గ్రాడ్యుయేట్‌ మేనేజ్‌మెంట్‌ ఆడ్మిషన్‌ టెస్టు(జీమ్యాట్‌) VS గ్రాడ్యుయేట్‌ రికార్డ్‌ ఎగ్జామినేషన్‌(జీఆర్‌ఈ)

విదేశీ యూనివర్సిటీల్లో అడ్మిషన్స్‌ పొందేందుకు సిద్ధమవుతున్న విద్యార్థులు తమ జీమ్యాట్, జీఆర్‌ఈ స్కోర్‌ గురించి ఆందోళన చెందుతుంటారు. ఈ రెండిట్లో ఏ స్కోరు ఎలాంటి కోర్సులో చేరేందుకు ఉపయోగపడుతుంది?! విదేశీ వర్సిటీలు ఎక్కువగా దేన్ని పరిగణలోకి తీసుకుంటున్నాయి.. వంటి ప్రశ్నలు అభ్యర్థులకు ఎదురవుతుంటాయి. ఈ నేపథ్యంలో.. ఔత్సాహికులకు ఉపయోగపడేలా జీమ్యాట్, జీఆర్‌ఈ ప్రత్యేకతలు–ప్రయోజనాలు, రెండింటి మధ్య వ్యత్యాసాలు, పరీక్ష విధానం, సిలబస్‌ అంశాలపై ప్రత్యేక కథనం..

సారూప్యతలు!
విస్తృత కోణంలో చూస్తే రెండు పరీక్షలూ ఒకేలా కనిపిస్తాయి. రెండూ మాస్టర్స్‌లో ప్రవేశాలకు నిర్వహించే ఆన్‌లైన్‌ పరీక్షలే..! పరీక్ష ప్యాట్రన్‌లోనూ అనలిటికల్‌ రైటింగ్, క్వాంటిటేటివ్‌ రీజనింగ్, వెర్బల్‌ రీజనింగ్‌ వంటి సారూప్యతలు ఉన్నాయి. జీమ్యాట్, జీఆర్‌ఈలు ప్రధానంగా అభ్యర్థుల్లోని క్రిటికల్‌ థింకింగ్, అనలిటికల్‌ రైటింగ్, వెర్బల్‌ రీజనింగ్, క్వాంటిటేటివ్‌ రీజనింగ్‌ నైపుణ్యాలను పరీక్షిస్తాయి. వీటిని ఏడాది పొడవునా నిర్వహిస్తారు. జీమ్యాట్, జీఆర్‌ఈ స్కోరుకు ఐదేళ్ల గుర్తింపు ఉంటుంది. ఇన్ని సారూప్యతలు ఉన్నప్పటికీ.. ప్రిపరేషన్, స్కిల్‌ టెస్టులు, ఇన్‌స్టిట్యూ ట్ల యాక్సప్టెన్సీ, వర్క్‌ ఎక్స్‌పీరియెన్స్‌ పరంగా రెండింటి మ«ధ్య స్పష్టమైన వ్యత్యాసాలున్నాయి.

మేనేజ్‌మెంట్‌ కోర్సులు..
జీమ్యాట్‌ ద్వారా ప్రపంచ వ్యాప్తంగా 80 దేశాల్లోని ప్రముఖ ఇన్‌స్టిట్యూట్‌లు మేనేజ్‌మెంట్‌ కోర్సుల్లో ప్రవేశాలు కల్పిస్తున్నాయి. జీమ్యాట్‌ స్కోరుతో మాస్టర్‌ ఆఫ్‌ బిజినెస్‌(ఎంబీఏ), పోస్టుగ్రాడ్యుయేట్‌ డిప్లొమా ఇన్‌ మేనేజ్‌మెంట్‌(పీజీడీఎం), మాస్టర్స్‌ ఇన్‌ మేనేజ్‌మెంట్, మాస్టర్స్‌ ఇన్‌ ఫైనాన్స్, మాస్టర్స్‌ ఇన్‌ అకౌంటింగ్, ఎగ్జిక్యూటివ్‌ ఎంబీఏ తదితర కోర్సుల్లో ప్రవేశాలు పొందవచ్చు.

