Rash, Allergies – Daddulu దద్దులు (ఎలర్జీలు)

దద్దులలో చాలా రకాలు ఉంటాయని శాస్త్రీయ అవగాహన లేకపోవటం వన చాలా మంది తల్లిదండ్రులు ప్రతి దద్దును అమ్మవారిగా భావించి సరైన వైద్యం చేయించకుండా నిర్లక్ష్యం చేస్తుంటారు. దీని వలన ఒక్కోసారి పరిస్ధితి ప్రాణాలమీదకు వస్తుంది. కాబట్టి చర్మం మీద దద్దులు, మచ్చలు, పొక్కులు ఇలా ఏది కనబడినా సత్వరమే వైద్యులకు చూపించి కారణం తెలుసుకొని సరైన వైద్యం చేయించాలి. పిల్లలలో వచ్చే రకరకాల దద్దులను గురించి…

ఆటమ్మల (చికెన్‌ ఫాక్స్‌)

పిల్లలకు ఆటాపాటా వయసులో వచ్చే అతి సాధారణ సమస్య ఆటలమ్మ (చికెన్‌ ఫాక్స్‌) వైరస్‌ కారణంగా తలెత్తే ఈ సమస్య లక్షణు ముందుగా చిన్నగా జ్వరం, గొంతునొప్పితో ఆరంభమవుతుంది. తర్వాత ఒంటి మీద అక్కడక్కడా చిన్న చిన్న దద్దులు, నీటి పొక్కుల్లాంటివి కనిపిస్తాయి. కొత్త వచ్చిన దద్దులు నిగనిగలాడుతుంటే నిన్న మొన్న వచ్చినవి వాడిపోయి కనిపించడం దీని ప్రత్యేకత. నాలుగో రోజు చూస్తే మొదట వచ్చినవి చెక్కు కట్టి వుంటాయి. రెండో రోజు వచ్చినవి చీము పట్టి ఉంటే మూడో రోజు వచ్చినవి నీటిబుగ్గల్లా ఉంటాయి. ఇక అదే రోజు వచ్చినవి దద్దు మాదిరి కనిపిస్తుంటుంది.
ఆటలమ్మ వచ్చినా పిల్లలు ఏమంత నలతగా ఉండరు. బాగానే ఆడుకుంటూ ఉంటారు. ఈ పొక్కులన్నీ వారం పదిరోజుల్లో చెక్కు కట్టి ఊడిపోతాయి. ఇదేమంత ప్రమాదకరమైనది కాదు కాబట్టి అంతగా భయపడాల్సిన పనిలేదు. మందులు అవసరం కూడా అంతగా ఉండదు. కాకపోతే పొక్కు గిల్లకుండా, గోకకుండా చూడాలి. ఇతరులకు అంటుకోకుండా సమస్య తగ్గేవరకు పిల్లలను ఇంట్లోనే ఉంచుకోవాలి.

తట్టు (తడపర – మీజిల్స్‌)

