘోత్తమ్‌ రెడ్డి, ఛాతీవైద్య నిపుణులు, యశోదా హస్పటల్‌, హైదరాబాద్‌.
టిబి. / క్షయ టిబి అని సంక్షిప్తంగా పిలిచే ఈ వ్యాధికి ట్యూబర్క్యులోసిస్‌ బ్యాసిల్లస్‌ అనే బ్యాక్టీరియా కారణం. ఈ సూక్షజీవి ప్రతివారి శరీరంలోనూ ఉంటుంది. అయితే వ్యాధి నిరోధకశక్తి తగ్గిన వారిలో మాత్రం వ్యాధి రూపంలో బయటపడుతుంది. ఈ వ్యాధి రెండు రకాలుగా కనిపిస్తుంది.
పల్మోనరి టిబి: వ్యాధికి కారణమైన సూక్ష్మజీవి ఊపిరితిత్తులను నివాసం చేసుకుని ఈ వ్యాధి బయటపడితే దాన్ని పల్మోనరీ ట్యూబర్క్యులోసిస్‌ అంటారు.
లింఫానాయిడ్స్‌ టి.బి, ఊపిరితిత్తుల బయటి పోరలో నీరు చేరడం, సంతానం లేని మహిళల్లో గర్భాశయంలో టి.బి. అన్నవి ఎక్సా పల్మోనరీ టిబిల్లో ప్రధాన రకాలు.
ఇవే గాక… వెన్నెముక, ఎముక, మొదడు భాగాలకు కూడా టిబీ. వస్తుంది. గతంలో దాదాపు 95 శాతం కేసుల్లో పల్మోనరీ కేసులు కేవలం 5 శాతం మాత్రమే కనిపించేవి.అయితే ఇప్పుడు రకరకాల వైద్య పరీక్షలు అందుబాటులోకి రావటంతో దాదాపు 40 శాతం మందిలో ఈ ఎక్స్రటా పల్మోనరీ కేసులు కనిపిస్తున్నాయి.
వ్యాప్తి ఇలా : ఊపిరితిత్తులకు వచ్చే పల్మోనరీ టి.బి మాత్రమే ఒకరి నుంచి మరొకరికి వ్యాపిస్తుంది. తుమ్ములు, దగ్గు వంటి కారణాలతో ఈ సూక్ష్మజీవి గాలిలోకి చేరి ఒకరి నుంచి వ్యాపిస్తుంది. ఎక్స్టా పల్మోనరి రోగులనుంచి ఇతరులకు సంక్రమించదు. వ్యాధి నిరోధకశక్తి తగ్గడం వలన సూక్ష్మజీవి బలపడి ఈ వ్యాధి బయటపడుతుంది. ఇదీగాక ఇటీవల మారిన జీవనశైలిలో ఒత్తిడి, నిద్రలేమి, పనిభారం, కొవ్వులు ఉన్న ఆహారం తీసుకోవడం పెరిగినందువల్ల ఈ వ్యాధిగ్రస్తుల సంఖ్య విపరీతంగా పెరుగుతుంది.
వ్యాధి లక్షణాలు : టి.బి. బ్యాక్టీరియా మన శరీరంలో నివాసం ఉండే స్థానాన్ని బట్టి వ్యాధి లక్షణాలు బయటపడతాయి. అది ఊపిరితిత్తుల్లో ఉంటే ఎడతెరపిలేకుండా దగ్గు రావడం, కళ్ళె పడటం, దగ్గినపుడు రక్తం పడటం, ఆకలి, బరువు తగ్గడం, నీరసించిపోవటం వంటి లక్షణాలు ఉంటాయి. ఎక్స్ టా పల్మోనరీ టి.బీల్లో కొన్ని ఇతర లక్షణాలతో పాటు బరువు తగ్గుతుండటం, జ్వరం, నీరసం వంటి లక్షణాలు ఉంటాయి.
నిర్థారణ పరీక్షలు : సాధారణంగా ఎక్స్‌-రే, కళ్ళె పరీక్షలతో 60% నుంచి 70% శాతం కేసుల్లో టిబీని నిర్థారించవచ్చు. వీటితో నిర్థారణ కాకపోతే అపుడు టి.బి. సెరోలజీ, పిసిఆర్‌, వంటి పరీక్షలు చేయించాల్సి ఉంటుంది. ఇవేగాక అవసరాన్ని బట్టి సిటిస్కాన్‌, బోన్‌స్కాన్‌, బయాప్సీ వంటి పరీక్షలు చేయించాలి.