జీఆర్‌ఈతో మాస్టర్స్‌..
ప్రపంచవ్యాప్తంగా వేల ఇన్‌స్టిట్యూట్స్‌ జీఆర్‌ఈ స్కోరు ఆధారంగా ప్రవేశాలు కల్పిస్తున్నాయి. వీటిలో సైన్స్, ఇంజనీరింగ్, బిజినెస్, లా, హ్యుమానిటీస్‌ ఇన్‌స్టిట్యూట్స్‌ ఉన్నాయి. జీఆర్‌ఈ ప్రధానంగా అమెరికా, కెనడా వంటి దేశాల్లోని గ్రాడ్యుయేట్‌ స్కూల్స్‌లో మాస్టర్స్, డాక్టోరల్‌ ప్రోగ్రామ్స్‌లో ప్రవేశాలకు ఉద్దేశించింది. అదేవిధంగా జీఆర్‌ఈ స్కోరు ఆధారంగా పలు ఇన్‌స్టిట్యూట్స్‌ ఫెలోషిప్‌నకు విద్యార్థులను ఎంపిక చేస్తున్నాయి. జీఆర్‌ఈ జనరల్‌ టెస్టుతోపాటు బయాలజీ, కెమిస్ట్రీ, ఇంగ్లిష్, మ్యాథమెటిక్స్, ఫిజిక్స్, సైకాలజీల్లో సబ్జెక్టు వారీ టెస్టులు అందుబాటులో ఉన్నాయి.

బీ–స్కూల్స్‌ ఓటు దేనికి!
బిజినెస్‌ స్కూల్స్‌లో ఎక్కువ శాతం జీమ్యాట్‌ స్కోర్‌తోనే ప్రవేశాలు కల్పిస్తున్నాయి. ఇప్పడిప్పుడే కొన్ని బిజినెస్‌ స్కూల్స్‌ జీమ్యాట్‌ స్థానంలో జీఆర్‌ఈ స్కోరును పరిగణలోకి తీసుకుంటున్నా… వాటి సంఖ్య కేవలం 15 శాతానికి మించదు. కాబట్టి బిజినెస్‌ ప్రోగ్రామ్‌ లక్ష్యంగా సీరియస్‌గా ప్రిపేరయ్యే అభ్యర్థులు జీమ్యాట్‌కు హాజరవ్వడం లాభిస్తుంది. ఎంఎస్‌ వంటి మాస్టర్స్, డ్యూయల్‌ డిగ్రీ కోర్సులను లక్ష్యంగా పెట్టుకున్న వారు జీఆర్‌ఈకి ప్రిపేరవడం మంచిది. నిర్దిష్టంగా కొన్ని ప్రముఖ బిజినెస్‌ స్కూల్స్‌ను లక్ష్యంగా పెట్టుకున్నట్లయితే.. సదరు ఇన్‌స్టిట్యూట్‌లు ఏ స్కోరును పరిగణలోకి తీసుకుంటున్నాయో తెలుసుకొని పరీక్షను ఎంచుకోవాలి.

ఏది సులభం..
జీమ్యాట్, జీఆర్‌ఈల్లో ఏది సులభం, ఏది క్లిష్టం అనే అంశం పూర్తిగా అభ్యర్థి సామర్థ్యాలపై ఆధారపడి ఉంటుంది. జీఆర్‌ఈలో క్వాంటిటేటివ్‌ విభాగం సులభంగా ఉంటుంది. ఓ స్థాయి క్వాంటిటేటివ్‌ స్కిల్స్‌తో జీఆర్‌ఈలో రాణించొచ్చు. జీమ్యాట్‌ క్వాంటిటేటివ్‌ విభాగం కఠినంగా ఉంటుంది. కాబట్టి మ్యాథ్స్‌ స్కిల్స్‌ బలంగా ఉన్న వారు జీమ్యాట్‌ ఎంచుకోవడం లాభిస్తుంది. వొకాబ్యులరీలో బలహీనంగా ఉన్న అభ్యర్థులు జీఆర్‌ఈలో ఇబ్బంది పడతారు. ఎందుకంటే.. జీఆర్‌ఈలో టెక్ట్స్ కంప్లీషన్స్, సెంటెన్స్‌ ఈక్వివ్యాలెన్స్‌ క్వశ్చన్స్, వర్డ్‌ యూసేజ్‌ టెస్టింగ్‌ వంటివి ఉంటాయి. కొన్నేళ్లుగా హ్యుమానిటీస్‌ కోర్సులు చదివిన వారికి ఈ విషయంలో ప్రయోజనం ఉంటుంది.

