దేశంలో మేటి లా ఇన్స్టిట్యూట్లు ఇవే..!

ఆధునిక దేశాల్లో చట్టం, న్యాయవిద్య, అభివృద్ధి ఒకదానితో ఒకటి ముడిపడి ఉంటాయి. న్యాయవిద్య కేవలం న్యాయవాదులను తయారుచేయడానికే పరిమితం కాదు..! భవిష్యత్ సమాజ రూపకల్పనలో కీలక ఉపకరణంగా కూడా ఉపయోగపడుతుంది. కానీ, ఎక్కువమంది విద్యార్థులు న్యాయవిద్య అనగానే వెనకంజ వేస్తుంటారు.
Edu news

లాతో కెరీర్లో స్థిరపడటానికి చాలా సమయం పడుతుందని భావిస్తుంటారు. వాస్తవానికి ప్రస్తుతం న్యాయవిద్యలోనూ కొత్త, కొత్త స్పెషలైజేషన్స్ అందుబాటులోకొచ్చాయి. నేడు లా విద్యార్థులకు కార్పొరేట్ రంగంలో ఉజ్వల అవకాశాలు లభిస్తున్నాయి. ఈ నేపథ్యంలో.. 2019 ఎన్ఐఆర్ఎఫ్ (నేషనల్ ఇన్స్టిట్యూషనల్ ర్యాంకింగ్ ఫ్రేమ్ వర్క్)లో నిలిచిన లా ఇన్స్టిట్యూట్లు.. అందిస్తున్న కోర్సులు, ప్రవేశ విధానాల గురించి తెలుసుకుందాం..
కేంద్ర మానవ వనరుల మంత్రిత్వ శాఖ(ఎంహెచ్ఆర్డీ) ఆధ్వర్యంలోని నేషనల్ ఇన్స్టిట్యూషనల్ ర్యాంకింగ్ ఫ్రేమ్వర్క్ (ఎన్ఐఆర్ఎఫ్) 2015 నుంచి మొత్తం తొమ్మిది కేటగిరీల్లో దేశీయ ఇన్స్టిట్యూట్లకు ర్యాంకులను ప్రకటిస్తోంది. కరోనా కారణంగా ఎన్ఐఆర్ఎఫ్– 2020 ర్యాంకింగ్స్ వాయిదా పడ్డాయి. 2019లో ఎన్ఐఆర్ఎఫ్ మొత్తం 15 లా ఇన్స్టిట్యూట్స్కు ర్యాంకులు ప్రకటించింది.
ఎన్ఎల్ఎస్ఐయూ, బెంగళూరు
నేషనల్ లా స్కూల్ ఆఫ్ ఇండియా యూనివర్సిటీ (ఎన్ఎల్ ఎస్ఐయూ).. 1986లో ఏర్పాటైంది. వరుసగా(2018,2019) రెండు సంవత్సరాల ర్యాంకింగ్స్లోనూ మొదటి స్థానం సొంతం చేసుకుంది.
  • కోర్సులు: బీఏ, ఎల్ఎల్బీ: ఇది ఐదేళ్ల ఇంటిగ్రేటెడ్ కోర్సు. మొత్తం 80 సీట్లు ఉన్నాయి. కామన్ లా అడ్మిషన్ టెస్టు(క్లాట్) యూజీ–2020 ర్యాంకు ఆధారంగా ప్రవేశాలు కల్పిస్తారు.
  • ఎల్ఎల్ఎం: మాస్టర్ ఆఫ్ లాలో 50 సీట్లు ఉన్నాయి. కోర్సు వ్యవధి సంవత్సరం. బిజినెస్ లాస్ స్పెషలైజే షన్లో 35 సీట్లు, హ్యూమన్ రైట్స్ స్పెషలైజేషన్లో 15 సీట్లున్నాయి. క్లాట్ పీజీ– 2020 ద్వారా ఈ కోర్సులో ప్రవేశం లభిస్తుంది.
  • ఎంపీపీ: మాస్టర్స్ ప్రోగ్రామ్ ఇన్ పబ్లిక్ పాలసీలో 50 సీట్లున్నాయి. ఇది రెండేళ్ల కోర్సు. డిగ్రీ ఉత్తీర్ణులు ప్రవేశా నికి అర్హులు. వర్సిటీ బెంగళూరు, ఢిల్లీ, కోల్కతా, ముంబైల్లో పాలసీ ఆప్టిట్యూడ్ టెస్టు(ప్యాట్) నిర్వహి స్తుంది. దానిలో ప్రతిభ చూపిన వారికి పర్సనల్ ఇంటర్వ్యూ నిర్వహించి ప్రవేశాలు ఖరారు చేస్తుంది.
  • పీహెచ్డీ(డాక్టర్ ఆఫ్ ఫిలాసఫీ): రీసెర్చ్ ప్రతిపాదన (10పేజీలు)తో దరఖాస్తు చేసుకోవాల్సి ఉంటుంది. దరఖాస్తు చేసుకున్న వారికి 150 మార్కులకు అడ్మిషన్ టెస్టు నిర్వహిస్తారు. యూజీసీ–నెట్, జేఆర్ఎఫ్, స్లెట్, ఎంఫిల్, విదేశీయులకు ప్రత్యేక ప్రవేశ పరీక్ష ఉంటుంది. రాత పరీక్షలో ఎంపికైన వారు వర్సిటీ నిపుణుల ముందు ప్రజెంటేషన్ ఇవ్వాల్సి ఉంటుంది.
  • ఎల్ఎల్డీ(డాక్టర్ ఆఫ్ లా): వైస్ ఛాన్సలర్ నియమించిన పోస్టు గ్రాడ్యుయేట్ కౌన్సెల్ ఈ ప్రోగ్రామ్ను పర్యవే క్షిస్తుంది. కోర్సు గరిష్ట వ్యవధి ఆరేళ్లు.
  • పైకోర్సులతోపాటు ఎన్ఎల్ఎస్ఐయూ దూర విద్యా విధానంలోనూ పలు కోర్సులను అందిస్తోంది.
  • పూర్తి వివరాలకు వెబ్సైట్: http://www.nls.ac.in
నేషనల్ లా యూనివర్సిటీ, ఢిల్లీ
ఎన్ఐఆర్ఎఫ్ ర్యాంకింగ్స్లో రెండో స్థానం దక్కించుకుంది నేషనల్ లా యూనివర్సిటీ, ఢిల్లీ. బీఏ, ఎల్ఎల్బీ (హానర్స్)లో 123 సీట్లు, ఎల్ఎల్ఎం కోర్సులో 81 సీట్లు ఉన్నాయి. ఆలిండియా లా ఎంట్రన్స్ టెస్టు(ఏఐఈఎల్టీ) ద్వారా ఈ కోర్సుల్లో ప్రవేశాలు కల్పిస్తారు. పీహెచ్డీ ప్రవేశాలను రాత పరీక్ష, రీసెర్చ్ ప్రపోజల్స్ ఎవాల్యూ యేషన్ ద్వారా ఖరారు చేస్తారు. పై కోర్సులతోపాటు విదేశీ యూనివర్సిటీల నుంచి మూడేళ్ల ఎల్ఎల్బీ డిగ్రీ ఉత్తీర్ణులకు రెండేళ్ల బ్రిడ్జ్ కోర్సు, నాలుగేళ్ల ఎల్ఎల్బీ డిగ్రీ పూర్తిచేసిన వారికి ఏడాది వ్యవధితో బ్రిడ్జి కోర్సు అందుబాటులో ఉంది.