చికిత్స : ఒకప్పుడు టి.బి. అంటే ఏదో పెద్ద జబ్బు అనుకునేవారు ఇప్పుడు దీన్ని పూర్తిగా తగ్గించడానికి నిర్థిష్టమైన మందులు ఉన్నాయి. 1) ప్రైమరీ డ్రగ్స్ : వీటిని ఆరు నెలలనుండి ఏడాది పాటు వాడితే టిబిని పూర్తిగా నయం చేయవచ్చు. రోగి బరువును బట్టి మందుల మోతాదు నిర్ణయిస్తారు. అయితే ఏదైనా కారణాల వల్ల పూర్తికాలం పాటుమందు వాడకపోయినా, తగిన మోతాదుల్లో తీసుకోకపోయినా వ్యాధి క్రిములు మందులకు లొంగకుండా మొండిగా తయారవుతాయి.
ఒక్కోసారి డాక్టర్‌ పర్యవేక్షణ లేకుండా టిబీ. మందులను కొనుగోలు చేసి ఇష్టానుసారం వాడటం వల్ల కూడా వ్యాధి లొంగకుండా ముదరవచ్చును. అలా ముదిరిన ఆ వ్యాధిని మల్టీ డ్రగ్ రెసిస్టెంట్ టి.బీగా పిలుస్తారు.
2) సెకండ్‌ లైన్‌ డ్రగ్స్ : మల్టీ డ్రగ్ రెసిస్టెంట్ టి.బి. ఉన్నవారికి ఇచ్చే మందులను రిజర్వ్‌ డ్రగ్స్ లేదా సెకండ్‌ లైన్‌ మందులుగా పేర్కొంటారు. నిజానికివి టి.బి. మందులు కావు. అనేక రకాల యాంటీబయాటిక్స్‌తో ఈ మందులను రూపొందిస్తారు. ఖరీదు కూడా ఎక్కువే. దుష్ప్రభావాలు (సైడ్‌ ఎఫెక్ట్స్‌) కూడా ఎక్కువే.
3) నివారణ: ప్రతివారిలో టిబీ. బ్యాక్టీరియా తేలిగ్గా ప్రవేశించి శరీరంలో ఆశ్రయం తీసుకుంటుంది. ఇలా జరగటాన్ని నివారించలేము. అయితే శరీరంలో ఆ వ్యాధి పొడ చూపకుండా ఉండాలంటే మన వ్యాధినిరోధక శక్తి తగ్గకుండా చూసుకోవాలి. అలా చూసుకోవాలంటే చేయాల్సింది కూడా చాలా సులువు. క్రమబద్ధమైన జీవనశైలి, ఆరోగ్యకరమైన అలవాట్లు ఉండేలా చూసుకోవాలి. సమయానికి భోజనం చేయడం. భోజనంలో సమతుల ఆహారం అంటే ప్రోటీన్స్‌ ఎక్కువగా ఉండే గుడ్లు, ఆకుపచ్చగా ఉండే ఆకుకూరలు, కూరగాయలు వంటివి తీసుకోవాలి. ఒత్తిళ్ళు లేకుండా ఉండాలి. పొగత్రాగడం పూర్తిగా మానేయాలి. ఆల్కహాల్‌ అలవాటును పూర్తిగా వదిలేయాలి.
4) వ్యాధిని వీలైనంత మందుగా గుర్తించి తగిన చికిత్స తీసుకోవాలి. సరిగ్గా మందులు వాడటం కూడా ఇతరులకు వ్యాధి రాకుండా నివారించడమే అవుతుంది.
5) డాట్స్ చికిత్స : ప్రభుత్వం టి.బీ రోగులకు చికిత్స అందించే కార్యక్రమంలో ఒక భాగమే డాట్స్. ఇందులో భాగంగా దేశంలోని అన్ని ప్రాంతాల్లోనూ వాలెంటీర్లు రోగులకు ఉచితంగా మందులు ఇవ్వడమే కాకుండా స్వయంగా దగ్గరుండి మందులు తీసుకునేలా చూస్తారు. వ్యాధి తీవ్రతను బట్ట రోగులను మూడు రకాలుగా విభజించి వారు ఈ మందులు పూర్తి కోర్సు వాడేలా జాగ్రత్త తీసుకుంటారు. దీన్నే డాట్స్ అంటారు.
