IIM Ahmedabad

అహ్మదాబాద్ దిగగానే, అక్కడి వారికి IIM అంటే తెలియదు – మేనేజ్మెంట్ వస్త్రపూర్ అనాలి.

అది మొత్తం సుమారు 67 ఎకరాల కాంపస్ లో 39 ఎకరాల కొత్త కాంపస్, ఒక పెద్ద రోడ్ కింద అండర్ పాస్ (underpass) ద్వారా కలుప/అతుకబడి ఉన్నది – pic below source: google images

ఆ విధంగా, విద్యా వత్సరం మొదలు అవటానికి ఒక నెల ముందే campus కు కొందరు వెళ్తారు. కేవలం, IIT, NIT, Engineer లే కాక, డాక్టర్లు, లాయర్లు, కామర్స్, వ్యవసాయ డిగ్రీ, పని అనుభవం ఉన్న వారు, చివరికి IPS, IRS ఆఫీసర్లు కూడా ఇక్కడ PGP కోర్స్ చేయడానికి వస్తారు. పక్క క్లాస్ లో కూర్చున్నది ఒక రాష్ట్ర స్థాయి లేక జాతీయ స్థాయి ఇంటర్ బోర్డ్స్ లేక IIT-JEE వంటి టాప్ ర్యాంకర్స్, సర్వ సాధారణం.

దిన చర్య:

క్లాసు 9 కి అయితే, 8.50 కే లేచి, Dorm నుంచి ముఖం కడిగి, బట్టలు మార్చి, న్యూ క్యాంపస్, old campus la మధ్య క్లాస్ ఎక్కడయితే అక్కడికి పరుగులు పెట్టడం. దారిలో Dorm 20 పక్కనే బయట పరుగు వీరుల కోసమే పెట్టీ ఉంచిన sandwich లు అందుకుని పరుగు continue చేయడం. లక్ బావుంటే, ప్రొఫెసర్ మంచి వాడయితే క్లాస్ రూం తలుపులు తెరిచి ఉంటాయి. లేక పోతే ఇక అంతే. క్లాస్ రూం లో వచ్చి పడ్డాం. ఖాళీ వెతుక్కుని కుర్చోటం. కబుర్లు చెప్పే వాళ్ళు, నిద్రలు పోయేవాల్లు, టాపిక్ ప్రిపేర్ అవుతున్న వాళ్ళు, అన్ని రకాలూ!

ప్రొఫెసర్ వస్తారు. వెనకే TA. Lecture bay లో వారి మూడ్ ఎలా ఉంటుందో! ప్రొఫెసర్ ఈ రోజు టాపిక్ చెప్పాలని అనుకోలేదు. ఇక స్టూడెంట్ నీ పిలిచి చెప్పమని, ఆ స్టూడెంట్ ప్లేస్ లో ప్రొఫెసర్ కూర్చున్నారు. IIM A నా మజాకా! ఆ స్టూడెంట్ లెక్చర్ అదరగొట్టేశాడు. ప్రొఫెసర్ కొన్ని సందేహాలు అడిగారు. కొంత చెప్పలేక పొతే, అందుకుని, వారు వివరించారు. కొందరు స్టూడెంట్స్ మరి కొన్ని సందేహాలు అడిగారు. TA (teaching associate) నిశ్శబ్ధం గా CP (class participation) note చేసుకుంటున్నారు.

తరువాత ఇంకో క్లాస్. ఈ సారి ప్రొఫెసర్ లెక్చర్ బే లోంచి చెప్పారు. మధ్యలో నలుగురికి cold calling అయింది. నీళ్లు నమిలిన ఒకడ్ని, బయటకు పొమ్మన్నారు. వాడు చక్కగ పోయాడు. వాడు IIT D student. రాత్రి వరసబెట్టి సినిమాలు చూసి, ఈ రోజు టాపిక్ లైట్ తీసుకొన్నాడు. ఈ topics వాడికో లెక్క కాదు. ఒక బ్రేక్. డబ్బులున్న వాడు, బయటకెళ్ళి తిన్నాడు, తాగాడు. ఇంకా డబ్బులున్న వాడు, అమ్మాయిలకు కూడా sponsor చేశాడు.

Next ఇంకో క్లాస్. కొంత మంది స్టూడెంట్స్ ఏవో లెక్కలు వేసుకుని ( minimal attendance), వెళ్లి పోయారు. మిగతా వారున్నారు. ఈ సారి case study. ఇచ్చి సాల్వ్ చేయమన్నారు. కొందరు చేశారు. మరి కొందరు బద్దక భాడవలు చేయల. కొందరు పక్కోడి దాన్లో కాపీ. TA అంతా చూసి నోట్ చేస్తూనే ఉన్నారు. ప్రొఫెసర్ ఒకరిద్దరి సొల్యూషన్ చూసి, మిగతా వారిని, అసైనమెంట్ submit చేయమన్నారు. ఇక్కడ students కు భయ పడే ప్రొఫెసర్స్ ఉంటారేమో కానీ సాధారణంగా, స్టూడెంట్స్ ప్రొఫెసర్స్ నీ గౌరవిస్తారు, భయపడరు. ఇక్కడ ఎవడైనా, సబ్జెక్టు లో గొప్ప వాడే!