పీజీ డిప్లొమా కోర్సులు: » అర్బన్ ఎన్విరాన్మెంటల్ మేనేజ్మెంట్ అండ్ లా
» టూరిజం అండ్ ఎన్విరాన్ మెంటల్ లాస్ » ఎన్విరాన్మెంటల్ లా అండ్ పాలసీ.
పూర్తి వివరాలకు వెబ్సైట్: nludelhi.ac.in
నల్సార్, హైదరాబాద్
ద నేషనల్ అకాడమీ ఆఫ్ లీగల్ స్టడీస్ అండ్ రీసెర్చ్(నల్సార్) 1998లో ఏర్పాటైంది. ర్యాంకింగ్స్లో మూడో స్థానం దక్కించుకుంది. నల్సార్.. బీఏ ఎల్ఎల్బీ, ఎల్ఎల్బీ, ఎల్ఎల్ఎం, ఎంఫిల్, పీహెచ్డీ, ఎల్ఎల్ఎం పీహెచ్డీ, ఎంబీఏ కోర్సులు అందిస్తోంది. క్లాట్–యూజీ ద్వారా అండర్ గ్రాడ్యుయేట్, క్లాట్–పీజీ ద్వారా పోస్టుగ్రాడ్యుయేట్ కోర్సుల్లో ప్రవేశం లభిస్తుంది. పీహెచ్డీ ప్రవేశాలకు ప్రత్యేక రాత పరీక్ష నిర్వహిస్తారు. యూజీసీ నెట్, సీఎస్ఐఆర్–యూజీసీ నెట్ ఉత్తీర్ణులకు రాత పరీక్ష నుంచి మినహాయింపు ఉంటుంది.
పూర్తి వివరాలకు వెబ్సైట్: www.nalsar.ac.in
ఐఐటీ, ఖరగ్పూర్
ఎన్ఐఆర్ఎఫ్ ర్యాంకింగ్స్లో నాలుగో స్థానం దక్కించుకుంది.. ఐఐటీ ఖరగ్పూర్. ఇంజనీరింగ్, టెక్నాలజీ విద్యకు పేరుగాంచిన ఈ ఇన్స్టిట్యూట్.. ఎల్ఎల్బీ, ఎల్ఎల్ఎం, పీహెచ్డీ కోర్సులను సైతం అందిస్తోంది. ఎల్ఎల్బీ మూ డేళ్ల కోర్సు. ఇంజనీరింగ్/టెక్నాలజీ/మెడిసిన్లో ప్రథమ శ్రేణిలో బ్యాచిలర్స్ డిగ్రీ లేదా సైన్స్/ఫార్మసీలో ప్రథమ శ్రేణిలో మాస్టర్స్ డిగ్రీ లేదా ఎంబీఏలో ప్రథమ శ్రేణి ఉత్తీర్ణులు ఎల్ఎల్బీ కోర్సుకు దరఖాస్తు చేసుకునేందుకు అర్హులు. ప్రవేశ పరీక్ష ద్వారా అడ్మిషన్ కల్పిస్తారు. ఎల్ఎల్ ఎం కోర్సులో ఇంటలెక్చువల్ ప్రాపర్టీ రైట్స్, కార్పొరేట్ లాస్, ట్యాక్సేషన్, క్రిమినల్ లాస్, ఇంటర్నేషనల్ లా, కాన్స్టిట్యూషనల్ లా, కాంపిటీషన్ లా స్పెషలై జేషన్లు అందుబాటులో ఉన్నాయి. ఎల్ఎల్ఎం కోర్సులో ప్రవేశానికి ఆన్లైన్లో దరఖాస్తు చేసుకోవాల్సి ఉంటుంది. దరఖాస్తు చేసుకున్న వారిలో నుంచి రాత పరీక్షకు అర్హులైన అభ్యర్థులను షార్ట్ లిస్టు చేస్తారు. అనంతరం వారికి పర్సనల్ ఇంటర్వ్యూ నిర్వహించి ప్రవేశాలను ఖరారు చేస్తారు.
పూర్తి వివరాలకు వెబ్సైట్: www.iitkgp.ac.in
వెస్ట్ బెంగాల్ నేషనల్ యూనివర్సిటీ ఆఫ్ జ్యుడిషియల్ సైన్సెస్, కోల్కతా
ఎన్ఐఆర్ఎఫ్ ర్యాంకింగ్స్లో ఐదో స్థానం దక్కించుకుంది ఈ లా యూనివర్సిటీ. బీఏ/బీఎస్సీ ఎల్ఎల్బీ, ఎల్ఎల్ ఎం, ఎంఫిల్, పీహెచ్డీ, ఎల్ఎల్డీ కోర్సులను అందిస్తోంది. వీటితోపాటు ఎయిర్ అండ్ స్పేస్ లా, న్యూక్లియర్ లా, బిజినెస్ లాస్, హ్యూమన్ రైట్స్, పబ్లిక్ హెల్త్కేర్ అండ్ మెడికల్ లాస్, ఇంటలెక్చువల్ ప్రాపర్టీ రైట్స్ లా స్పెషలైజేషన్స్తో పోస్టు గ్రాడ్యుయేట్ డిప్లొమా, కన్జ్యూమర్ లాలో సర్టిఫికెట్ కోర్సును ఆఫర్చేస్తోంది. అదేవిధంగా కొలాబరేటివ్, ఆన్లైన్ సర్టిఫికెట్ కోర్సులు సైతం అందిస్తోంది. యూజీ, పీజీ కోర్సుల్లో ప్రవేశాలను క్లాట్(యూజీ,పీజీ) ద్వారా చేపడతారు. మిగిలిన కోర్సుల్లో సొంత ప్రవేశ విధానాన్ని అనుసరిస్తున్నారు.
పూర్తి వివరాలకు వెబ్సైట్: www.nujs.edu
నేషనల్ లా యూనివర్సిటీ, జో«ద్పూర్
ఈ లా యూనివర్సిటీ 2001లో ఏర్పాటైంది. ఎన్ఐఆర్ఎఫ్ ర్యాంకింగ్స్లో ఆరో స్థానంలో నిలిచింది. బీబీఏ ఎల్ఎల్బీ(హానర్స్), బీఏ ఎల్ఎల్బీ(హానర్స్) రెండు కోర్సుల్లో కలిపి 100 సీట్లున్నాయి. దీంతోపాటు కార్పొరేట్ లాస్, ఐపీఆర్ అండ్ టెక్నాలజీ లా స్పెషలైజేషన్లతో ఏడాది వ్యవధి గల ఎల్ఎల్ఎం కోర్సును అందిస్తోంది. వీటితోపాటు ఎంబీఏ ఇన్సూరెన్స్ కోర్సును ఆఫర్చేస్తోంది. ఎంబీఏ మినహా మిగిలిన కోర్సుల్లో క్లాట్(యూజీ, పీజీ) ద్వారా ప్రవేశాలు కల్పిస్తారు.
పూర్తి వివరాలకు వెబ్సైట్: www.nlujodhpur.ac.in
సింబియాసిస్ లా స్కూల్, పుణె