6) ఇటీవల సెకండ్‌ లైన్‌ మందులను కూడా ఈ కార్యక్రమం కింద ఉచితంగా ఇస్తున్నారు. బాల్యంలో ఇచ్చే బి.సి.జీ వ్యాక్సిన్‌ టిబీని పూర్తిగా అరికట్టలేదు. అయితే దీని తీవ్రత పెరగకుండా చేయగలదు. బి.టి ఎండిఆర్‌ దశకు చేరాక మందులు వాడటం కంటే ప్రైమరీ మందులతో తగ్గించుకోవటం తేలిక. అలా నయం చేసుకోవటమే మంచిది

Paralysys….పక్షవాతం

మనిషిని అకస్మాత్తుగా నిర్వీర్యం చేసి, నిట్ట నిలువునాపడ దోస్తుంది. మెదడులోని రక్తనాళంలో అడ్డంకి ఏర్పడటమో, చిట్లటమో.. కారణమేదైనా మెదడుకు రక్తసరఫరా ఆగిపోవటం దీనికి మూలం. ఫలితంగా మెదడు నుంచి సంకేతాలు అందక ఆయా భాగాలు చచ్చుబడిపోతుంటాయి. పక్షవాత లక్షణాలు మొదలైన తొలి గంట ‘అతి విలువైన సమయం’. ఎందుకంటే ఈ సమయంలో చికిత్స ఆరంభిస్తే చాలావరకు కోలుకునే అవకాశముంది. మెదడు మరీ ఎక్కువగా దెబ్బతినకుండా, శాశ్వత వైకల్యం బారినపడకుండా కాపాడుకోవచ్చు.
మెదడులోని కుడి భాగాంలో రక్త నాళాలు దెబ్బ తింటే శరీరంలోని ఎడమ భాగానికి పక్షవాతం వస్తుంది. ఎడమ భాగంలోని రక్త నాళాలు దెబ్బ తింటే శరీరంలోని కుడి భాగానికి పక్షవాతం వస్తుంది.
వచ్చే మందు సూచనలు
ఉన్నట్టుండి ముఖం, చేయి, కాలు మొద్దుబారినట్టు అనిపించటం. ముఖ్యంగా శరీరంలో ఒకవైపు బలహీనమవుతున్నట్టు, పట్టు తప్పుతున్నట్టు అనిపించటం. అకస్మాత్తుగా మాట తడబడిపోవటం. అంతా అయోమయంగా అనిపిస్తుండటం. ఎదుటివాళ్లు చెప్పేవి అర్థం కాకపోవటం. ఉన్నట్టుండి ఒక కంట్లో గానీ రెండు కళ్లలో గానీ చూపు తగ్గినట్టు అనిపించటం. హఠాత్తుగా నడక తడబడటం. తల తిరుగుతున్నట్టు, పట్టు తప్పి తూలి పడిపోతున్నట్టు అనిపించటం. ఎలాంటి కారణం లేకుండా ఉన్నట్టుండి తీవ్రమైన తలనొప్పి రావటం.

electric Shock ….ఎలక్ట్రో కన్వల్సివ్‌ థెరపీ (ఈసీటీ) అది షాక్‌ కొట్టదు

వైద్యపరమైన కరెంటు షాక్‌ అనగానే ….అమ్మో…అనుకుంటారు. సినిమాల్లో సైతం దాన్ని భయంకరంగా చూపిస్తారు. నిజానికి అది ఎంతమాత్రమూ భయంగొలిపేది కాదు. మానసిక వైద్యులు మొదటిసారి రోగి బంధువుకు ఎలక్ట్రిక్‌ షాక్‌ థెరపీ అనగానే వచ్చే సమాధానంతో వాళ్లు భయపడుతున్నట్లు తెలుస్తుంది. మన ప్రచార సాధనాల్లో సినిమాలు, టెలివిజన్‌లో చూపించే హాస్య సన్నివేశాల్లో ఎలక్ట్రిక్‌ షాక్‌ (ఎలక్ట్రో కన్వల్సివ్‌ థెరపీ) ని చాలా భయంకరంగా చూపిస్తారు. ఇది ఏమాత్రం భయంకరం కాదు. ప్రమాదకరమైనదీ కాదు. ఈ ప్రక్రియను ఏడెమినిది దశాబ్ధాలుగా ఉపయోగిస్తున్నారు. ఇది అనేక మంది ప్రాణాలు కాపాడింది. ఇంకా కాపాడుతోంది. దీనిపై అవగాహనతో పాటు దానిపై ఉన్న అపోహలు తొలగించడానికి ఈ వివరణ
మానసిక వ్యాధితో బాధపడుతున్న అనేకమంది తిరిగి సాధారణ స్థితికి రావడానికి ఎలక్ట్రో కన్వల్సివ్‌ థెరపీ ఎంతో ఉపయోగకరం. ప్రతి ఏటా దాదాపు లక్షమందికి పైగా ఈ చికిత్సను పొందుతున్నారు.
