కావాల్సినవి
పాలు – 4 కప్పులు
యాలకుల పొడి – 1 టేబుల్‌ స్పూన్
పంచదార – పావు కప్పు
మొక్కజొన్న పిండి – 1 టేబుల్‌ స్పూన్
బాదంపప్పులు – 10 లేదా 15
బ్రెడ్‌ – 1 (చివర్లు తొలగించి ముక్కలు చేసుకోవాలి)
తయారు చేసే విధానం
ముందుగా బ్రెడ్‌ ముక్కలు, అరకప్పు పాలు, మొక్కజొన్న పిండి కలుపుకుని మిక్సీలో పేస్ట్‌లా చేసుకుని పక్కన పెట్టుకోవాలి. తరువాత బాదం పప్పులను ముక్కలు చేసుకుని ఉంచుకోవాలి. ఇప్పుడు ఒక పాన్‌ తీసుకుని అందులో మిగిలిన మూడున్నర కప్పులు పాలను మరిగించి కప్పున్నర పాలుగా చేసుకోవాలి. ఇప్పుడు బ్రెడ్‌ పేస్ట్‌ను అందులో యాడ్‌ చేసుకుని (అడుగంటకుండా) గరిటెతో తిప్పుతూ ఉండాలి. ఆ మిశ్రమం చిక్కపడిన తరువాత పంచదార వేసుకుని దగ్గర పడేదాకా గరిటెతో తిప్పాలి. ఇప్పుడు స్టవ్‌ ఆఫ్‌ చేసి అందులో బాదం ముక్కలు, యాలకుల పొడి కలుపుకుని బాగా చల్లారనివ్వాలి. తరువాత కుల్ఫీ కప్స్‌లోకి లేదా మీకు నచ్చే ఆకారంలోకి ఆ మిశ్రమాన్ని తీసుకుని ఒక పుల్ల వేసుకుని డీప్‌ ఫ్రిజ్‌లోకి పెట్టుకుంటే సరిపోతుంది.
Category: ఐస్క్రీమ్
పుచ్చకాయ ఐస్‌ క్రీమ్/ Watermelon Ice Cream
కావాల్సినవి
పుచ్చకాయ – 3 కప్పులు
తేనె – 1 టేబుల్‌ స్పూన్
పాలు – అర కప్పు
నిమ్మరసం – 2 టేబుల్‌ స్పూన్స్
చాక్లెట్‌ ఫ్లేక్స్‌ – 1 టేబుల్‌ స్పూన్
తయారు చేసే విధానం
పుచ్చకాయ ముక్కలను జ్యూస్ చేసుకోవాలి. అందులో తేనె, పాలు కలిపి మిక్స్‌ చేసుకోవాలి. ఇప్పుడు ఒక బౌల్‌లోకి జ్యూస్ తీసుకుని అందులో నిమ్మరసం వేసి మరోసారి బాగా కలుపుకోవాలి. తరువాత ఆ బౌల్‌ను డీప్‌ ఫ్రిజ్‌లో కాసేపు ఉంచతే టేస్టీ పుచ్చకాయ ఐస్క్రీమ్ రెడీ. చాక్లెట్‌ ఫ్లేక్స్‌తో గార్నిష్‌ చేసుకోవచ్చు.
ఖర్జూరం ఐస్‌ క్రీమ్/ Dates Ice Cream
కావాల్సినవి
పంచదార – అర కప్పు
నీరు – 1 కప్పు
ఖర్జూరం – 10 లేదా 15 (గింజలు తీసినవి)
పాలు –2 కప్పులు
గుడ్లు – 3 (పచ్చసొన మాత్రమే)
వెనీలా – 2 చుక్కలు
తయారు చేసే విధానం
ముందుగా ఒక పాత్ర తీసుకుని అందులో పంచదార, నీరు వేసుకుని… పంచదార కరిగేదాకా మరిగించాలి. తరువాత అందులో ఖర్జూరం వేసుకుని మెత్తగా ఉడికించుకోవాలి. తరువాత మిక్సీలో (మరీ మెత్తగా కాకుండా) మిక్స్‌ చేసుకుని పక్కన పెట్టుకోవాలి. ఇప్పుడు మరో బౌల్‌ తీసుకుని అందులో పాలు, గుడ్లు యాడ్‌ చేసుకుని బాగా కలుపుకోవాలి. ఇప్పుడు రెండు మిశ్రమాలను ఒక బౌల్‌లో కలుపుకొని ఐస్క్రీమ్ మేకర్‌లో కానీ డీప్‌ ఫ్రిజ్‌లో కానీ పెట్టుకుంటే నోరూరించే ఖర్జూరం ఐస్క్రీమ్ తయారుచేసుకోవచ్చు.