తట్టు (మీజిల్స్‌) కాస్త ప్రమాదకరమైనది. లక్షణాలు తెలుకుసుంటే తట్టును గుర్తుపట్టటం చాలా తేలిక.
లక్షణాలు : ముందుగా పిల్లలు బాగా నలతగా, నీరసంగా ఉంటారు. తిండి తినబుద్ది కాదు. కళ్ళు ముక్కు, నోరు ఎర్రగా అవుతాయి. దగ్గుతుంటారు. రెండు మూడు విరోచనాలు కావొచ్చు. పైగా తీవ్రమైన జ్వరం, నాలుగో రోజున సన్నగా దద్దు ప్రారంభమవుతుంది. ముందు ముఖం మీద తర్వాత చెవుల వెనుక, ఒకటి, రెండు పూటలో ఛాతీ మీద, ఆ తర్వాత రోజు కాళ్ళకు, ఇలా క్రమేపి తల నుంచి కాళ్ల వరకూ శరీరమంతా దద్దు వ్యాపిస్తుంది.
చికిత్స : ఈ లక్షణాలను బట్టి తట్టును గుర్తించి అత్యవసరంగా చికిత్స ఆరంభించాలి. వెంటనే డాక్టరుకు చూపించాలి. చాలా మంది ఇలాంటి సమయాల్లో పిల్లలను ఇంట్లో కూచోపెట్టి నానా పధ్యాలు చేయిస్తుంటారు. ఇది సరికాదు. ఎందుకంటే దీని మూలంగా ఇతరత్రా సమస్యలు పొంచి ఉంటాయి. తట్టు వచ్చినవారిలో ఎ విటమిన్ లోపం చాలా ఎక్కువ. దీంతో చూపుపోయే ప్రమాదముంది. మనదేశంలో చాలామంది తట్టు వచ్చినపుడే విటమిన్‌ ఎ లోపం మరింత పెరిగి చూపు కోల్పోతున్నారు.
తట్టు మూలంగా న్యూమోనియా, చెవిలో చీము, మెదడు వాపు వస్తుంది. కాబట్టి తప్పకుండా డాక్టర్‌కు చూపించాలి. ఈ పిల్లలందరికి విటమిన్‌ ఎ, బి కాంప్లెక్స్ తప్పకుండా ఇవ్వాలి. తగినన్ని నీళ్ళు తాగించాలి. ఏ రూపంలోనైనా ఆహారం ఇవ్వాలి. నోటితో తీసుకోలేక పోతే సెలైన్‌ పెట్టాల్సి ఉంటుంది. తట్టు చాలా ప్రమాదకరమైనది కాబట్టే జాతీయ టీకా కార్యక్రమంలో తట్టు టీకాను చేర్చారు. బిడ్డకు 9 నెలలు నిండగానే దీనిని ఇస్తారు. దీనితో చాలా వరకు ఈ సమస్య రాదు. కానీ మన దేశంలో కేవలం 60 శాతానికి పైబడి మాత్రమే పిల్లలు ఈ టీకాను తీసుకున్నారు. ఇంకా దాదాపు 40 శాతం మంది తీసుకోవాల్సి ఉంది. దేశంలో 80 శాతం మంది పిల్లలు ఈ టీకాను తీసుకునేలా చేయగలిగితే ఇది ఒకరి నుంచి ఒకరికి వ్యాపించడం తగ్గుతుంది. అప్పుడు దీన్ని పూర్తిగా నిర్మూలించే అవకాశం ఉంది. చాలా దేశాలలో తట్టును ఇప్పటికే పూర్తిగా నిర్మూలించారు గాని మనం ఇంకా ఆ దశకు చేరలేదు. పోషకార లోపం గలవారికి ఇది చాలా ప్రమాదకరంగా పరిణమిస్తుంది.

కంచుక (హెర్పిస్‌ జోస్టర్‌)

ఆటలమ్మ తెచ్చిపెట్టే వారిసెల్లా జోస్టర్‌ వైరస్‌ శరీరంలో ఒక భాగంలోనే దాడి చేయటం వల్ల వచ్చే సమస్య ఈ హెర్పిస్‌ జోస్టర్‌. దీనినే వాడుకలో కంచుక, చల్ది, సర్ఫి అని రకరకాలుగా పిలుస్తారు. ఇది ముఖానికి, ఛాతీకి నడుముకు ఇలా ఎక్కడో ఒకచోట ఒక లైనులా రావచ్చు. పిల్లలలో రోగ నిరోధకశక్తి తగ్గినపుడు ఇది బయటపడుతుంది. గతంలో దీని గురించి సరైన అవగాహన లేక దీనికి మంత్రాలు వేయటం, జాజు పెట్టటం చేసేవారు. ఇది సరైన పద్ధతి కాదు. చల్ది కనిపిస్తే వెంటనే డాక్టర్‌కి చూపించాలి. ఈ పొక్కు మందు ఎర్రగా, తర్వాత నీటి బుడగగా, ఆ తర్వాత పక్కు కట్టి మానిపోతాయి. ఇది వృద్ధులలో తరచుగా కనిపిస్తుంది. గానీ పిల్లలలోనూ రావచ్చు. ఇలాంటి వైరల్‌ ఇన్‌ఫెక్షన్‌ మూలంగా వచ్చే దద్దుకు ప్రత్యేకించి మందులేమీ ఉండవు. జ్వరం బాధలు తగ్గటానికి మాత్రం, దురద లేకుండా క్యామైన్‌ లోషన్‌ వంటి పూత మందు ఇస్తారు

ప్రమాదకర దద్దు (టాక్సిక్‌ షాక్‌ సిండ్రోమ్‌ లేక స్టీవెన్‌ జాన్సన్‌ సిండ్రోమ్‌)

