కావలిసినవి
పచ్చిమిర్చి : పావుకిలో
ఎండుమిర్చి : 25 గ్రాములు
మినపపప్పు : 100 గ్రాములు
మెంతులు : 2 టేబుల్ స్పూన్లు
తయారు చేసే విధానం
మినపపప్పు, మెంతులను నీళ్ళలో 5,6 గంటల సేపు నానబెట్టాలి. ఎండుమిర్చిని కూడా ఒక గంటసేపు నానబెట్టుకోవాలి. తరువాత నానబెట్టిన వాటిలో పచ్చిమిర్చి, పెరుగు, ఉప్పు వేసి మెత్తగా గట్టిగా గ్రైండ్ చేసుకోవాలి. ఈ పిండిని చిన్న చిన్న వడియాలలాగా ప్లాస్టిక్ షీట్ మీద ఎండబెట్టుకోవాలి. పూర్తిగా ఎండిన తరువాత గాలిచోరని డబ్బాలలో నిల్వ ఉంచుకోవాలి. పూర్తిగా ఎండనివ్వాలి. తేమ ఉంటే బూజు వస్తుంది.
Category: పచ్చిమిర్చితో వంటకాలు
మిరపకాయల కూర
కావలిసినవి:
పచ్చిమిర్చి : పావుకిలో
అల్లం, వెల్లుల్లి పేస్ట్ : ఒక టీస్పూన్
కరివేపాకు : నాలుగు రెమ్మలు
ధనియాలు, గసగసాలు, నువ్వులు, జీలకర్ర : అన్నీ కలిపి నాలుగు స్పూన్లు
పసుపు : పావు స్పూన్
కొత్తిమీర : తురిమినది కొద్దిగా
ఉప్పు : తగినంత
ఆవాలు : 1 స్పూన్
చింతపండు గుజ్జు : పావు కప్పు
నూనె : 50 గ్రాములు
తయారు చేసే విధానం
ముందుగా నువ్యులు, జీలకర్ర, గసగసాలు, ధనియాలను దోరగా వేయించి పొడిగా గ్రైండ్ చేసుకోవాలి. పచ్చిమిర్చిని నిలువుగా చీల్చి వాటిలోని గింజలను తీసివేయాలి. పచ్చిమిర్చిలో గ్రైండ్ చేసిన పొడిని కొద్ది కొద్దిగా కూరాలి.
పాన్ లో తగినంత నూనె వేసి ఆవాలు, కరివేపాకు వేసి దోరగా వేగిన తరువాత అల్లం, వెల్లుల్లి పేస్ట్, కొద్దిగా పసుపు వేసి, కొద్దిగా వేగిన తరువాత మషాలా కూరిన పచ్చిమిర్చిని వేసి చింతపండు గుజ్జును కూడా వేసి కొద్దిగా నీళ్ళు కూడా కలపాలి. పచ్చిమిర్చి పూర్తిగా ఉడికే వరకు ఉంచి దించుకోవాలి. సన్నగా తరిగిన కొత్తిమీర చల్లుకుంటే మంచి రుచి వస్తుంది.
పచ్చిమిర్చి పచ్చడి
కావలిసినవి
పచ్చిమిర్చి : 100 గ్రాములు
వెల్లుల్లి రెబ్బలు : 6
జీలకర్ర : ఒక స్పూన్
పసుపు : కొద్దిగా
ఉప్పు : తగినంత
పల్లీలు : కొద్దిగా (వేయించినవి)
నూనె : ఒక టేబుల్ స్పూన్
కొత్తిమీర : కొద్దిగా
తయారు చేసే విధానం
ముందుగా పచ్చి మిరపకాయలను శుభ్రంగా కడిగి నిలువు చీల్చుకోవాలి. పాన్లో నూనె వేసి వేడెక్కిన తరువాత పచ్చిమిరపకాయలను, వేరుశెనగప్పును, ఉప్పు, పసుపు, జీలకర్ర, వెల్లుల్లి రెబ్బలు, కొత్తిమీర అన్నీ వేసి బాగా వేగనివ్వాలి. ఇవి చల్లారిన తరువాత మెత్తగా గ్రైండ్ చేసుకోవాలి.
ఇడ్లీ, దోసె అన్నంలోని ఈ పచ్చడి మంచి కాంబినేషన్