సిలబస్‌..

  • జీమ్యాట్‌ వెర్బల్‌ విభాగంలో.. రీడింగ్‌ కాంప్ర హెన్షన్, ప్యాసేజ్‌ నుంచి కంక్లూజన్‌ డ్రా చేయడం, క్రిటికల్‌ రీడింగ్, సెంటెన్స్‌ కరెక్షన్‌ కీలక అంశాలుగా ఉంటాయి.
  • జీఆర్‌ఈ వెర్బల్‌లో.. రీడింగ్‌ కాంప్రహెన్షన్, టెక్స్‌›్ట కంప్లీషన్, సెంటెన్స్‌ ఈక్వివ్యాలెన్స్‌ల నుంచి ప్రశ్నలు వస్తాయి.
  • జీమ్యాట్‌ క్వాంటిటేటివ్‌ విభాగంలో.. ప్రాబ్లమ్‌ సాల్వింగ్, డేటా సఫీషియెన్సీలపై ప్రశ్నలు అడుగుతారు.
  • జీఆర్‌ఈలో ఆల్‌జీబ్రా, అర్థమెటిక్, డేటా అనాలసిస్, జామెట్రి నుంచి ప్రశ్నలు వస్తాయి.
  • జీమ్యాట్‌ రైటింగ్‌కు సంబంధించి వాదనలోని (ఆర్గ్యుమెంట్‌) ముఖ్యాంశాలను గుర్తించడం, విశ్లేషించడం చేయాలి. ఐడియాలను స్పష్టంగా, క్రమపద్ధతిలో వెల్లడించాలి. సందర్భ సహిత ఉదాహరణలు, కారణాలను పేర్కొనాలి.
  • జీఆర్‌ఈ రైటింగ్‌లో సంక్లిష్టమైన ఆలోచనలను స్పష్టంగా, సమర్థంగా చెప్పాల్సి ఉంటుంది. దీనికి అవసరమైన ఉదాహరణలు, కారణాలను పేర్కొనాలి. ఆధారాలతో క్లెయిమ్స్‌ను పరిశీలించాలి చేయాలి.

ముఖ్యాంశాలు..

  • జీఆర్‌ఈతో పోల్చితే జీమ్యాట్‌ క్వాంటిటేటివ్‌ క్వశ్చన్స్‌ క్లిష్టంగా ఉంటాయి. ఈ అంశంలో జీమ్యాట్‌ కోసం ఎక్కువ కష్టపడాల్సి ఉంటుంది.
  • జీమ్యాట్‌తో పోల్చితే జీఆర్‌ఈ వెర్బల్‌ విభాగంలో క్లిష్టమైన పదాలు ఉంటాయి. ఇంగ్లిష్‌ భాషపై పూర్తి స్థాయి అవగాహన ఉన్న అభ్యర్థులే ఇందులో అధిక మార్కులు పొందగలరు.
  • బిజినెస్‌ స్కూల్‌్ లో చదువు పూర్తి చేసుకొని మేనేజ్‌మెంట్, ఇన్వెస్ట్‌మెంట్‌ బ్యాంకింగ్‌ రంగంలోని కంపెనీలకు వెళ్లినప్పుడు కొన్ని సంస్థలు జీమ్యాట్‌ స్కోరు అడుగుతున్నాయి.

జీమ్యాట్‌–పరీక్ష విధానం

విభాగంప్రశ్నలుసమయం
అనలిటికల్‌ రైటింగ్‌ అసెస్‌మెంట్‌130 నిమిషాలు
ఇంటిగ్రేటెడ్‌ రీజనింగ్‌1230 నిమిషాలు
క్వాంటిటేటివ్‌ రీజనింగ్‌3162 నిమిషాలు
వెర్బల్‌ రీజనింగ్‌3665 నిమిషాలు


జీఆర్‌ఈ –పరీక్ష తీరు

విభాగంప్రశ్నలుసమయం
అనలిటికల్‌ రైటింగ్‌2 టాస్కులు60 నిమిషాలు
వెర్బల్‌ రీజనింగ్‌–12030 నిమిషాలు
వెర్బల్‌ రీజనింగ్‌–22030 నిమిషాలు
క్వాంటిటేటివ్‌ రీజనింగ్‌2035 నిమిషాలు

