Methi Palav / మేథీ పలావ్

కావల్సినవి
బియ్యం – 2 కప్పులు
నెయ్యి – రెండు టేబుల్స్పూన్లు
జీలకర్ర – చెంచా
బిర్యానీ ఆకులు – మూడు
దాల్చిన చెక్క -నాలుగు ముక్కలు చిన్నవి
యాలకులు – రెండు
లవంగాలు – నాలుగు
పచ్చిమిర్చి – నాలుగు
ఉల్లిపాయలు – రెండు
మెంతికూర – కట్ట
మిరియాలపొడి – అరచెంచా
గరంమసాలా – చెంచా
ఉడికించిన బంగాళాదుంప ముక్కలు – అరకప్పు
ఉప్పు – తగినంత
తయారు చేసే విధానం
వెడల్పాటి పాన్ లో నెయ్యి వేసి వేడెక్కిన తరువాత జీలకర్ర, బిర్యానీఆకులు, దాల్చినచెక్క, లవంగాలు, యాలకులు వేయించాలి. రెండు నిమిషాలయ్యాక పచ్చిమిర్చి, ఉల్లిపాయ ముక్కలు వేయించాలి. అవి కూడా వేగాక ఉడికించిన బంగాళాదుంప ముక్కలు, మెంతి ఆకులు వేయాలి. మంట తగ్గించి వేయిస్తే పచ్చివాసన పోయి మెంతికూర వేగుతుంది. ఆ తరవాత కడిగిన బియ్యం కూడా వేసి వేయించాలి. రెండు నిమిషాలయ్యాక తగినంత ఉప్పు, గరంమసాలా, మిరియాలపొడి వేసి నాలుగు కప్పుల నీళ్లు పోయాలి. మూత పెట్టి మంట తగ్గించి ఉంచేయాలి. అన్నం ఉడికాక దింపేస్తే సరిపోతుంది. వేడివేడి మేథీపలావ్ చాలా రుచిగా ఉంటుంది. ఆరోగ్యానికీ మంచిది

Natukodi Biryani, Country Chicken Biryani…..నాటుకోడి పలావ్

కావలసినవి

బాస్మతి బియ్యం : అరకిలో (ముందుగా కడిగి అరగంటసేపు నానబెట్టుకోవాలి)
నాటుకోడి మాంసం : అరకిలో
ఉల్లిపాయలు : రెండు
పచ్చిమిర్చి : ఆరు
అల్లం,వెల్లుల్లి పేస్ట్ : 4 టీస్పూన్లు
కారం : 4 టీ స్పూన్లు
గరం మసాలా : 1 టీస్పూను
నూనె: 4 టీస్పూన్లు
పుదీనా : 1 కట్ట
కొత్తిమీర : 1 కట్ట
టమాటోలు : రెండు
పసుపు : అరటీస్పూను
జాజికాయపొడి : అర టీ స్పూను
జాపత్రి : 1
కొబ్బరిపాలు : అరలీటరు
నెయ్యి : 4 టీ స్పూన్లు
తయారు చేయువిధానం : కోడి మాంసాన్ని శుభ్రం చేసుకొని కడిగి ఉప్పు, కారం, సగం అల్లం, వెల్లుల్లి పట్టించి నానబెట్టాలి. బియ్యం కూడా అరగంట సేపు నానబెట్టాలి పుదీనా,కొద్దిగా కరివేపాకు, కొత్తిమీరలను ముద్దగా చేయాలి. పాన్ లో నూనె వేసి ఉల్లిపాయలను వేసి వేయించాలి. పచ్చిమిర్చి, మిగిలిన అల్లం వెల్లుల్లి, గరంమసాలా పొడి, పొదీనా, కరివేపాకు ముద్దను వేసి బాగా వేయించాలి. తరువాత నానబెట్టిన మాంసం వేసి మూత పెట్టి ఉడికించాలి. మాంసం ఉడికాక, టమాటో ముక్కలు, కొబ్బరిపాలు, వేసి మూతపెట్టి రెండునిమిషాలు ఉంచి సరిపడా ఉప్పు కలుపుకోవాలి. తరువాత నానబెట్టిన బియ్యం వేసి సన్నని మంటమీద ఉడికించాలి. దించే ముందు అనాసపువ్వు, జాజికాయ పొడి,నెయ్యి కలిపి దించుకోవాలి.