చరిత్ర : కరెంటు షాక్‌ ద్వారా కొన్ని మానసిక వ్యాధులు నయమవుతాయని ఎలా తెలుసుకోగలిగారన్నది చాలా ఆశ్చర్యాన్ని కలిగించే అంశం. 1934 లో డాక్టర్‌ మెడూనా అనే శాస్త్రవేత్త క్యాంఫర్‌ను రోగులకు ఇంజక్షన్‌ రూపంలో ఇవ్వడం వలన రోగికి మూర్ఛ (ఫిట్స్‌) ను కలిగించి, మానసిక సమస్యను నయం చేయడానికి ప్రయత్నించారు. సైకోసిస్‌ సమస్యతో బాధపడే రోగులకు మూర్ఛ కలిగించినప్పుడు వారి మానసిక లక్షణాలు తగ్గడం గమనించి, ఫిట్స్‌ కలిగితే సైకోసిస్‌ తగ్గుతుందని దా.మెడూనా తెలుసుకున్నారు.క్యాంఫర్‌ తో ఆ పరిస్ధితిని కలిగించే చికిత్స చేశారు. దాంతో 13 మందికి వ్యాధినయమైంది.
అయితే క్యాంఫర్‌ వలన దుష్ప్రభావాలు కలిగిన కారణంగా, ఇతర పద్దతుల ద్వారా ఫిట్స్‌ను కలిగించడానికి ప్రయత్నాలు జరిగాయి. ఈ ప్రయత్నంలో ఎలక్ట్రో కన్వలిన్సివ్‌ థెరపీ లేదా కరెంటు షాక్‌తో చికిత్స మొదలు పెట్టారు. 1938 లో బి ని, సెరెలెట్టి అనే శాస్త్రవేత్త పరిమిత ఓల్టేజిలో కరెంటును పంపడం ద్వారా మూర్ఛ కలిగించవచ్చని కనుగొన్నారు. తలకు రెండువైపులా ఎలక్ట్రోడ్స్‌ను ఉపయోగించి షాక్‌ ఇచ్చినప్పుడు దాని ప్రభావం మెదడుపై మాత్రమే ఉండి గుండె తదితర భాగాలపై పడకపోవడాన్ని వారు పరిశోధనలో తెలుసుకున్నారు. ఆ కాలంలో సైకోసిస్‌ వంటి మానసిక సమస్యలకు మందులు లేకపోవడంతో ఈసీటీని విరివిగా వాడారు.
తొలినాళ్లలో ఈ ప్రక్రియను రోగికి మత్తు మందు ఇవ్వకుండా చేయడం వ్ల మూర్ఛు కలిగినప్పుడు గాయాు కావడం, ఒళ్లునొప్పు రావడం, ఎముకు గాడితప్పడం, ముఖ్యంగా దవడ ఎముక (జాడిజ్‌ లొకేషన్‌)వంటివి జరగడం ఎక్కువగా ఉండేవి. 1940 లో బెనెట్‌ అనే శాస్త్రవేత్త మత్తుమందు ఇచ్చి ఈ సమస్యలు ఏవీ రాకుండా చికిత్స చేయవచ్చని కనుగొన్నాడు.