బొప్పాయి ఐస్క్రీమ్ / Papaya Ice Cream
కావాల్సినవి
కావాల్సినవి : బొప్పాయి – 1 (మీడియం సైజ్‌)
పంచదార పొడి – ఒక కప్పు
క్రీమ్ – 1 1/2 కప్పు (మార్కెట్‌లో దొరుకుతుంది)
వెనీలా – 2 చుక్కలు
తయారు చేసే విధానం
ముందుగా ఒక బౌల్‌ తీసుకుని అందులో క్రీమ్, పంచదార పొడి వేసుకుని హ్యాండ్‌ మిక్సర్‌తో మిక్స్‌ చేసుకుని పక్కన పెట్టుకోవాలి. తరువాత బొప్పాయి ముక్కలను జ్యూస్ చేసుకుని అందులో వెనీలా చుక్కలతో పాటు.. క్రీమ్ మిశ్రమాన్ని యాడ్‌ చేసుకుని ఫ్రిజ్‌లో పెట్టుకుంటే పొప్పాయ ఐస్క్రీమ్ తయారైపోతుంది.
అనాస ఐస్క్రీమ్ / Pine apple Ice Cream
కావాల్సినవి
అనాస ముక్కలు – ఒక కప్పున్నర
పాలు – 3 కప్పులు
చక్కెర – అర కప్పు
బేకింగ్‌ సోడా – అర టేబుల్‌ స్పూన్
తేనె – ఒక టేబుల్‌ స్పూన్
గుడ్డు – 1 (తెల్ల సొన మాత్రమే)
తయారు చేసే విధానం
ముందుగా ఒక పాన్‌ తీసుకుని పాలు, చక్కెర వేసుకుని బాగా (ఇంచుమించు ఒక కప్పు వాటర్‌ అయ్యేంత వరకు) మరిగించుకోవాలి. అందులో చివరిగా బేకింగ్‌ సోడా, తేనె వేసుకుని బాగా కలుపుకోవాలి. ఇప్పుడు అనాస ముక్కలను జ్యూస్ చేసుకుని వడగట్టుకోవాలి. ఇప్పుడు ఒక బౌల్‌ తీసుకుని అందులో జ్యూస్, గుడ్డులతో పాటు పాల మిశ్రమాన్ని జోడించి బాగా కలుపుకుని డీప్‌ ఫ్రిజ్‌లో పెట్టుకుంటే సరిపోతుంది.
ద్రాక్ష ఐస్క్రీమ్ / Draksha Ice Cream
కావాల్సినవి
ద్రాక్షపళ్లు – అర కిలో
నిమ్మకాయ – 1
పంచదార పొడి – ఒక కప్పు
పాలు – 1 కప్పు
గుడ్డు – 1 (తెల్ల సొన మాత్రమే)
తయారు చేసే విధానం
ముందుగా ద్రాక్షపళ్లను జ్యూస్ చేసుకుని వడగట్టుకొని పక్కన పెట్టుకోవాలి. ఇప్పుడు ఆ జ్యూస్‌లో నిమ్మరసం, గుడ్డు కలుపుకుని ఒక 20 నిమిషాలు ఫ్రిజ్‌లో పెట్టుకోవాలి. తరువాత ఒక పాన్‌ తీసుకుని అందులో పాలు, పంచదార వేసుకుని బాగా మరిగించాలి. తరువాత జ్యూస్ ఫ్రిజ్‌లోంచి బయటికి తీసి అందులో ఈ పాల మిశ్రమాన్ని యాడ్‌ చేసుకుని డీప్‌ ఫ్రిజ్‌లో పెట్టుకుంటే రుచికరమైన ద్రాక్ష ఐస్క్రీమ్ మిమ్మల్ని చల్లబరుస్తుంది.