Prawans Biryanee…రొయ్యల బిరియాని

Prawns-Biryani

కావలసినవి :
రొయ్యలు : అర కిలో
బాస్మతి బియ్యం : 2 కప్పులు
ఉల్లిపాయ : సన్నగా ముక్కలు చేయాలి
పచ్చి మర్చి : 2 నిలువుగా చీల్చాలి
అల్లం, వెల్లుల్లి పేస్ట్ : 2 టీ స్పూన్లు
టమాటోలు : 2 ముక్కలుగా తరుగుకోవాలి
నిమ్మకాయ : ఒకటి
కొత్తిమీర : గుప్పెడు
పొదినా ఆకులు : గుప్పెడు
కారం : 2 స్పూన్లు
ధనియాల పౌడర్ : 1 స్పూను
పసుపు : పావు స్పూను
ఉప్పు : తగినంత
లవంగాలు : 4
పెరుగు : అరకప్పు
దాల్చిన చెక్క : 1 ముక్క
ఏలకులు : రెండు
బిర్యాని ఆకు : 1
జాపత్రి : 1
నెయ్యి : 2 స్పూన్లు
నూనె : 2 స్పూన్లు
తయారు చేయువిధానం : రొయ్యలు ఒలిచి శుభ్రం చేసుకోవాలి. బాగా కడిగి ఒక స్పూను కారం, అర స్పూను ధనియాల పౌడర్, ఒక స్పూన్ అల్లం, వెల్లుల్లి పేస్ట్, పెరుగు, ఉప్పు అన్నింటినీ రొయ్యలకు బాగా పట్టించి పక్కన ఉంచుకోవాలి. పాన్లో నూనె, నెయ్యు వేసి కాగాక దాల్చిన చెక్క, ఏలకులు, బిర్యానీ ఆకు, జాపత్రి, లవంగాలు వేయాలి. తరువాత తరిగిన ఉల్లిపాయ ముక్కలు వేసి కొద్దిగా వేయించాలి తరువాత మిగిలిన అల్లం, వెల్లుల్లి పేస్ట్,పచ్చి మిర్చి వేసి పచ్చివాసన పోయే దాకా రెండు మూడు నిమిషాల పాటు వేయించాలి. తరువాత టమాటోలు, మిగిలిన కారం, ధనియాల పౌడర్, పసుపు వేసి మంచి మషాలా వాసన వచ్చేదాకా వేయించాలి. తరువాత తరిగిన కొతిమీర కొద్దిగా, తరిగిన పొదీనా ఆకులు వేసి 2 నిమిషాల పాటు ఉంచాలి. తరువాత మషాలా పట్టించిన రొయ్యలను కలపి రెండు నిమిషాలపాటు ఉంచాలి. తరువాత బియ్యం, నిమ్మరసం, మూడు కప్పుల నీళ్ళు కలిపి బాగా కలిపి మొత్తం ఉడికే దాకా ఉంచి దించుకోవాలి. రుచి కోసం కొత్తీమీర చల్లుకోవచ్చు.

రొయ్యలతో దమ్ బిర్యానీ

రొయ్యలతో దమ్ బిర్యానీ

కావాల్సినవి:  రొయ్యలు – అరకిలో, బాస్మతి బియ్యం – ముప్పావుకిలో, పెరుగు – ఒక టీస్పూను, టమాటా – ఒకటి, అల్లం వెల్లుల్లి ముద్ద – ఒక టీస్పూను, పచ్చిమిర్చి – రెండు, గరంమసాలా పొడి – ఒక టీ స్పూను, పసుపు – అర టీస్పూను, లవంగాలు – ఆరు, దాల్చిన చెక్క – ఒక ముక్క, యాలకులు – నాలుగు, అనాస పువ్వు – ఒకటి, బిర్యానీ ఆకులు – మూడు, పుదీనా – ఒక కట్ట, కారం – ఒక టీస్పూను, నీళ్లు తగినన్ని , ఉల్లిపాయ – ఒకటి, నూనె, నెయ్యి – సరిపడినంత  