ఎన్ఐఆర్ఎఫ్ ర్యాంకింగ్స్లో ఏడో స్థానం దక్కించుకుంది.. సింబియాసిస్ లా స్కూల్. ఇది ఐదేళ్ల బీఏ,ఎల్ఎల్బీ, బీబీఏ,ఎల్ఎల్బీ, మూడేళ్ల ఎల్ఎల్బీ కోర్సులు అందిస్తోంది. వీటిలో సింబియాసిస్ లా అడ్మిషన్ టెస్టు(స్లాట్) ద్వారా ప్రవేశం లభిస్తుంది. అదేవిధంగా ఒక ఏడాది వ్యవధి గల ఎల్ఎల్ఎం కోర్సును ఈ లా స్కూల్ అందిస్తోంది. ఆలిండియా అడ్మిషన్ టెస్టు(ఏఐఏటీ) ద్వారా ఈ కోర్సులో ప్రవేశాలు కల్పిస్తారు. ఎల్ఎల్ఎంలో బిజినెస్ అండ్ కార్పొరేట్ లా, కాన్స్టిట్యూషనల్ అండ్ అడ్మినిస్ట్రేటివ్ లా, ఇన్నోవేషన్, టెక్నాలజీ అండ్ ఇంటలెక్చువల్ ప్రాపర్టీ, క్రిమినల్ అండ్ సెక్యూరిటీ లా, హ్యూమన్ రైట్స్ లా, ఫ్యామిలీ లా, యూరోపియన్ యూనియన్ లీగల్ స్టడీస్, లా, పాలసీ అండ్ గుడ్ గవర్నెన్స్ స్పెషలైజేషన్స్ అందుబాటులో ఉన్నాయి. ఈ లా స్కూల్ డిప్లొమా, పీహెచ్డీ కోర్సులను సైతం అందిస్తోంది.
పూర్తి వివరాలకు వెబ్సైట్: www.symlaw.ac.in
జామియా మిల్లియా ఇస్లామియా, ఢిల్లీ
ర్యాంకింగ్స్లో ఎనిమిదో స్థానంలో నిలిచింది.. జామియా మిల్లియా ఇస్లామియా యూనివర్సిటీ. వర్సిటీలో బీఏ ఎల్ఎల్బీ హానర్స్/బీఎ ఎల్ఎల్బీ (సెల్ఫ్ ఫైనాన్స్డ్), ఎల్ఎల్ఎం, ఎల్ఎల్ఎం ఎగ్జిక్యూటివ్ (సెల్ఫ్ ఫైనాన్స్డ్), ఎంఫిల్/ పీహెచ్డీ(లా), పీజీ డిప్లొమా ఇన్ లేబర్ లా, పీజీ డిప్లొమా ఇన్ ఎయిర్ స్పేస్ లా కోర్సులు అందుబాటులో ఉన్నాయి. ఆయా కోర్సుల్లో ప్రవేశాలకు వర్సిటీ సొంత విధానాలను అనుసరిస్తోంది.
పూర్తి వివరాలకు వెబ్సైట్: www.jmi.ac.in
గుజరాత్ నేషనల్ లా యూనివర్సిటీ, గాంధీనగర్
ర్యాంకింగ్స్లో తొమ్మిదో స్థానం దక్కించుకుంది… గుజ రాత్ నేషనల్ లా యూనివర్సిటీ. ఈ వర్సిటీలో ఐదేళ్ల వ్యవధితో బీఏ/బీకాం/ బీబీఏ/ బీఎస్సీ /బీఎస్డబ్ల్యూ ఎల్ఎల్బీ కోర్సులు అందుబాటులో ఉన్నాయి. వీటితోపాటు ఏడాది వ్యవధితో ఎల్ఎల్ఎం, ఫైనాన్షియల్ మేనేజ్మెంట్ అండ్ బిజినెస్ లాస్ స్పెషలైజేషన్తో ఎంబీఏ కోర్సును అందిస్తోంది. ఈ లా వర్సిటీలో పీహెచ్డీ ప్రోగ్రామ్ సైతం అందుబాటులో ఉంది. యూజీ, పీజీ కోర్సుల సీట్లను క్లాట్ ద్వారా భర్తీ చేస్తారు.
పూర్తి వివరాలకు వెబ్సైట్: https://gnlu.ac.in
రాజీవ్ గాంధీ నేషనల్ యూనివర్సిటీ ఆఫ్ లా, పాటియాల
ఈ యూనివర్సిటీ ఎన్ఐఆర్ఎఫ్ ర్యాంకింగ్స్లో పదో స్థానంలో నిలిచింది. ఐదేళ్ల బీఏ ఎల్ఎల్బీ, ఏడాది వ్యవధితో ఎల్ఎల్ఎం కోర్సును అందిస్తోంది. క్లాట్ ద్వారా వీటిలో ప్రవేశాలను ఖరారు చేస్తారు. పీహెచ్డీ ప్రవేశాలకు వర్సిటీ సొంతంగా ప్రవేశ పరీక్షను నిర్వహిస్తోంది.
పూర్తి వివరాలకు వెబ్సైట్: www.rgnul.ac.in
ఇతర ఇన్స్టిట్యూట్లు..
ఎన్ఐఆర్ఎఫ్ ర్యాంకింగ్స్లో భోపాల్లోని నేషనల్ లా ఇన్స్టిట్యూట్ యూనివర్సిటీ 11వ ర్యాంకు, భువనేశ్వర్లోని కళింగ ఇన్స్టిట్యూట్ ఆఫ్ ఇండస్ట్రియల్ టెక్నాలజీ 12వ ర్యాంకు, న్యూఢిల్లీలోని ఇండియన్ లా ఇన్స్టిట్యూట్ 13వ ర్యాంకు, లక్నోలోని డా.రామ్ మనోహర్ లోహియా నేషనల్ లా యూనివర్సిటీ 14వ ర్యాంకు, విశాఖపట్నంలోని డా.బి. ఆర్.అంబేద్కర్ కాలేజ్ ఆఫ్ లా 15వ ర్యాంకును దక్కించుకున్నాయి.
అర్హతలు..
ఏదైనా గ్రూపుతో ఇంటర్ లేదా తత్సమాన కోర్సు ఉత్తీ ర్ణులైన విద్యార్థులు క్లాట్–యూజీకి దరఖాస్తు చేసుకో వచ్చు. క్లాట్లో ప్రతిభ చూపడం ద్వారా క్లాట్ పార్టిసిపే టింగ్ ఇన్స్టిట్యూట్స్ అందించే ఇంటిగ్రేటెడ్, అండర్ గ్రాడ్యుయేట్ కోర్సుల్లో ప్రవేశాలు పొందవచ్చు. ఎల్ఎల్బీ డిగ్రీ లేదా తత్సమాన అర్హతతో క్లాట్–పీజీకి హాజరవ్వొచ్చు. ఇందులో సాధించిన ర్యాంకు ఆధా రంగా క్లాట్ పార్టిసిపేటింగ్ ఇన్స్టిట్యూట్స్లో పీజీ కోర్సుల్లో ప్రవేశాలు దక్కించుకోవచ్చు.
ఉపాధి వేదికలు
  • లా సంస్థలు
  • ఎంఎన్సీలు
  • గవర్నమెంట్ ఏజెన్సీలు
  • బ్యాంకులు
  • కోర్టులు.