ఈ దద్దు చాలావరకు కొన్ని రకాల మందులు సరిపడక, లేదా కొన్ని రకాల ఇన్ఫెక్షన్లు, రియాక్షన్ల వలన వస్తుంది. ఇది చాలా ప్రమాదకరమైన పరిస్థితి. చేత్తో కాస్త గట్టిగా రాస్తే చాలు. తోలు ఊడిపోతుంది. నోట్లో చర్మం ఊడివస్తుంటుంది. పెదాలు, పగులుతాయి.జననాంగాలు కూడా ప్రభావితమవుతాయి. రక్తంలోని ద్రవం నాళాల్లో నుండి బయటకు లీక్‌ అవుతూ రక్తపరిమాణం తగ్గి, తీవ్రంగా షాక్‌లోకి వెళ్ళే ప్రమాదం ఉంటుంది. ఇది చాలావరకూ సల్ఫా డ్రగ్స్‌, మలేరియాకు వాడే సల్ఫోడాక్సిన్‌ పైరిమిథమీన్‌ లేకపోతే టెట్రాసైక్లిన్స్‌, కొందరికి చివరికి ఆస్పిరిన్‌తో కూడా రావచ్చు. కొందిరికి గార్డినాల్‌, ఫెనటాయిన్‌ వంటి ఫిట్స్‌కు వాడే మందులతో రావచ్చు. ఇవేకాదు, నిజానికి ఏ మందులతోనైనా రావచ్చు. కొందరికి టెట్రాసైక్లిన్స్‌ పెన్సిలిన్స్‌తో వస్తాయి. కాబట్టి దేనివల్ల ఇలా వచ్చిందన్నది తెలుసుకుంటే మున్ముందు మళ్ళీ ఇలాంటి విపత్తు రాకుండా చూసుకోవచ్చు. సమస్య తలెత్తినపుడు వెంటనే ఆ మందేదో గుర్తించి ఆపెయ్యటం, వాపు తగ్గించే మందు, సెకండరీ ఇన్ఫెక్షన్లు రాకుండా మందులు ఇవ్వటం, ఒంట్లో నీరు తగ్గకుండా చూడటం, కళ్ళు, పేగులు, మూత్రపిండాలు వంటివేవీ దెబ్బతినకుండా వైద్యం అందించటం అవసరం. చాలామంది ఈ ఉపశమన చికిత్సతో బయటపడతారు. కొందరి విషయంలో ఎంత చేసినా ప్రాణాలు దక్కటం కష్టం కావచ్చు.

స్కార్లెట్‌ ఫివర్‌

జ్వరంతో వచ్చే బ్యాక్టీరియా ఇన్‌ఫెక్షన్లలో స్కార్లెట్‌ ఫివర్‌ ఒకటి. ఇది స్టెఫలోకాస్‌ బ్యాక్టిరియా వలన వచ్చే గొంతు ఇన్‌ఫెక్షన్‌. దీంతో టాన్సిల్స్‌ వస్తాయి. నొప్పి, జ్వరం, మింగటం కష్టం అవుతుంది. ఆ తర్వాత ముఖం, చాతీ, శరీరం మీద ఎర్రగా తివాచీ పరచినట్లు దద్దు వస్తుంది. ఈ దద్దు మీద చేయి పెడితే గరుకుగా అనిపిస్తుంది.
గొంతు ఇన్‌ఫెక్షన్‌తో దద్దు కూడా ఉంటే స్కార్లెట్‌ ఫీవర్‌ ఉందేమోనని అనుమానించాలి. దీనికి ఏడు రోజుల పాటు యాంటీబయోటిక్‌ మందులు ఇస్తే తగ్గిపోతుంది. అయితే సరైన మందులు వేసుకోకపోతే ఈ ఇన్‌ఫెక్షన్‌ గుండెకు వ్యాపించి ప్రమాదకరమైన రుమాటిక్‌ ఫివర్‌కు దారి తీస్తుంది.