తయారీ: రొయ్యల్ని బాగా కడిగి గిన్నెలో వేసుకోవాలి. అందులో కాస్త పెరుగు, పసుపు, అల్లం వెల్లుల్లి ముద్ద, గరం మసాలా పొడి, కారం వేసి, బాగా కలిపి ఒక గంట పాటూ పక్కన పెట్టేయాలి. బాస్మతి బియ్యం కడిగి ఇరవై నిమిషాల పాటూ నానబెట్టాలి. స్టౌ మీద పెద్ద గిన్నె పెట్టి (బిర్యానీ పాత్ర) ముప్పావు కిలో బియ్యం ఉడకడానికి సరిపడా నీటిని వేయాలి. అందులో మసాలా దినుసులు, కొత్తిమీర, పుదీనా, సరిపడినంత ఉప్పు వేసి కలపాలి. ఇప్పుడు పక్కన పెట్టుకున్న బియ్యాన్ని కూడా అందులో వేసి ఉడికించాలి. అన్నం పూర్తిగా ఉడకడానికి పదినిమిషాల ముందు స్టవ్ ఆపేయాలి. బియ్యంలోని నీటిని వంపేయాలి. పాన్‌ను స్టవ్ మీద పెట్టి నూనె వేసి వేడెక్కాక తరిగిన ఉల్లి, పచ్చిమర్చి వేయించాలి. తరువాత ముందుగా మిక్సీ చేసి పెట్టుకున్న టొమాటో గుజ్జు, అల్లం వెల్లుల్లి పేస్టు వేయాలి. మారినేషన్ చేసిన రొయ్యల్ని కూడా అందులో వేసి వేపాలి. తగినంత ఉప్పు, పసుపు, గరం మసాలా పొడి, సన్నగా తరిగిన పుదీనా, కొత్తిమీర వేసి బాగా వేయించాలి. గ్రేవీ‌లా వచ్చాక ఆపేయాలి. ఇప్పడు ప్రెషర్ కుక్కర్‌ను స్టవ్ మీద పెట్టి అడుగున కొంచెం నూనె వేసి, సగం ఉడికిన రైస్ కొంత పరవాలి. దానిపై రొయ్యల గ్రేవీ వేయాలి. మళ్లీ దానిపై మిగిలిన రైస్ వేసేయాలి. రైస్ పై కాస్త నెయ్యి చల్లి, తరిగిన పుదీనా, కొత్తిమీర వేయాలి. ఇప్పడు కుక్కర్ మూతపెట్టి, విజిల్ కూడా పెట్టేయాలి. ఒక అయిదు నిమిషాల పాటూ స్టవ్ సిమ్ లో పెట్టి ఉడకనివ్వాలి. విజిల్స్ రావాల్సిన అవసరం లేదు. పావు గంట తరువాత మూత తీస్తే బిర్యానీ వాసన ఘుమఘుమలాడి పోతూ వస్తుంది.

Mushroom Biryanee…. పుట్టకొక్కుల పలావ్

కావలసినవి :
పుట్టకొక్కులు : అరకిలొ
బాస్మతి బియ్యం : 2 కప్పులు
ఉల్లిపాయ : 1 పెద్దది (తరుగుకోవాలి)
టమాటోలు : 2 చిన్న ముక్కలుగా కోయాలి
అల్లం, వెల్లుల్లి పేస్ట్ : 2 టీ స్పూన్లు
కొతిమీర : పావు కప్పు తరిగినది
పొదీన : పావు కప్పు తరిగినది
పచ్చి మిర్చి : 3 కాయలు నిలువుగా సన్నగా చీల్చినవి
నెయ్యి : 3 స్పూన్లు
నూనె : 3 స్పూన్లు
కొబ్బరి పాలు : అర కప్పు నీళ్ళు : 3 కప్పులు
పెరుగు 2 టీ స్పూన్లు
ఉప్పు : తగినంత
కారం : 2 టీ స్పూన్లు
జిలకర్ర పొడి : 1 టీస్పూన్
పసుపు : పావు స్పూన్
గరమ్ మసాలా : కొద్దిగా (బిర్యాని ఆకు-1, దాల్చినచెక్క-2, లవంగాలు-5, ఎలకులు-3)
తయారు చేయువిధానం :  పుట్టకొక్కులను శుభ్రం చేసుకొని మురికి నంతా తొలగించాలి. కడగకుండా కిచెన్ టవల్ కు రుద్దితే మురికి పోతుంది. పెద్దగా ఉంటే ముక్కలు చేసుకోవచ్చు. బాస్మతి బియ్యాన్ని అరగంట సేపు నానపెట్టుకోవాలి. అడుగు మందం గల పాన్లో నూనె నెయ్య వేసి వేడెక్కిన తరువాత గరం మసాలా వేసి వేయించాలి. తరువాత ఉల్లిముక్కలు వేసి మంచి కలర్ వచ్చేదాకా వేయించాలి తరువాత తరిగిన పచ్చిమిర్చి, కొతిమీర, పొదీనా ఆకులను వేసి వేయించాలి. తరువాత అల్లం, వెల్లుల్లి పేస్ట్, టమాటోలు వేసి పచ్చి వాసన పోయేదాకా 2, 3 నిమిషాలు వేయించాలి. తరువాత పుట్టకొక్కులను వేయాలి. తరువాత పసుపు, కారం, జిలకర్ర పౌడర్, పెరుగు, కొబ్బరి పాలు, ఉప్పు వేసి కొంచెం చిక్కబడే దాకా ఉడికించాలి. తరువాత వడకట్టిన బియ్యం,నీరు,కొంచెం ఉప్పు వేసి అన్నం ఉడికేదాకా ఉంచి దించుకోవాలి. కొతిమేర చల్లుకోవచ్చు.