విదేశాల్లో మేనేజ్మెంట్ విద్య కోసం జీమ్యాట్

విదేశాల్లో మేనేజ్మెంట్ విద్యనభ్యసించాలంటే మార్గం.. గ్రాడ్యుయేట్ మేనేజ్మెంట్ అడ్మిషన్ టెస్టు (జీమ్యాట్).
Career guidanceగ్రాడ్యుయేట్ మేనేజ్మెంట్ అడ్మిషన్ కౌన్సిల్(జీఎంఏసీ) ఈ పరీక్షను నిర్వహిస్తోంది. జీమ్యాట్ స్కోరు ఆధారంగా భారత్తోపాటు ప్రపంచ వ్యాప్తంగా దాదాపు 110 దేశాల్లోని 2300కు పైగా ప్రముఖ యూనివర్సిటీలు/ఇన్స్టిట్యూట్లు మేనేజ్మెంట్ కోర్సుల్లో ప్రవేశాలు కల్పిస్తున్నాయి. ప్రస్తుత కోవిడ్–19 కారణంగా జీమ్యాట్ ఆన్లైన్ ఎగ్జామ్ను అందుబాటుకి తెచ్చారు. ఈ నేపథ్యంలో.. జీమ్యాట్ పరీక్ష విధానం, ప్రయోజనాలు, ఆన్లైన్ ఎగ్జామ్ వివరాలపై ప్రత్యేక కథనం..
అమెరికా, యూకే, ఆస్ట్రేలియా, ఫ్రాన్స్ తదితర దేశాల్లోని టాప్ ఇన్స్టిట్యూట్స్లో మేనేజ్మెంట్ కోర్సులను పూర్తిచేస్తే అంతర్జాతీయంగా మంచి గుర్తింపు లభిస్తుంది. ఇది కెరీర్ అవకాశాల పరంగా కలిసొస్తోంది. దీన్ని దృష్టిలో పెట్టుకొని విద్యార్థులు సదరు ఇన్స్టిట్యూట్స్లో చేరేందుకు మొగ్గుచూపుతున్నారు. దీంతో విదేశీ యూనివర్సిటీల్లో ఎంబీఏ కోర్సుల్లో ప్రవేశాలు పొందడానికి మార్గమైన జీమ్యాట్కు ఆదరణ పెరుగుతోంది.
కరోనా ప్రభావం..
ప్రస్తుత కరోనా వైరస్ కారణంగా ప్రపంచవ్యాప్తంగా జీమ్యాట్ పరీక్షా కేంద్రాలను జీఎంఏసీ మూసివేసింది. అభ్యర్థులు ఇంటి నుంచే పరీక్ష రాసుకోవడానికి వీలుగా జీమ్యాట్ ఆన్లైన్ ఎగ్జామ్ను ప్రారంభించింది. ప్రస్తుతానికి ఈ ఆన్లైన్ ఎగ్జామ్ జూన్ 15 వరకు అందుబాటులో ఉంటుంది. చైనా, ఇరాన్, క్యూబా, సుడాన్, స్లోవేనియా, ఉత్తర కొరియా మినహా ప్రపంచవ్యాప్తంగా అభ్యర్థులు ఈ అవకాశాన్ని సద్వినియోగం చేసుకోవచ్చు.
జీమ్యాట్(టెస్ట్ సెంటర్) పరీక్ష విధానం..
జీమ్యాట్ టెస్ట్ సెంటర్లో నిర్వహించే పరీక్షలో.. వెర్బల్ రీజనింగ్, క్వాంటిటేటివ్ రీజనింగ్, ఇంటిగ్రేటెడ్ రీజనింగ్, అనలిటికల్ రైటింగ్ అసెస్మెంట్ అనే నాలుగు విభాగాలు ఉంటాయి. పరీక్ష సమయం 3 గంటల 7 నిమిషాలు అయినప్పటికీ.. విరామం, పరీక్ష సూచనలతో కలిపి మొత్తం మూడున్నర గంటలుగా పేర్కొనవచ్చు.
విభాగం ప్రశ్నలు సమయం
వెర్బల్ రీజనింగ్ 36 65 ని.
క్వాంటిటేటివ్ రీజనింగ్ 31 62 ని.
ఇంటిగ్రేటెడ్ రీజనింగ్ 12 30 ని.
అనలిటికల్ రైటింగ్ అసెస్మెంట్ 1 30 ని.
మొత్తం 80 3 గంటలు
వెర్బల్ రీజనింగ్..