జాబ్ ప్రొఫైల్స్

  • లీగల్ అడ్వైజర్
  • అడ్వొకేట్
  • పబ్లిక్ ప్రాసిక్యూటర్
  • టీచర్/ లెక్చరర్
  • లీగల్ మేనేజర్
  • లీగల్ సర్వీస్ చీఫ్
  • లీగల్ రిపోర్టర్.

టాప్ రిక్రూటర్స్

  • అమర్చంద్ మంగల్దాస్
  • ఏజెడ్బీ అండ్ పార్టనర్స్
  • జే సాగర్ అండ్ అసోసియేట్స్
  • ఖైతాన్ అండ్ కో
  • లుథారా అండ్ లుథారా
  • ట్రైలీగల్
  • దేశాయ్ అండ్ దివాంజీ
  • సింఘానియా అండ్ పార్టనర్స్
  • టైటస్ అండ్ కో
  • వదియా గాంధీ అండ్ కో
  • లక్ష్మీ కుమరన్ అండ్ శ్రీధరన్
  • ఎకనామిక్ లాస్ ప్రాక్టీస్
  • వైష్ అండ్ అసోషియేట్స్.

ఆలోచన మారాలి..
ప్రపంచంలోనే మొదటిసారి లా స్టడీస్కు ప్రత్యేక ఇన్స్టిట్యూట్లు, విశ్వవిద్యాలయాలు ఏర్పాటైన దేశం.. భారత్..! అందుకే మన న్యాయ నిపుణులకు విదేశాల్లో మంచి డిమాండ్ ఉంది. అయితే ఇప్పటికీ లా విద్య అంటే కేవలం ప్రాక్టీసే అనే అభిప్రాయం చాలా మంది లో ఉంది. ఇది ఏమాత్రం నిజం కాదు. ఇంజనీరింగ్, మెడిసిన్లకు ధీటుగా న్యాయవిద్యలోనూ నూతన స్పెషలైజేషన్లు అందుబాటులోకి వచ్చాయి. బీఏ ఎల్ఎల్బీ కోర్సునే తీసుకుంటే.. మొదటి రెండేళ్లు సోషల్ సైన్సెస్పై.. ఆ తర్వాత మూడేళ్లు న్యాయ అంశాలపై బోధన సాగుతుంది. లా డిగ్రీ హోల్డర్లకు మార్కెట్లో ఉజ్వల అవకాశాలు లభిస్తున్నాయి. ప్రస్తుతం ప్రతి కార్పొరేట్ కంపెనీ లీగల్ అడ్వైజర్ను నియమించుకుం టోంది. ఎల్ఎల్ఎం పూర్తి చేసిన వారికి బోధనా రంగంలోనూ అవకాశాలు లభిస్తాయి. ఇక నల్సార్ విషయానికొస్తే.. ప్లేస్మెంట్స్ పరంగా దేశంలోనే నెంబర్వన్గా నిలుస్తోంది. కాబట్టి యువత న్యాయవిద్య కోర్సుల్లో ధైర్యంగా చేరొచ్చు.