రుబెల్లా : (జర్మన్‌ మీజిల్స్‌)

ఇలా వచ్చి అలా వెళ్ళిపోయే చిన్న సమస్య ఈ జర్మన్‌ మీజిల్స్‌. కొన్ని సార్లు ఇది వచ్చిందనే సంగతి కూడా తెలియదు. అందుకే దీనిని త్రీడే మీజిల్స్‌ అంటారు. కొద్దిగా జ్యరం వస్తుంది. మెడ వెనుక భాగంలోని లింఫ్‌ గ్రంథులు ఉబ్బుతాయి. ఒకటి, రెండు రోజులో దద్దు కనబడుతుంది. మూడో రోజులలో మాయమైపోతుంది. మామూలు తట్టులో వచ్చే దద్దు నల్లబడి పూర్తిగా కనబడకుండి ఉండేందుకు ఒక నెల సమయం పడుతుంది. కానీ ఇది మూడు రోజుల్లోనే కనిపించకుండా పోతుంది. ఇది రాకుండా ఎం ఎం ఆర్‌ (మీజిల్స్‌ మంప్స్‌ రూబెల్లా) టీకా అందుబాటులో ఉంది.
రూబెల్లా చిన్న సమస్య కాని ఇది గర్భిణులకు వస్తే మాత్రం వారికి పుట్టే బిడ్డ అవకారాలతో పుడతారు. ఎదుగుదల లోపం, బుద్ధిమాంద్యం, కంట్లో శుక్లం, గుండె జబ్బు వంటివి వేధిస్తాయి. కాబట్టి అసలీ ప్రమాదం తలెత్తకుండా ఆడపిల్లలందరికీ ‘‘ఎం ఎం ఆర్‌’’ టీకా ఇప్పించడం తప్పనిసరి. ఈ టీకా ఏడాది నిండిన తర్వాత ఒక మోతాదు, ఐదేళ్ళ తర్వాత రెండో మోతాదు ఇస్తారు.

హెచ్‌ ఎఫ్‌ యం

గత 35 సం॥రాలలో ఎన్నడూ లేనంత ప్రబలంగా ఈ మద్య ముంచుకొచ్చిన సమస్య ఇది ఈ హ్యాండ్‌, ఫుట్‌ అండ్‌ మౌత్‌ డిసీజ్‌ హెచ్‌ ఎఫ్‌ యం వ్యాధి. ఇది ఎంటరో వైరస్‌ జాతికి చెందిన కాక్సాకీ వైరస్‌ మూలంగా వస్తుంది. దగ్గు,తుమ్ము ద్వారా, మలం కలుషితాల ద్వారా వ్యాపిస్తుంది. ఇందులో జ్వరంతో పాటు నోట్లో పొక్కులు వస్తాయి. దీంతో పిల్లలు తినటానికి, తాగటానికి చాలా ఇబ్బంది పడతారు. నోటి నుండి చొంగ కారుతుంది. చేతులు, కాళ్ళు మోకాళ్ళు, మోచేతులు, పిరుదులు మీద కూడా చిన్న చిన్న నీటి పొక్కులు వస్తాయి. ఈ సమస్య వారం పది రోజులో తగ్గిపోతుంది గానీ ఒక్కోసారి ప్రాణాంతకంగా పరిణమించవచ్చు. దీంతో మొదడు వాపు, గుండె జబ్బు (మయోకార్డైటిస్‌) వచ్చే ప్రమాదం ఉంది. కాబట్టి దీన్ని ఎట్టి పరిస్థితులలోనూ తేలికగా తీసుకోకూడదు. వెంటనే డాక్టరుకు చూపించాలి.