ఈ విభాగంలో రీడింగ్ కాంప్రెహెన్షన్, క్రిటికల్ రీజనింగ్, సెంటెన్స్ కరెక్షన్పై బహుళైచ్ఛిక ప్రశ్నలు అడుగుతారు. ప్రామాణిక రాత పూర్వక(యూఎస్) ఇంగ్లిష్లో ఆలోచనలను సమర్థవంతంగా వ్యక్తీకరించే పరిజ్ఞానం, రాతపూర్వక విషయాలను చదవి, అర్థం చేసుకోగల నైపుణ్యాలు, కారణాలను విశ్లేషించడం, వాదనలను అంచనా వేయడంలో.. అభ్యర్థి సామర్థ్యాన్ని ఈ విభాగంలో పరీక్షిస్తారు. క్లిష్టత స్థాయిపై ఆధారపడి, అభ్యర్థి సరైన సమాధానాలు రాసిన ప్రశ్నల సంఖ్య ఆధారంగా స్కోరు లభిస్తుంది.
క్వాంటిటేటివ్ రీజనింగ్..
ఈ విభాగంలో ప్రాబ్లమ్ సాల్వింగ్, డేటా సఫిషియెన్సీపై బహుళైచ్ఛిక ప్రశ్నలు అడుగుతారు. అభ్యర్థుల గణితశాస్త్ర నైపుణ్యాలు, పరిమాణాత్మక సమస్యల పరిష్కార నైపుణ్యాలు, గ్రాఫికల్ డేటాను వివరించే సామర్థ్యాన్ని ఈ విభాగంలో పరీక్షిస్తారు. క్లిష్టత స్థాయి, అభ్యర్థి సరిగా సమాధానమిచ్చే ప్రశ్నల సంఖ్య ఆధారంగా∙స్కోరు కేటాయిస్తారు.
ఇంటిగ్రేటెడ్ రీజనింగ్..
ఈ విభాగం నుంచి మల్టీ సోర్స్ రీజనింగ్, గ్రాఫిక్స్ ఇంటర్ప్రిటేషన్, టు పార్ట్ అనాలసిస్, టేబుల్ అనాలసిస్ నుంచి బహుళైచ్ఛిక ప్రశ్నలు అడుగుతారు. గ్రాఫిక్, న్యూమరిక్, వెర్బల్ డేటాను అవసరమైన సమాచారంగా మార్చగల సామర్థ్యాన్ని ఈ విభాగం పరీక్షిస్తుంది. రిలేషన్షిప్స్ ఏర్పడేలా ఇన్ఫర్మేషన్ను ఆర్గనైజ్ చేయడం, మల్టిపుల్ ఇంటర్రిలేటెడ్ సమస్యలను పరిష్కరించే నైపుణ్యాలను కూడా అంచనావేస్తుంది. అభ్యర్థి సరిగా సమాధానమిచ్చే ప్రశ్నల సంఖ్య ఆధారంగా స్కోరు లభిస్తుంది.
అనలిటికల్ రైటింగ్ అసెస్మెంట్..
ఈ విభాగంలో ఆర్గ్యుమెంట్ అనాలసిస్కు సంబంధించిన వ్యాసరూప ప్రశ్న ఇస్తారు. అభ్యర్థిలోని విమర్శనాత్మక ఆలోచనా సామర్థ్యాలు, కమ్యూనికేషన్ స్కిల్స్ను పరీక్షిస్తారు.
ఆన్లైన్ పరీక్షలో స్వల్ప మార్పులు:
  • జీమ్యాట్ ఆన్లైన్ ఎగ్జామ్లో అనలిటికల్ రైటింగ్ అసెస్మెంట్ సెక్షన్ను మినహాయించారు. ఈ ఆన్లైన్ పరీక్ష కాలవ్యవధి 2 గంటలు 45 నిమిషాలు.
  • పరీక్ష కేంద్రంలో నిర్వహించే జీమ్యాట్తో పోల్చితే.. జీమ్యాట్ ఆన్లైన్ పరీక్ష సిలబస్, స్కోరింగ్ విధానం, అల్గారిథమ్ తదితర అంశాల్లో ఎలాంటి మార్పు ఉండదు.
  • జీమ్యాట్ ఆన్లైన్ ఎగ్జామ్ రాయాలనుకునే అభ్యర్థులు జీఎంఏసీ ప్రమాణాలకు అనుగుణంగా కంప్యూటర్ లేదా యాపిల్ మ్యాక్ను సమకూర్చుకోవాలి. కెమెరా, హైస్పీడ్ ఇంటర్నెట్ కనెక్షన్ను ఏర్పాటు చేసుకోవాలి.
  • అభ్యర్థులు నిబంధనలు ఉల్లంఘించకుండా లైవ్ వీడియో ద్వారా క్రమశిక్షణాధికారి పర్యవేక్షిస్తారు.
  • పరీక్ష కోసం mba.comలో నమోదు చేసుకోవాలి.