‘లా’తో భవిత ఇలా..

నేటి యువత మనస్ఫూర్తిగా మొగ్గుచూపే మరో కోర్సు… లా! ఆర్థిక సరళీకరణల నేపథ్యంలో.. ప్రభుత్వ రెగ్యులేటరీ పాత్ర, మారుతున్న ఆర్థిక, సాంఘిక పరిస్థితులు ‘లా’ గ్రాడ్యుయేట్స్‌కు మంచి అవకాశాలు కల్పిస్తున్నాయ్!!
నియంత్రణలు తొలగి, విదేశీ కంపెనీలు భారత్‌లో పెట్టుబడులు పెట్టడానికి ముందుకురావడంతో బిజినెస్ ‘లా’కు డిమాండ్ పెరిగింది. దాంతోపాటు ‘లా’తో సంబంధమున్న బ్యాంకింగ్, ఫైనాన్స్, క్యాపిటల్ మార్కెట్స్, టాక్సేషన్, టెలికాం, ఇన్సూరెన్స్, పవర్, సివిల్ ఏవియేషన్, పోర్ట్స్, షిప్పింగ్, మీడియా, మేథో సంపత్తి హక్కులు, విదేశీ ప్రత్యక్ష పెట్టుబడులు(ఎఫ్‌డీఐ), రియల్ ఎస్టేట్, స్పెషల్ ఎకనమిక్ జోన్స్, ఇన్ఫర్మేషన్ టెక్నాలజీ, డాటా ప్రొటక్షన్ చట్టాలు వంటి విభాగాల్లో పెనుమార్పులు సంభ వించాయి. ఇది న్యాయ విద్యను అభ్యసించిన అభ్యర్థులకు వరంగా మారింది. దాంతో ‘లా’ మళ్లీ క్రేజీ కోర్సుగా మారిపోయింది!!

న్యాయవిద్యకు ప్రపంచవ్యాప్తంగా ఉజ్వల భవిష్యత్తు ఇప్పుడు. గ్లోబలైజేషన్ యువ లా గ్రాడ్యుయేట్స్‌కు ఎన్నడూ లేనన్ని అవకాశాలను ముందుకు తెచ్చింది. భారత్‌తో పాటు అంతర్జాతీయ వ్యాపార సంస్థలు న్యాయ విద్య ను అభ్యసించిన అభ్యర్థులకు ఆహ్వానం పలుకుతున్నాయి. ఫండ్ రైజింగ్, షేర్లు, జాయింట్ వెంచర్లు, మెర్జర్‌లు, టెక్నాలజీ కొలాబరేషన్ తదితర అంశాల్లో న్యాయ విద్య అభ్యసించినవారి సలహాలు కీలకంగా మారడంతో.. లా గ్రాడ్యుయేట్లకు భవిష్యత్తులో కూడా విసృ్తత అవకాశాలు అందుబాటులోకి రానున్నాయి.

ఎన్ని అవకాశాలో:న్యాయశాస్త్రంలో విద్యనభ్యసిస్తే భవిష్యత్తుకు తిరుగుండదు. సొంతంగా ప్రాక్టీస్ చేసుకోవచ్చు. అనేక ప్రముఖ కంపెనీల్లో లా విభాగాల్లో కెరీర్ సొంతం చేసుకోవచ్చు. అనేక న్యాయ స్థానాల్లో మంచి అవకాశాలు వస్తాయి. మరోవైపు లీగల్ అడ్వయిజర్లగా పనిచేయొచ్చు. సుప్రీంకోర్టు జడ్జిలకు సహాయకారులుగా లా కాలేజీల్లో చదివే విద్యార్థులకు మంచి అవకాశాలున్నాయి. వీరికి జ్యుడీషియల్ క్లర్కుల హోదా లభిస్తుంది.

లాయుర్‌కు ఉండాల్సిన లక్షణాలు:

  • విషయు పరిజ్ఞానం
  • జ్ఞాపక శక్తి
  • రచనా నైపుణ్యం
  • సృజనాత్మకత
  • పట్టుదల, నిరంతర శ్రవు
  • భావవ్యక్తీకరణ నైపుణ్యాలు
  • లాజికల్ థింకింగ్
  • టీం ప్లేయుర్

లాలో ఉన్నత విద్య: ఎల్‌ఎల్‌బీ పూర్తి చేశాక.. ఎల్‌ఎల్‌ఎం చేస్తే న్యాయ రంగంలో విజయువంతమైన కెరీర్ నిర్మించుకోవటానికి బాగా ఉపయోగపడుతుంది.

కొత్త కోర్సులు: ముఖ్యంగా దేశంలోని పలు న్యాయ విశ్వ విద్యాలయాలు అవసరాలకు అనుగుణంగా సివిల్ లా, క్రిమినల్ లా, కార్పొరేట్ లా, టాక్సేషన్ లాస్ (ఇన్‌కంటాక్స్, ఎక్సైజ్ లా), లేబర్ లా, ఇంటర్నేషనల్ లా, ఫ్యామిలీ లా, కాన్స్‌టిట్యూషనల్ లా, అడ్మినిస్ట్రేషనల్ లా, ట్రేడ్‌మార్క్ అండ్ కాపీరైట్ అండ్ ఐపీ రైట్స్, పేటెంట్ లాస్ వంటివి అందిస్తున్నాయి.