డెంగీ

ప్రస్తుతం ప్రజలను విపరీతంగా భయపెడుతున్న సమస్య డెంగీ. జ్వరంతో పాటు ఒంటిమీద చిన్న చిన్న మచ్చలు వస్తే అశ్రద్ధ చేయకూడదు. తీవ్రమైన జ్వరం, వొళ్ళునొప్పులు (బోన్‌ బ్రేకింగ్‌ ఫివర్‌) వీటితో పాటు దాహం, తలనొప్పి, కడుపు నొప్పి క్షణాలలో జ్వరం ఆరంభమై ఒంటిమీద చిన్న చిన్న దద్దు వస్తే వెంటనే వైద్యం చేయించాలి. మొదట్లో ఈ దద్దు కేవలం చర్మం ఎర్రగా కందినట్లుగా ఉంటుంది. చెవులు, చెంపలు, ఛాతీ వంటివన్నీ ఎర్రగా కందినట్లు అవుతాయి. నొక్కితే చెయ్యి అరపడి, ఆ అద్దు కనబడుతుంది. ఇలా వచ్చిన అందరికీ దద్దు రావాలని లేదు.కానీ కొందరికి రక్తనాళాల నుంచి రక్తం లీక్‌ అవుతూ నల్ల మచ్చలు (పర్పూరా) రావచ్చు. ఇలా వచ్చిన వాళ్లకు చేతితో నొక్కినా మచ్చ అలాగే ఉంటుంది. వీరిలో రక్తం గడ్డకట్టే స్వభావం తగ్గుతుంది. కానీ ప్లేట్‌లెట్ల్‌ గురించి విపరీతంగా ఆందోళన చెందాల్సిన పనిలేదు.
మామూలుగా ప్లేట్‌లెట్లు 1.5 నుండి 3.5 లక్షల మధ్య ఉండొచ్చు. కానీ డెంగీ జ్వరంలో అవి 90 వేలకు తగ్గినా ఫరవాలేదు. 60 వేల కంటే పడిపోతే రక్తస్రావం అయ్యే అవకాశం ఉంది. 20 వేలకంటే తగ్గితే కీలక అవయవాల్లో రక్తస్రావం అవుతుందేమోనని భయపడాల్సిన పరిస్థితి తలెత్తుతుంది. మామూలుగా డెంగీ జ్వరం రాగానే అందరూ ప్లేట్‌లెట్‌ కణాల గురించి ఆందోళన పడతారు. కానీ ఇక్కడ ఆలోచించవసింది ప్లేట్‌లెట్‌ గురించి కాదు. రక్తంలో ఉన్న ద్రవం (ప్లాస్మా) గురించి ప్లాస్మా బయటకు లీక్‌ అయిపోయి రక్తం పరిమాణం తగ్గి అది చిక్కగా తయారవుతుంది. దీంతో రక్త సాంద్రత (పీ సీ వీ) పెరిగిపోయి బీపి పడిపోతుంది. దీనివల్ల మొదడు, కిడ్నీ, గుండె, లివర్‌ వంటి కీక అవయవాలకు రక్తప్రసారం తగ్గిపోతుంది. ఇది ప్రమాదక పరిస్థితి వీరు డెంగీ షాక్‌ సిండ్రోమ్‌లోకి వెళతారు. కాబట్టి వీరిలో పోయిన ప్లాస్మాను సెలైన్‌ పెట్టటం ద్వారా తిరిగి నింపటం, రక్తం చిక్కబడకుండా చూడటం ముఖ్యం దీనికి సెలైన్‌ పెట్టటం వంటి చర్యలు కీలకం గానీ అనవసరంగా వణికిపోతూ ప్లేట్‌లెట్ లను ఎక్కించటం కీలకం కానేకాదు. అది ఆశాస్త్రీయం కూడా! సాధారణంగా డెంగీలో వచ్చే దద్దు ఎర్రగా కందినట్లు అవుతుంది. లోపల రక్తస్రావం అయితేనే అరుదుగానే, చర్మం కింద రక్తం చిమిర్చే నల్లమచ్చలు వస్తాయి. అవి వస్తే మాత్రం జబ్బు తీవ్రంగా ఉందని గుర్తించి ఆసుపత్రిలో ఉంచటం మంచిది. బీ పి చూడటం, సెలైన్‌ పెట్టడం ముఖ్యం. ప్లేట్‌లెట్లు ఎక్కించటం కాదు.

జ్వరం గుల్లలు

తీవ్ర జ్వరం వచ్చినపుడు కొందరికి మూతి చుట్టూ గుల్లలు వస్తుంటాయి. దీన్ని ‘‘హెర్పిస్‌ సింప్లెక్స్‌‘‘ అంటారు. తీవ్రజ్వరం వచ్చినపుడు ఇది బయటపడుతుంది. నోటి చుట్టే కాదు. కాళ్ళకు, చేతులకు ఎక్కడైనా పొక్కులు రావొచ్చు. జ్వరం తగ్గగానే పక్కు కట్టి ఎండి ఊడిపోతాయి. హెర్పిస్‌ సింప్లెక్స్‌ అరుదుగా శరీరంలోని ఇతర భాగాలకూ వ్యాపించవచ్చు