శాస్త్రవిజ్ఞానం ఎంతో పెరిగిన ప్రస్తుత దశలో రోగికి మత్తుమందు ఇవ్వకుండా కండరాలకు తగిన విశ్రాంతి కలిగించే మందు ఇచ్చి ఈసీటీ చేయడం వలన రోగికి అసలు ఏమీ జరగలేదనేలా 15 నుంచి 20 నిమిషాలో ఈ ప్రక్రియను చేయడం సాధ్యమవుతుంది. నిద్రలోకి వెళ్లి మళ్లీ లేచినపుడు మాత్రమే రోగికి ఏదో చికిత్స చేశారనే విషయం తెలుస్తుంది. కాని ఎలాంటి బాధ ఉండదు. ఈసీటీ ఇచ్చిన తరువాత సుమారు రెండు గంటల పాటు రోగిని వైద్యులు తమ పర్యవేక్షణలోనే ఉంచుకొని (మత్తుమందు ప్రభావం పోయేంతవరకు) ఆ తరువాత ఇంటికి పంపిస్తారు. అంటే ఈసీటీకి ప్రస్తుతం అత్యంత సులువైన ప్రమాదరహితమైన అవుట్‌పేషెంట్‌ పద్దతి అని తెలుస్తుంది.
ఈ ప్రక్రియ ఎలా పనిచేస్తుంది: మానసిక సమస్యు వాటి కారణాల గురించి తక్కువ అవగాహన ఉంది. మన శరీరంలో ఆధునిక శాస్త్రీయ పరిజ్ఞానానికి ఇంకా అంతుచిక్కనిది లేదా అని తక్కువగా తెలిసింది మెదడు గురించే. ఇది మెదడు తాలూకా సంక్లిష్టతను తెలియజేస్తుంది. మానసిక సమస్యలు గురించి కారణాలు తెలుసుకోవడం అందుకే చాలా కఠినమైన విషయం. మానసిక సమస్యలకు కారణాలు తెలుసుకోవడం అన్నది కూడా సంక్లిష్టమైనది. ఇప్పుడిప్పుడు మెదడుకు సంబంధించిన రహస్యాలు కొద్దికొద్దిగా తెలుస్తున్నాయి.
ఈసీటీ మెదడులో అనేక మాలిక్యులార్‌ బయోకెమికల్‌, ఎండోక్రైన్‌, స్ట్రక్చరల్‌, జెనటిక్‌ స్ధాయిల్లో మార్పును కలుగజేస్తుంది. ఇది వ్యాధి నయం కావడానికి దోహదం చేస్తుంది.
ఈసీటీ ఎవరికి వాడాలి
1.తీవ్రమైన వ్యాకులత ఉన్నవారికి
2.ఆత్మహత్య చేసుకోవాలని తీవ్రంగా కోరుకోవడం, ఆత్మహత్యకు ప్రయత్నించడం.
3. ఆహారాన్ని తిరస్కరించడం
4.మందుతో వ్యాధి నయం కానప్పుడు
5.సైకోటిక్‌ డిప్రెషన్‌ వంటి వ్యాధులకు
6. బైపోలార్‌ డిప్రెషన్‌కు
7. కెటటోనియా : ఈ పరిస్థితిలో రోగి ఉలకకుండా పలకకుండా శిలాప్రతిమలా బిగుసుకుని ఉండిపోతాడు.అది అనేక మానసిక వ్యాధులు కలిగే స్థితి. కెటటోనియా స్థితి నుంచి రోగిని మామూలు స్థితికి తీసుకురావడానికి షాక్‌థెరపీ బాగా ఉపయోగపడుతుంది.
8. స్కీజోఫ్రెనియా
9.మందులు మార్చడం కన్నా ఈసీటీతో మంచి ఫలితాలు ఉంటాయి. అయితే మెదడులో సెరిబ్రోస్పినల్‌ ఫ్లూయిడ్‌ కలిగించే ఒత్తిడి ఉన్నప్పుడు ఈసీటీ వాడకూడదు.
10. ఈసీటీ అన్నది పూర్తిగా ప్రమాదరహితమైన ప్రక్రియ
11.ఈసీటీ వలన కలిగే ప్రయోజనాలే ఇటీవ ట్రాన్స్‌క్రేనియల్‌ మాగ్నెటిక్‌ స్టిమ్యులైజేషన్‌తో కలుగుతాయని కొత్త పరిశోధనలో తేలింది. కాబట్టి ఈసీటీనే అధునాతనంగా ఇవ్వడంపై ఇంకా పరిశోధనలు జరుగుతున్నాయి.
ఈసీటీపై అపోహలు, వాస్తవాలు….