లా స్కూల్స్..1986లో నేషనల్ లా స్కూల్ ఆఫ్ ఇండియా యూనివర్సిటీ (ఎన్‌ఎల్‌ఎస్‌ఐయూ) ఏర్పాటవడంతో దేశంలో న్యాయ విద్యకు కొత్త ఊపు లభించింది. ఆ తర్వాత నల్సార్ యూనివర్సిటీ ఆఫ్ లా, హైదరాబాద్; నేషనల్ లా ఇన్‌స్టిట్యూట్ యూనివర్సిటీ, భోపాల్ ; వెస్ట్ బెంగాల్ నేషనల్ యూనివర్సిటీ ఆఫ్ జురిడికల్ సెన్సైస్, కోల్‌కతా; నేషనల్ లా యూనివర్సిటీ, జోధ్‌పూర్; హిదయ్‌తుల్లా నేషనల్ లా యూనివర్సిటీ, రాయ్‌పూర్; గుజరాత్ నేషనల్ లా యూనివర్సిటీ, గాంధీనగర్; డాక్టర్ రామ్‌మనోహర్ లోహియా నేషనల్ లా యూనివర్సిటీ, లక్నో; రాజీవ్ గాంధీ నేషనల్ యూనివర్సిటీ ఆఫ్ లా, పాటియాల; చాణక్య నేషనల్ లా యూనివర్సిటీ, పాట్నా; నేషనల్ యూనివర్సిటీ ఆఫ్ అడ్వాన్స్‌డ్ లీగల్ స్టడీస్, కోచిలలో ప్రముఖ లా స్కూల్స్ ఏర్పాటయ్యాయి. ఈ స్కూల్స్ అన్నీ కలిసి ఏటా కామన్ అడ్మిషన్ టెస్ట్(క్లాట్) ద్వారా ఐదేళ్ల అండర్ గ్రాడ్యుయేట్, రెండే ళ్ల పోస్ట్ గ్రాడ్యుయేట్ కోర్సుల్లో ప్రవేశాలు
క ల్పిస్తున్నాయి.

నల్సార్ లా యూనివర్సిటీ:నల్సార్ ఆఫర్ చేస్తున్న 5 ఏళ్ల ఇంటిగ్రేటెడ్ బి.ఎ.ఎల్.ఎల్.బి.(ఆనర్స్) కోర్సులో చేరడానికి ఇంటర్‌లో 50 శాతం మార్కులు రావాలి. క్లాట్ ర్యాంకు ఆధారంగా అడ్మిషన్ లభిస్తుంది. దీంతోపాటు పలు పీజీ డిప్లొమా కోర్సులనూ నల్సార్ అందిస్తోంది.
వెబ్‌సైట్: www.nalsar.ac.in

నేషనల్ లా స్కూల్ ఆఫ్ ఇండియావర్సిటీ:బెంగుళూరులో ఏర్పాటైన తొలి లా యూనివర్సిటీ ఇది. ఇక్కడ 5 ఏళ్ల బి.ఎ.ఎల్.ఎల్.బి.(ఆనర్స్) ఉంది. ఈ కోర్సులో చేరాలంటే ఇంటర్‌లో కనీసం 50శాతంతోపాటు క్లాట్ రాయాలి. ఈ వర్సిటీ దూర విద్యావిధానంలోనూ పలు లా కోర్సులు ఆఫర్ చేస్తోంది.
వెబ్‌సైట్: www.nls.ac.in

నేషనల్ లా యూనివర్సిటీ,ఢిల్లీ: ఇది 5ఏళ్ల కాలవ్యవధిగల బి.ఎ. ఎల్‌ఎల్.బి(ఆనర్స్) కోర్సు అందిస్తోంది. ఇందులో చేరేందుకు 50 శాతం మార్కులతో ఇంటర్ విద్యార్హత. దీనికి జాతీయస్థాయి ప్రవేశ పరీక్ష పాసవ్వాలి. దీంతోపాటు ఈ వర్సిటీ పీజీ డిప్లమో కింద జడ్జింగ్ అండ్ కోర్టు మేనేజ్‌మెంట్, ఐపీఆర్ అండ్ పేటెంట్ లా కోర్సు నిర్వహిస్తోంది.
వెబ్‌సైట్: www.nludelhi.ac.in

నేషనల్ లా యూనివర్సిటీ, ఒరిస్సా: ఈ విశ్వవిద్యాలయం 5ఏళ్ల కాలవ్యవధిగల బి.ఎ.ఎల్‌ఎల్.బి. (ఆనర్స్) కోర్సు ఆఫర్ చేస్తోంది. విద్యార్హత: 50 శాతం మార్కులతో ఇంటర్. జాతీయస్థాయి ప్రవేశ పరీక్ష పాసవ్వాలి.
వెబ్‌సైట్: www.nluo.ac.in

ఉస్మానియా లా కాలేజ్: ఇది బి.ఎ. ఎల్.ఎల్.బి అయిదేళ్ల కోర్సును, మూడేళ్ల ఎల్.ఎల్.బి. పీజీ కోర్సుల కింద ఎల్.ఎల్.ఎం.(ఏడీఆర్), ఎల్.ఎల్.ఎం.(ఐపీఆర్), ఎల్.ఎల్.ఎం(ఐటీ ఈఏఎల్)కోర్సులతోపాటు, మేథోసంపత్తి హక్కులు, సైబర్ చట్టాలు, టాక్సేషన్ అండ్ బీమా ఈ మూడు పీజీ డిప్లమో కోర్సులు ఏడాది కాల వ్యవధితో నిర్వహిస్తోంది.
వెబ్‌సైట్: www.osmania.ac.in/lawcollege

ఇగ్నో స్కూల్ లా: ఇందిరాగాంధీ నేషనల్ ఓపెన్ యూనివర్సిటీ (ఇగ్నో) దూర విద్యా విధానం కింద డిప్లమో ఇన్ పారాలీగల్ ప్రాక్టీస్ కోర్సు అందిస్తుంది. కాలవ్యవధి ఏడాది. ఇంటర్ అర్హత. దీంతోపాటు పలు పీజీ డిప్లొమా కో ర్సులనూ ఆఫర్ చేస్తోంది.
వెబ్‌సైట్: www.ignou.ac.in/schools/sol/

నిర్మా యూనివర్సిటీ: గుజరాత్‌లోని ఈ విశ్వ విద్యాలయం 5ఏళ్ల కాలవ్యవధిగల బి.ఎ.ఎల్‌ఎల్.బి.(ఆనర్స్) కోర్సు ఆఫర్ చేస్తోంది. 50 శాతం మార్కులతో ఇంటర్ విద్యార్హత సరిపోతుంది. దీనికి జాతీయస్థాయి పరీక్ష పాసవ్వాలి.
వెబ్‌సైట్: www.nirmauni.ac.in