అలర్జీ దద్దు

పిల్లలకు అలర్జీ వల్ల దద్దుర్లు రావటం (అటోపిక్‌ డెర్మటైటిస్‌) ఎక్కువ చర్మం బాగా పొడిగా ఉండే వారికి, చెంపలు, చేతులు, కాళ్లు పొడిగా ఉండే ప్రాంతాలలో ఈ దద్దుర్లు ఎక్కువ. వంశ పారంపర్యవంగా ఇంట్లో పెద్దవాళ్ళకు అర్జిక్‌ రైనటిస్‌, సైనుసైటిస్‌, ఆస్థమా, అర్జిక్‌ కంజెక్టివైటిస్‌ వంటివి ఉంటే పిల్లలకు ఈ రకం దద్దుర్లు వచ్చే అవకాశం ఎక్కువ. దీనికి చర్మం తడిగా ఉండేలా మాయిశ్చరైజర్‌ క్రీము వంటివి వాడితే తగ్గిపోతుంది. గోళ్ళు కత్తిరించటం, నూలు దుస్తులు వెయ్యటం అవసరం.

మెనింగొ కాక్సీమియా

జ్వరంతో దద్దు వచ్చే ప్రమాదకర సమస్యలో ఇది ఒకటి. దీనికి మూలం ‘‘మెనింగోకాకస్‌’’ బ్యాక్టీరియా. ముందు గొంతు ఇన్‌ఫెక్షన్‌ మాదిరిగా మొదలై, తర్వాత తలనొప్పి వాంతులు, కొద్దిగా దద్దు వంటివి బయటపడతాయి. మొదట్లో దద్దు స్వల్పంగానే ఉంటుంది. గానీ, 24 గంటల్లో తీవ్రంగా పరిణమిస్తుంది. రక్తస్రావం కావటం వల్ల చర్మం కింద బద్దలాంటి నల్లటి మచ్చలు (పర్పూరా) కనబడతాయి. సాధారణంగా దద్దుపై కొద్దిగా నొక్కితే అక్కడ తెల్లగా అవుతుంది. కానీ ఈ దద్దు అలా కాదు. వీరిని వెంటనే ఆసుపత్రిలో చేర్చి యాంటీబయోటిక్స్‌ ఇస్తే తిరిగి గాడిన పడతారు. తేకపోతే మెదడు దెబ్బతినటం, సెప్టీసీమియాతో ప్రాణాంతకంగా మారటం వంటి ముప్పు ఉంటాయి.

‘‘టిక్‌’’ తో జ్వరం

టిక్‌ లనేవి చిన్న చిన్న కీటకాలు. ఇవి కుట్టినచోట నల్లటి మచ్చబడి, పుండుపడుతుంది. జ్వరం మొదవుతుంది. ఇటీవలి కాలంలో ఈ జ్వరాలు (రికెన్షియల్‌ ఫివర్‌) పెరుగుతున్నాయి. పర్వత, అటవీ ప్రాంతాలకు వెళ్ళొచ్చిన వారికి ఒంటిమీద దద్దు తగ్గకుండా జ్వరం, కడుపునొప్పి వంటి క్షణాలు కనబడితే విస్మరించటానికి ఏమీ లేదు. ముందు చేతుల మీదా, కాళ్ళమీదా తర్వాత ఛాతీమీదా దద్దు రావచ్చు. ఇది టెట్రాసెక్లిన్‌ లేదా అజిత్రోమైసిన్‌ వంటి మందులు ఒక్క కోర్సు ఇస్తే తగ్గిపోతుంది. సమస్యను గుర్తించడం, తక్షణం వైద్యం ఆరంభించటం ముఖ్యం.