అపోహ : ఈసీటీ మెదడును గాయపరుస్తుంది.
వాస్తవం : పరిశోధనల్లో ఈసీటీవలన మెదడు నిర్మాణానికి ఎలాంటి గాయాన్ని గాని, ప్రమాదకరమైన మార్పుకు గాయం కలుగజేయదని తెలుస్తోంది.
అపోహ : ఈ సీటీ వలన మతిమరుపు కలుగుతుంది.
వాస్తవం : ఈసీటీవలన జ్ఞాపకశక్తిపై పడే ప్రభావం చాలా తక్కువ. అయితే ఈసీటీకి ఇచ్చే సమయంలో తాత్కాలికంగా మత్తు మందు ఇస్తారు. కాబట్టి దాంతో కలిగే అయోమయ స్థితివలన ఇలాంటి అభిప్రాయం కలుగుతుంది. అయితే అతి కొద్దిమందిలో ఈసీటీ ఇచ్చినప్పుడు కొంతకాలం తాత్కాలికంగా జ్ఞాపక శక్తి తగ్గుతుంది. అది 6 నుంచి 8 వారాలు మాత్రమే. ఈసీటీ వలన శాశ్వతమైన జ్ఞాపకశక్తి లోపం చాలా అరుదు.
అపోహ : ఈసీటీ వలన ఒక్కొక్కసారి ప్రమాదకరమైన రీతిలో మెదడులో కరెంటు ప్రవహించవచ్చు.
వాస్తవం : ఇది పూర్తిగా అవాస్తవం. అప్పుడున్న అధునాతన పరికరా వలన ఇది పూర్తిగా ప్రమాదరహితమైన వైద్యం. ఈసీటీ కు వాడే ఓల్టేజీ కూడా చాలా స్వ్పమైనది. దాంతో మెదడులో కరెంటు ప్రవహించే అవకాశం లేదు. ఆ తక్కువ ఓల్టేజి వలన ఎలాంటి హాని జరుగదు.
అపోహ : ఇది ప్రమాదకరమైనది.
వాస్తవం : ఇది పూర్తిగా ప్రమాదరహితం. అయితే ఈసీటీ వాడే సమయంలో కలిగే అనస్థీషియా వలన ఇతర శస్త్రచికిత్సలలో ఉండే రిస్క్‌ తప్ప దీనితో రిస్క్‌ ఉండే అవకాశాలు లేవు. అనస్థీషియా ఇచ్చేందుకు తగిన ఫిట్‌నెస్‌ ఉందో లేదో చూసుకోవాలి. గుండెజబ్బు, ఇతర శారీరక సమస్యలు ఉన్నయేమో గుర్తించాలి. అప్పుడే అనస్థీషియాతో వచ్చే సమస్యను గుర్తించి నివారించవచ్చు. ఈసీటీ ఇచ్చే సమయంలో ఫల్స్‌ ఆక్సీమీటర్‌ అనే సాధనంతో గుండె, ఊపిరితిత్తులు మొదలైన శారీరక వ్యవస్ధను గమనిస్తు వుంటే ఇతర శారీరక సమస్యలపై పడే ప్రమాదాలను నివారించవచ్చు.
అపోహ : మెదడు దెబ్బతిని మానసిక వ్యాధి కలుగవచ్చు.
వాస్తవం : ఇది పూర్తిగా అవాస్తవం. కరెంటు పెట్టడం వలన ఎలాంటి మానసిక వ్యాధులు రావు. వున్న వ్యాధులు తగ్గుతాయేతప్ప పెరగవు.

Snoring…గురక

Snoring…గురక
నిద్రలో గురకపెట్టటం తరచుగా కనిపించేది. పెద్దవారిలో దాదాపు 45 శాతం మంది గురక పెడతారని అంచనా ఇది వీరి పక్కనే పడుకునే వారికి ఇబ్బంది కలిగించటంతో పాటు గురక పెట్టేవారికీ సమస్య తెచ్చిపెట్టవచ్చు. గురకపెట్టే వారిలో 75 మంది శ్యాసలో అడ్డంకి (స్లీప్‌ ఆప్నియా) తలెత్తే సమస్యతో బాధపడుతుంటారు. దీంతో రాత్రిపూట చాలాసార్లు నిద్ర నుంచి మెలకువ వస్తుంది. అలాగే గుండెజబ్బు ముప్పూ పెరుగుతుంది. అయితే కొన్ని జాగ్రత్తలతో గురకను నివారించుకునే వీలుంది.