కర్ణాటక లా యూనివర్సిటీ: కర్ణాటకలోని హుబ్లీలో ఉన్న కర్ణాటక స్టేట్ లా యూని వర్సిటీ బి.ఎ. ఎల్‌ఎల్.బి.(ఆనర్స్), బి.బి.ఎ. ఎల్.ఎల్.బి.(ఆనర్స్), ఎల్‌ఎల్‌ఎం కోర్సులు నిర్వహిస్తోంది. ఇంటర్‌లో 45శాతం మార్కులు అవసరం. దాంతోపాటు త్వరలో పీజీ డిప్లమో ఇన్ ఇంటలెక్చ్యువల్ ప్రాపర్టీ రైట్స్, హ్యూమన్‌రైట్స్ అండ్ సైబర్ అండ్ ఇన్ఫర్మేషన్ టెక్నాలజీ లా ప్రవేశపెట్టబోతోంది.
వెబ్‌సైట్: www.kslu.org

రాష్ట్రంలోని లా కాలేజీలు: రాష్ట్రంలోని వివిధ లా కళాశాలల్లో ఐదేళ్ల, మూడేళ్ల లా కోర్సుల కోసం రాష్ట్రస్థారుు ప్రవేశ పరీక్ష నిర్వహిస్తారు. రాష్ట్రంలోని ఏ కాలేజీలో చదవాలన్నా.. లా సెట్ పరీక్షకు హాజరవడం తప్పనిసరి. అరుుదేళ్ల ఎల్‌ఎల్‌బీ, బీఎల్ కోర్సులకు ఇంటర్‌లో 40 శాతం మార్కులు వచ్చి ఉండాలి. మన రాష్ట్రంలోని 49 కాలేజీల్లో దాదాపు 3000 లా సీట్లు అందుబాటులో ఉన్నాయి.

లా ఎంట్రెన్స్ టెస్టులుకామన్ లా అడ్మిషన్ టెస్ట్(క్లాట్): క్లాట్.. జాతీయ స్థాయిలో 14 ప్రముఖ లా స్కూల్స్ అడ్మిషన్ కోసం ఏటా నిర్వహించే ప్రవేశపరీక్ష. క్లాట్‌లో ప్రతిభ ఆధారంగా బీఏ, ఎల్‌ఎల్‌బీ/ఎల్‌ఎల్‌ఎం కోర్సుల్లో ప్రవేశం కల్పిస్తారు.
అర్హత:10+2లో కనీసం 50 శాతం మార్కులు.
పరీక్ష ప్యాట్రన్: ఆబ్జెక్టివ్ తరహాలో 200 ప్రశ్నలకు ఉంటుంది. పరీక్ష అవధి 2 గంటలు. ఇంగ్లిష్ కాంప్రహెన్షన్‌కు 40 ప్రశ్నలు; జనరల్ నాలెడ్జ్/కరెంట్ అఫైర్స్ 50 ప్రశ్నలు; ఎలిమెంటరీ మ్యాథమెటిక్స్ 20 ప్రశ్నలు; లీగల్ అప్టిట్యూడ్ 50 ప్రశ్నలు; లాజికల్ రీజనింగ్ 40 ప్రశ్నలు.
వెబ్‌సైట్: www.clat.ac.in

ఆల్ ఇండియా లా ఎంట్రెన్స్ టెస్ట్:
(ఏఐఎల్‌ఈటీ): నేషనల్ లా యూనివర్సిటీ, ఢిల్లీ.. ఆల్ ఇండియా లా ఎంట్రెన్స్ టెస్ట్‌ను ప్రతిఏటా నిర్వహిస్తుంది. ఏఐఎల్‌ఈటీ పరీక్ష ద్వారా తన ఐదేళ్ల అండర్ గ్రాడ్యుయేట్ లా కోర్సులో ప్రవేశం కల్పిస్తుంది.
అర్హత: 10+2లో కనీసం 50 శాతం మార్కులు. అర్హత పరీక్ష ఫైనల్ ఇయర్ విద్యార్థులు కూడా దరఖాస్తు చేసుకోవచ్చు.
పరీక్ష ప్యాట్రన్: ఏఐఎల్‌ఈటీ ఆబ్జెక్టివ్ తరహాలో ఉంటుంది. 90 నిమిషాల్లో 150 ప్రశ్నలకు సమాధానాలు గుర్తించాలి. ఇంగ్లిష్ 35 ప్రశ్నలు; జన రల్ నాలెడ్జ్/కరెంట్ అఫైర్స్ 35 ప్రశ్నలు; మ్యాథమెటిక్స్ 10 ప్రశ్నలు; లీగల్ అప్టిట్యూడ్ 35 ప్రశ్నలు; లాజికల్ రీజనింగ్ 35ప్రశ్నలు.
వెబ్‌సైట్: http://nludelhi.ac.in/

ఎల్‌శాట్-ఇండియా:
విదేశాల్లో విద్యాభ్యాసానికి ఆయా కోర్సులను బట్టి తప్పనిసరిగా జీఆర్‌ఈ/టోఫెల్/జీమ్యాట్ స్కోర్ ఉండాల్సిందే. అదే కోవలో ‘లా’ చదవాలంటే.. ‘ద లా స్కూల్ అడ్మిషన్ టెస్ట్(ఎల్‌శాట్)’కు హాజరు కావాలి. ఈ పరీక్షను ద లా స్కూల్ అడ్మిషన్ కౌన్సిల్ (ఎల్‌ఎస్‌ఏసీ) 1947 నుంచి నిర్వహిస్తోంది. ఈ టెస్ట్ స్కోర్ ఆధారంగా అమెరికా, కెనడా, ఆస్ట్రేలియాలలోని దాదాపు టాప్- 200 ఇన్‌స్టిట్యూట్‌లలో న్యాయ విద్యనభ్యసించే అవకాశం ఉంటుంది. ఎల్‌శాట్ స్కోర్‌కు ప్రపంచ వ్యాప్తంగా మంచి గుర్తింపు ఉంది.
మన దేశంలో లా కోర్సుకున్న డిమాండ్‌ను దృష్టిలో ఉంచుకుని ఎల్‌ఎస్‌ఏసీ, పియర్సన్ వీయూఈ సంస్థలు ఎల్‌శాట్- ఇండియా పరీక్షకు శ్రీకారం చుట్టాయి. ఈ టెస్ట్ స్కోర్ ఆధారంగా ఐఐటీ-ఖరగ్‌పూర్, ఇన్‌స్టిట్యూట్ ఆఫ్ లా అండ్ రీసెర్చ్, యూనివర్సిటీ ఆఫ్ పెట్రోలియం అండ్ ఎనర్జీ స్టడీస్ తదితర 20కి పైగా ప్రఖ్యాత ఇన్‌స్టిట్యూట్‌లలో లా విద్యను అభ్యసించవచ్చు.