Veg Biryanee…వెజ్ బిరియాని

కావలసినవి :
బాస్మతి బియ్యం : 2 కప్పులు
ఉల్లిపాయ : 1 తరిగినది
అల్లం,వెల్లుల్లి పేస్ట్ : 2 టీస్పూన్లు
పచ్చిమిర్చి : 2 కాయలు నిలువుగా చీల్చుకోవాలి
క్యారెట్ : 1 ముక్కలుగా చేసుకోవాలి
పచ్చి బటానీలు : ముప్పావు కప్పు
నీళ్ళ : 3 కప్పులు
జీలకర్ర : 1 స్పూను
నూనె : 3 స్పూన్లు
గరం మసాలా ( ఎలకులు-3, దాల్చిన చెక్క-1, లవంగాలు-4, బిర్యానీ ఆకు-1)
ఉప్పు : తగినంత
తయారు చేయువిధానం : :వెడల్పాటి పాన్లో నూనె వేసి వేడెక్కిన తరువాత జీలకర్ర, గరం మసాలా వేయాలి. 1 నిమిషం వేగిన తరువాత ఉల్లిముక్కలు, తరిగిన పచ్చిమిర్చి, అల్లం, వెల్లుల్లి పేస్ట్, వేసి తరువాత కూరగాయల ముక్కలు వేయాలి. ఒకటి రెండు నిమిషాల తరువాత నానబెట్టిన బియ్యం వడకట్టి ఇందులో కలపాలి. మూత పెట్టి అన్నం ఉడికిన తరువాత దించుకోవాలి.

చికెన్ బిరియాని

కావలసినవి :
బాస్మతీ బియ్యం : 2 కప్పులు (ముందుగా కడిగి అరగంటసేపు నానబెట్టుకోవాలి)
చికెన్ : అర కిలో
ఉల్లిపాయ : ఒకటి పెద్దది (చిన్నవి 2)
టమాటోలు : రెండు (ముక్కలుగా తరగాలి)
అల్ల, వెల్లుల్లి పేస్ట్ : 1 టీస్పూన్
కొతిమీర : పావు కప్పు తరిగినది
పొదినా : పావుకప్పు తరిగినది
పచ్చి మిరపకాయలు : 5 సన్నగా నిలువుగా చీల్చినవి
నూనె : 3 టీ స్పూన్లు
నెయ్యి : 3 టీస్పూన్లు
పెరుగు : పావు కప్పు
నీళ్ళు : నాలుగున్నర కప్పులు
ఉప్పు : తగినంత
కారం : 2 టీ స్పూన్లు
జిలకర్ర పౌడర్ : 1 టీస్పూను
పసుపు : పావు స్పూను
చికెన్ కు పట్టించే మషాల కోసం :
ఉప్పు : పావు స్పూను
నిమ్మరం, పెరుగు : 2 స్పూన్లు
పసుపు : పావు స్పూను
ధనియాల పౌడర్: 1 టీస్పూను
గరం మసాలా : 1 టీ స్పూను
మిరియాల పౌడర్ : అర స్పూను
కారం : 1 స్పూను
అల్లం వెల్లుల్లి పేస్ట్ : 1 స్పూను
గరమ్ మసాలా కోసం
బిర్యానీ ఆకులు : 2
దాల్చిన చెక్క : 4 ముక్కలు
ఏలకులు : 3
లవంగాలు : 5
జాపత్రి : 2
తయారు చేయువిధానం : చికెన్ శుభ్రం చేసికొని చిన్న ముక్కలుగా కోయాలి. చికెన్ కు పట్టించే మషాల దినుసులను మెత్తగా గ్రైండ్ చేసి చికెన్ కు పట్టించి ఒక గంట సేపు రెఫ్రిజరేటర్ లో ఉంచాలి.
బియ్యంను కడిగి 15 ని. పాటు నానపెట్టి వడపోయాలి. అడుగు మందంగా గల వెడల్పాటి పాత్రలో నూనె, నెయ్యు వేసి వేడి చేయాలి. గరం మసాలాలో చెప్పిన వస్తువులు మీ ఇష్టాన్ని బట్టి అలాగే కానీ లేక మొత్తం పొడిగా చేసి కాని వేయాలి . తరువాత తరిగిన ఉల్లిపాయలు, పచ్చి మిర్చి వేయాలి. ఉల్లిపాయలు కొద్దిగా కలర్ వచ్చేదాకా వేయించి తరిగిన కొత్తిమీర, పొదీనా ఆకులు వేసి కలపాలి. తరువాత తరిగిన టమాటో ముక్కలు కలపాలి. తరువాత ఫ్రిజ్లో ఉంచిన చికెన్, పసుపు,కారం, జిలకర్ర పౌడర్, పెరుగు, ఉప్పు వేసి 5 నుండి 10 ని.ల సేపు ఉంచి నానబెట్టిన బియ్యం కలిపి మొత్తం ఉడికే దాకా ఉంచి దించుకోవాలి.