పక్కకు తిరిగి పడుకోవటం : వెల్లికలా పడుకోవటం వలన నాలుక వెనుకభాగం, అంగిలో గొంతులోకి జారిపోయే అవకాశం ఉంది. ఇది గురకకు దారితీస్తుంది. కాబట్టి పక్కకు తిరిగి పడుకుంటే మేలు. ఇందుకోసం అవసరమైతేశరీరం మొత్తాన్ని చుట్టుకొని ఉండే దిండునూ ఉపయోగించుకోవచ్చు. తలవైపు కాస్త ఎత్తుగా ఉండే మంచం మీద పడుకుంటే శ్వాస సాపీగా సాగి, గురక రాకుండా చూసుకోవచ్చు.
బరువు తగ్గటం: అధిక బరువును తగ్గించుకుంటే కొందరిలో గురక కూడా తగ్గే అవకాశముంది. అయితే ఇది అందరికీ ఉపయోగపడుతుందని చేప్పలేం. ఎందుకంటే బక్కపలచగా ఉన్నవారూ గురక పెడుతుండటం తెలిసిందే. ఒకవేళ బరువు పెరిగిన తర్వాత గురక మొదలైతే మాత్రం బరువు తగ్గితే ప్రయోజనం ఉంటుంది. మెడ చుట్టుపక్క కొవ్వు బాగా పెరిగిపోతే గొంతులోపలి మార్గం, వ్యాసమూ తగ్గుతుంది. ఇది నిద్రపోతున్నప్పుడు వదులై గురకకు దారి తీస్తుంది.
మద్యం : మద్యం, మత్తుకారకాల వంటివి విశ్రాంతి సమయంలో గొంతు కండరాల పటుత్వాన్ని తగ్గిస్తాయి. ఇది గురక రావటానికి కారణమవుతుంది. నిద్ర పోవటానికి నాలుగైదు గంట ముందు మద్యం తాగితే గురక మరింత తీవ్రమవుతుంది. గురక రాని వాళ్లుకూడా మద్యం తాగిన తర్వాత గురకపెట్టే అవకాశమూ ఉందని గుర్తుంచుకోవాలి.
సమయానికి నిద్ర : రాత్రిపూట ఎక్కువసేపు మేల్కొని పనిచేయటమనేది తీవ్రఅసటకు దారితీస్తుంది. ఆ తర్వాత పడుకున్నప్పుడు నిద్ర మరింత గాఢంగా పడుతుంది. ఈ సమయంలో గొంతు కండరాలు వదులవటంతో గురక రావొచ్చు.
ముక్కు రంధ్రాలు బిగుసుకు పోవటం : ఒకవేళ ముక్కు రంధ్రాలు బిగుసుపోవటం వలన గురక వస్తుంటే శ్వాస సాఫీగా ఆందేలా చూసుకోవటం మంచిది. పడుకోవటానికి మందు వేటినీటితో స్నానం చేస్తే ముక్కు బిగుసుకోవటం తగ్గుతుంది. అలాగే ముక్కులో వేసుకునే చుక్కల మందు కూడా తోడ్పడుతుంది.
దిండు మార్చటం : పడకగదిలో దిండ్లలోని అలర్జీ కారకాల సైతం గురకకు దారితీయవచ్చు, దిండ్లలో పేరుకుపోయే తవిటి పురుగు గొంతులో అలర్జీ ప్రతిస్పందనను ప్రేరేపించి గురక వచ్చేలా చేస్తాయి. పగటిపూట బాగానే ఉండి రాత్రిపూట గురక వస్తుంటే ఇలాంటి కారణమేదే ఉండొచ్చని అనుమానించాలి. దిండ్లను తరచూ శుభ్రం చేస్తుండటం, కవర్లను మార్చడం, శుభ్రం చేయటం వంటివి చేయాలి.
నీటిశాతం తగ్గకుండా : ఒంట్లో నీటిశాతం తగ్గిపోతే ముక్కులోని, గొంతులోని స్రావాలు చిక్కబడతాయి. ఇది గురక తీవ్రత పెరగటానికి దారితీయవచ్చు. కాబట్టి తగినంత నీరు, ద్రవాలు తీసుకోవటం మంచిది.