సపోటా ఐస్క్రీమ్ / Sapota Ice Cream
కావాల్సినవి
సపోటాలు – 5
పాలు – అర కప్పు
తేనె – 1 టేబుల్‌ స్పూన్
పంచదార పొడి – అర కప్పు
తయారు చేసే విధానం
ముందుగా సపోటా ముక్కలను మిక్సీలో వేసుకుని జ్యూస్ చేసుకోవాలి. తరువాత అందులో పాలు, పంచదార వేసుకుని మరో సారి మిక్సీ చేసుకోవాలి. ఇప్పుడు ఒక బౌల్‌లోకి ఆ మిశ్రమాన్ని తీసుకుని అందులో తేనె, గ్లూకోజ్‌ యాడ్‌ చేసుకుని బాగా కలుపుకోవాలి. ఇప్పుడు ఆ బౌల్‌ను ఫ్రిజ్‌లో పెట్టుకుంటే టేస్టీ టేస్టీ సపోటా ఐస్క్రీమ్ సిద్ధమైపోతుంది.
దానిమ్మ ఐస్క్రీమ్ / Pamogranete Ice Cream
కావాల్సినవి
పంచదార – అర కప్పు
నీరు – ముప్పావు కప్పు
దానిమ్మ జ్యూస్ – 3 కప్పులు
నిమ్మకాయ – 1
తయారు చేసే విధానం
ముందుగా దానిమ్మ జ్యూస్ చేసుకుని పక్కన పెట్టుకోవాలి. తరువాత నీటిని 10 నిమిషాలు వేడి చేసుకుని అందులో పంచదార కలుపుకుని బాగా కరగనివ్వాలి. తరువాత దానిమ్మ జ్యూస్‌లో ఈ పంచదార నీళ్లను కలుపుకోవాలి. తరువాత నిమ్మరసం కలుపుకోవాలి. ఇప్పుడు ఆ మిశ్రమాన్ని ఐస్‌ క్రీమ్ మెషిన్‌లో లేదా డీప్‌ ఫ్రిజ్‌లో పెట్టుకుంటే నోరూరించే దానిమ్మ ఐస్క్రీమ్ మీ సొంతమవుతుంది.
ఆపిల్‌ ఐస్క్రీమ్/ Apple Ice Cream
కావాల్సినవి
ఆపిల్‌ – 2
పాలు – 5 కప్పులు
పంచదార – అర కప్పు
వెనీలా – 1 టేబుల్‌ స్పూన్
తయారు చేసే విధానం
ముందుగా నాలుగున్నర కప్పులు పాలను బాగా మరిగించి ఒక కప్పు కంటే తక్కువగా చేసుకోవాలి. తరువాత పైన పేరుకున్న మీగడను తీసి పక్కన పెట్టుకుని మిగిలిన పాలను డీప్‌ ఫ్రిజ్‌లో పెట్టుకోవాలి. అది గడ్డ కట్టిన తరువాత ముందుగా తీసి పక్కన పెట్టిన మీగడను జోడించి మిక్సీ చేసుకోవాలి. ఇప్పుడు అందులో ఆపిల్‌ ముక్కలు, మిగిలిన అర కప్పు పాలు, పంచదార వేసుకుని మిక్సీ పెట్టుకోవాలి. ఇప్పుడు ఆ మిశ్రమంలో వెనీలా వేసుకుని బాగా కలుపుకుని ఒక పాత్రలో తీసుకుని డీప్‌ ఫ్రిజ్‌లో పెట్టుకుంటే ఆపిల్‌ ఐస్‌ క్రీమ్ రెడీ అయిపోతుంది. చివరగా ఆపిల్‌ ముక్కలు చాక్లెట్‌ పౌడర్లతో మీకు నచ్చిన విధంగా గార్నిష్‌ చేసుకోవచ్చు.
అరటి పండ్ల ఐస్క్రీమ్ / Banana Ice Cream
కావాల్సినవి
అరటిపళ్లు – 3 లేదా 4
తేనె – 1 కప్పు
పాలు – అర కప్పు
తయారు చేసే విధానం
ముందుగా అరటి పళ్లను గుండ్రటి ముక్కలుగా కట్‌ చేసుకోవాలి. తరువాత వాటిని ఒక 10 లేదా 15 నిమిషాలు పాటు మైక్రోవేవ్‌ ఓవెన్‌లో పెట్టుకోవాలి. తరువాత ఆ అరటి ముక్కలను ఒక మిక్సీలో వేసుకుని జ్యూస్‌లా చేసుకోవాలి. తరువాత ఆ మిశ్రమంలో తేనె, పాలు కలిపి మరో సారి మిక్సీ పెట్టుకోవాలి. తరువాత ఒక బౌల్‌లోకి తీసుకుని ఫ్రిజ్‌లో పెట్టుకుంటే బనానా ఐస్క్రీమ్ రెడీ. చల్లబడ్డాక ఈ ఐస్‌క్రీమ్‌ను చక్కగా ఆస్వాదించవచ్చు