జీమ్యాట్ స్కోరు..

  • జీమ్యాట్ మొత్తం స్కోర్లు 200 నుంచి 800 వరకు ఉంటాయి. వెర్బల్, క్వాంటిటేటివ్ స్కోర్లు 6 నుంచి 51 వరకు ఉంటాయి.
  • ఇంటిగ్రేటెడ్ రీజనింగ్ స్కోర్లు 1 నుంచి 8 వరకు ఉంటాయి. అనలిటికల్ రైటింగ్ అసెస్మెంట్ స్కోర్లు 0 నుంచి 6 వరకు ఉంటాయి.
  • అధికారిక జీమ్యాట్ స్కోర్లు ఐదేళ్ల వరకు చెల్లుబాటు అవుతాయి.

జీమ్యాట్ అర్హత నిబంధనలు:

  • జీమ్యాట్ రాయాలనుకునే అభ్యర్థి గుర్తింపు పొందిన విద్యా సంస్థ లేదా విశ్వవిద్యాలయం నుంచి ఏదైనా విభాగంలో డిగ్రీ పూర్తి చేయాలి.
  • వయసు కనీసం 18 సంవత్సరాలు ఉండాలి.
  • ఇంగ్లిష్ భాషలో ప్రావీణ్యం, నైపుణ్యం తప్పనిసరి.
  • జీమ్యాట్ పరీక్ష రాయడానికి జీఎంఏసీ ఎలాంటి పని అనుభవాన్ని ప్రత్యేకించి పేర్కొనలేదు. కానీ టాప్ బీస్కూల్స్ ప్రవేశాల సందర్భంలో సాధారణంగా కనీసం 4–5 సంవత్సరాల పని అనుభవం ఉండాలని పేర్కొంటున్నాయి.
రిజిస్ట్రేషన్, పరీక్ష తేదీలు:జీమ్యాట్ పరీక్షను సంవత్సరం పొడవునా నిర్వహిస్తారు. ముందుగా mba.comలో అకౌంట్ క్రియేట్ చేసుకోవాలి. తర్వాత ఫీజు చెల్లించి అందుబాటులో ఉన్న తేదీల్లో పరీక్ష కోసం రిజిస్ట్రేషన్ చేసుకోవాలి. ఆన్లైన్ ఎగ్జామ్ కోసం అందుబాటులో ఉన్న పరీక్ష విండోకు 24 గంటల ముందు వరకు రిజిస్టర్ చేసుకోవచ్చు. ప్రస్తుతం జూన్ 15, 2020 వరకు ఆన్లైన్ ఎగ్జామ్ తేదీలు అందుబాటులో ఉన్నాయి. ఈ తేదీలను పొడిగించే అవకాశం ఉంది.
పరీక్ష కేంద్రాలు
 జీమ్యాట్ వందకి పైగా దేశాల్లోని టెస్టు సెంటర్లలో ఏడాది పొడవునా అందుబాటులో ఉంటుంది.
 ఆంధ్రప్రదేశ్, తెలంగాణల్లో హైదరాబాద్, విజయవాడ, విశాఖపట్నం నగరాల్లో పరీక్ష కేంద్రాలు ఉన్నాయి. ప్రస్తుత కరోనా మహమ్మారి నేపథ్యంలో ప్రపంచవ్యాప్తంగా పరీక్ష కేంద్రాలను మూసివేశారు. ఇప్పుడు ఇంట్లోనే ఉండి జీమ్యాట్ ఆన్లైన్ పరీక్ష రాసేందుకు అవకాశం కల్పిస్తున్నారు.
మరిన్ని వివరాలకు వెబ్సైట్: https://mba.com