MANAC (mgmt acctg) కానీ, OM (ops mgmt), EE (Entr Econ), HR, any subject ఒక్కసారి చెప్తే అందేసుకునే వాళ్ళే ఎక్కువ. అందుకే కొందరు ప్రొఫెసర్స్ స్టూడెంట్స్ కి సబ్జెక్టు విషయంలో జాగ్రత్తగా ఉంటారు. లంచ్ టైం. Mess కి వెళ్లే సరికి టెన్షనే. బయట surprise test notice ఉంటే! ఇక పరుగులే! ఆ రోజు టెస్ట్ ఉన్నది అంటే, mess దాదాపు సగం ఖాళీ.

టెస్ట్ ఏదో కెలికి, వచ్చే సరికి, mess మూత. ఇక TANSTAAFL (there’s no something as a free lunch) ఉందిగా. అక్కడేదో కొని, తిని, Dorm కి పయనం. దారిలో ఎవరన్న దోస్త్ లు కనిపిస్తే, వాళ్ళతో ముచ్చట్లు.

ఇక Dorm కి వెళ్ళి 2,3 గంటలు నిద్ర. మెల్లగా groups, assignment హడావుడి మొదలు. అమ్మాయిలు, అబ్బాయిలు కలిసి లేడీస్ హాస్టల్ లో కానీ, బాయ్స్ dorm లో కానీ, Louis Khan ఓపెన్ ప్లేస్ లో కానీ, మంచి ప్లేస్ చూస్కుని, మొదలు. కొందరు కబుర్లు చెప్తారు, కొందరు bunk కొడతారు. ఒకడో ఇద్దరో గ్రూప్ work పూర్తి చేసేస్తారు.

అక్కడి నుంచి ఇక పిచ్చాపాటీ. కొందరు టెన్నిస్, క్రికెట్, TT, football ఆడుకోటానికి వెళ్తారు. కొందరు mess ki, కొందరు girl friend ఉంటే కలిసి బయటకి డిన్నర్ కి, అలా. ఏమీ లేనోల్లు, mess నుంచి Dorm కెళ్ళి, ఇక ఆ చిత్రాలు చూడటం. కొందరు బుధ్ధిగా లైబ్రరీలో ఉన్న reading room కి వెళ్ళి ఇక పిడి కొట్టడం. అన్ని రకాలూ!

రాత్రి 2 కి మెల్లగా ఒక్కొక్కరు నిద్ర కి… కొందరు 4, 5. ఒక్కో సారి Dorm కి alumni రావటం, ఏదోకటి sponsor చేయటం (వాషింగ్ మెషిన్, ఫ్రిడ్జ్, etc) కొన్ని మంచి కబుర్లు చెప్పటం. ఒక్కో సారి గెస్ట్ lectures by famous people- మంత్రులు కావచ్చు, అజీమ్ Premji, Infosys Narayana Murthy కావచ్చు. చాల మంది స్టూడెంట్స్ లైట్ తీసుకుంటారు. ఒక్కోసారి అటెండెన్స్ కోసం ప్రొఫెసర్ లు పాట్లు పడుతుంటారు.

ఇవి కాక వార్షిక ఉత్సవాలు, ఇతర ఐఐఎం ల నుంచి వచ్చే వారు, ప్రపంచ ప్రసిద్ధ వ్యక్తులు, వారి భాషణలు. SAC (students affairs committee) head చాల బలవంతుడు. ఇవి కాక Placecom (placement committee). వేరే బోల్డు క్లబ్స్ ఉంటాయి. అభిరుచిని బట్టి చేరటం.

ఇక సమ్మర్ placements. చాల మంది విదేశాలకు వెళ్తారు. బాగా చేస్తే, 2nd year కూడా పూర్తి అయ్యాక, వచ్చి జాబ్ లో చేరిపొమ్మని ఆఫర్ కూడా ముందే ఇచ్చేస్తారు. Internship లో కూడా పెద్ద జీతాలు, కళ్లు చెదిరే సౌకర్యాలు. ఇక Dorm లో birthday bumps, dorm names, subtle రాగింగ్ (మనకు తెలియదు రాగింగ్ చేస్తున్నారని, మరిపుడు ఉందో లేదో), గుప్త చిత్రాలు, గుప్త పార్టీలు, స్నేహితులు, ఎన్నో.