కవాసాకి

ఇటీవల కాలంలో ఎక్కువగా కనబడుతున్న ప్రమాదకరమైన సమస్య ఇది. గతంలో దీన్ని ‘‘మ్యుకో క్యుటేనియస్‌ లింఫ్‌ నోడ్‌ సిండ్రోమ్‌’’ అనేవారు. జ్వరంతో పాటు చర్మం మీద, నోటిలోని జిగురు పొర మీద దద్దు కనబడితో, లింఫ్‌ గ్రంథులు వాచి ఉంటే ‘‘కవాసాకి’’ గా అనుమానించేవారు. కానీ ఇప్పుడిది రకరకాల రూపాల్లో బయటపడుతుంది. చిన్న పిల్లలకు తీవ్రమైన జ్వరం, దద్దుతో పాటు కళ్ళు బాగా ఎర్రబడితే, కవాసాకిగా అనుమానించాలి. కళ్ళు బాగా ఎర్రబడతాయి కానీ పుసులు కట్టవు. రెప్పులు అతుక్కోవు. నాలుక ఎర్రగా, స్టాబెర్రీ పండులాగా ఉంటుంది. దద్దులు ఎక్కువగా అరిచేతులు, అరిపాదాల్లో వస్తుంది. మెడ దగ్గర లింఫ్‌ గ్రంథులు వాచి, బిళ్ల కట్టినట్టు ఉంటాయి. తీవ్రమైన జ్వరం, అదీ మామూలు జ్వరం మందులు, యాంటీ బయోటిక్స్‌తో తగ్గకపోవటం, అరిచేతులలో, అరిపాదాల్లో ర్యాష్‌, మొడదగ్గర బిళ్ళలు మొదలగుల క్షణాలు కనపడినపుడు వెంటనే వైద్యుల సలహాతో పరీక్షలు చేయుంచుకోవాలి. వీరిలో రక్తంలో ప్లేట్‌లెట్లు చాలా ఎక్కువగా లేదా తక్కువగా ఉండొచ్చు.
ఈ ఎస్‌ ఆర్‌, సి ఆర్‌ పీ చాలా ఎక్కువగా ఉంటాయి. ఒక్కోసారి కవాసాకిలో గుండె ప్రభావితమై, మున్ముందు తీవ్రమైన గుండెపోటు వచ్చే ప్రమాదమూ పొంచి ఉంటుంది. ముఖ్యంగా గుండెలోని కరోనరీ రక్తనాళాలు వాచి, బెలూన్ల మాదిరిగా ఉబ్చి (అనూరిజమ్స్‌), వాటిలో రక్తం గడ్డకట్టి, రక్తప్రసారం ఆగి, గుండెపోటు వంటివి ముంచుకురావచ్చు. కాబట్టి దీన్ని ఎట్టి పరిస్థితులలోనూ నిర్లక్ష్యం చేయ్యకూడదు. జ్వరం వచ్చిన వారం పదిరోజులలో ‘‘ఇమ్యూనోగ్లోబ్యులిన్టు’’ ఇస్తే భవిష్యత్తులో గుండెపోటు వంటి సమస్యలు రాకుండా ఉంటాయి. ఇది ఖర్చుతో కూడినదైనా నివారించదగ్గ సమస్య. ఇమ్యూనోగ్లోబ్యున్లు ఇవ్వలేని స్థితిలో కనీసం ‘‘మిథైల్‌ ప్రెడ్నిసలోన’’ వంటివైనా రక్తనాళాల్లో ఇవ్వాల్సి ఉంటుంది.

అంటుపుండ్లు

ముక్కులో వేళ్లు పెట్టుకునే పిల్లలకు బ్యాక్టీరియా ఇన్‌ఫెక్షన్లు ఎక్కువ. ఇలా స్టెఫలోకాకస్‌ బ్యాక్టీరియా వలన వచ్చే సమస్య ఇంపెటిగో. ఈ బ్యాక్టీరియా ముక్కులో ఉంటూ మనతోపాటే సహజీవనం చేస్తుంటుంది. ముక్కులో వేళ్లు పెట్టి కెలికితే ఆ వేళ్లకు బ్యాక్టీరియా అంటుకొని ఇతర భాగాలకు వ్యాపిస్తుంది. దీంతో అక్కడ ముందు చిన్న నీటి బుడగ మాదిరిగా ఏర్పడుతుంది. తర్వాత చిట్లి, తేనె రంగులో పక్కు కడుతుంది. ఈ రసి ఎక్కడ అంటితే అక్కడ బుడగ పుట్టుకొస్తుంది. కొన్నిసార్లు ఇవి ఒళ్లంతా వ్యాపించడమే కాకుండా ఇతరులకు పాకుతుందికూడా. అందుకే దీని ఇంపెటిగో కంటాజియోసా అని అంటారు. దీన్ని తేలికగానే గుర్తించవచ్చు. దీనికి మాత్రలు అవసరం ఉండదు. పైపూత మందు రాస్తే చాలు. వేడినీటిలో ఉప్పువేసి కాపడం పెట్టటం, పైపూత మందు రాస్తే చాలు. 2,3, రోజులో తేలికగా తగ్గుతుంది కూడా. చాలామంది ఇవి అంటుపుండ్లు అని తెలియ కంచుకగా భావించి మంత్రాలు, జాజు మట్టి పూస్తుంటారు. దీంతో అవి తగ్గకపోగా మరింత పెరుగుతాయి.