పరీక్ష విధానం: ఎల్‌శాట్-ఇండియా టెస్ట్‌ను దేశంలోని 17 పట్టణాల్లో నిర్వహిస్తున్నారు. మన రాష్ట్రంలో హైదరాబాద్‌లో పరీక్ష కేంద్రం ఉంది. లా కెరీర్‌లో రాణించడానికి దోహదం చేసే లాజికల్ రీజనింగ్, ప్రాబ్లమ్ సాల్వింగ్, థింకింగ్ స్కిల్స్ వంటి అంశాల్లో అభ్యర్థుల సామర్థ్యాన్ని పరీక్షించే విధంగా ఎల్‌శాట్- ఇండియా టెస్ట్‌ను రూపొందించారు. మూడేళ్ల, ఐదేళ్ల కోర్సులకు వేర్వేరుగా పేపర్-పెన్సిల్ పద్ధతిలో నాలుగు విభాగాల్లో ఈ టెస్ట్‌ను నిర్వహిస్తారు. ఇందులో రెండు విభాగాల్లో లీగల్ రీజనింగ్ సంబంధిత ప్రశ్నలను ఇస్తారు. మిగిలిన విభాగాల్లో ఎనలిటికల్ రీజనింగ్, రీడింగ్ కాంప్రెహెన్షన్ అంశాలపై ప్రశ్నలుంటాయి. మల్టిపుల్ చాయిస్ పద్ధతిలో ప్రశ్నలను అడుగుతారు. ప్రతి విభాగానికి 35 నిమిషాలు చొప్పున మొత్తం 2 గంటల 35 నిమిషాల సమయం (మధ్యలో 15 నిమిషాలు విరామం) ఉంటుంది.
అర్హత: అర్హత విషయానికొస్తే.. ఎంపిక చేసుకున్న ఇన్‌స్టిట్యూట్, కోర్సు ఆధారంగా అర్హత మారుతుంటుంది. కాబట్టి రిజిస్ట్రేషన్‌కు ముందే సంబంధిత అర్హతను తెలుసుకోవడం మంచిది. రిజిస్ట్రేషన్ తర్వాత మీకున్న అర్హత సరిపడకపోతే.. రిజిస్ట్రేషన్ ఫీజును తిరిగి చెల్లించరు.
రిజిస్ట్రేషన్: ఎల్‌శాట్-ఇండియా టెస్ట్ కోసం ఆన్‌లైన్‌లో రిజిస్ట్రేషన్ చేసుకోవాలి. మూడేళ్ల, ఐదేళ్ల కోర్సుల కోసం వేర్వేరుగా రిజిస్ట్రేషన్ చేసుకోవాలనే విషయాన్ని గుర్తుంచుకోవాలి. టెస్ట్ కోసం నిర్దేశించిన ఫీజు *3500 ఆన్‌లైన్ లేదా ఆఫ్‌లైన్(డీడీ) ద్వారా చెల్లించాలి. ‘ఎన్‌సీఎస్ పియర్సన్ ఇండియా ప్రైవేట్ లిమిటెడ్’ పేరిట న్యూఢిల్లీ/నోయిడాలో చెల్లేలా డీడీని తీయాలి. రిజిస్ట్రేషన్ చేసుకున్న అభ్యర్థులకు ఎల్‌శాట్-ఇండియా రిజిస్ట్రేషన్ నెంబర్ జనరేట్ అవుతుంది. ఈ నెంబర్‌ను ఎంపిక చేసుకున్న లా స్కూల్ ప్రవేశ దరఖాస్తులో తప్పనిసరిగా పేర్కొనాలి.

చిరునామా: 
పియర్సన్ వీయూఈ, కేరాఫ్ బ్లూషిఫ్ట్, ఆరో అంతస్తు, ఈస్ట్ వింగ్, శ్రేయస్ టవర్స్, 23-24, చామైర్స్ రోడ్, చెన్నై- 600018.

వెబ్‌సైట్: www.pearsonvueindia.com-/lsatindia/

సింబయాసిస్ ఎంట్రెన్స్ టెస్ట్:సింబయాసిస్ యూనివర్సిటీలో భాగమైన సింబయాసిస్ లా స్కూల్… బీఏ ఎల్‌ఎల్‌బీ/బీబీఏ ఎల్‌ఎల్‌బీ కోర్సుల్లో ప్రవేశం కోసం ఏటా సెట్‌ను నిర్వహిస్తోంది.
అర్హత: కనీసం 50 శాతం మార్కులతో 10+2 పాసై ఉండాలి. అర్హత పరీక్షను మొదటి అటెంప్ట్‌లో పాసైన వారు మాత్రమే దరఖాస్తు చేసుకోవాలి. వ యసు 20 ఏళ్లకు మించరాదు.
పరీక్ష ప్యాట్రన్: 150 ఆబ్జెక్టివ్ తరహా ప్రశ్నలకు 2 గంటల్లో సమాధానాలు గుర్తించాలి. ఇం దులో లాజికల్ రీజనింగ్, లీగల్ రీజనింగ్, అనలిటికల్ రీజనింగ్, జనరల్ నాలెడ్జ్, రీడింగ్ కాంప్రహెన్షన్ విభాగాల నుంచి ప్రశ్నలు వస్తా యి. సెట్‌లో ప్రతిభ ఆధారంగా గ్రూప్‌డిస్కషన్, పర్సనల్ ఇంటర్వ్యూలకు పిలుస్తారు.
వెబ్‌సైట్: www.settest.org

అలీగఢ్ ముస్లిం యూనివర్సిటీ:ఐదేళ్ల బీఏ ఎల్‌ఎల్‌బీ కోర్సుల్లో ప్రవేశం కోసం అలీగఢ్ ముస్లిం యూనివర్సిటీ ప్రతిఏటా ఎంట్రెన్స్ టెస్ట్‌ను నిర్వహిస్తోంది. మూడు స్టడీ సెంటర్లలో మొత్తం 220 సీట్లు అందుబాటులో ఉన్నాయి.
అర్హత: కనీసం 50 శాతం మార్కులతో 10+2 పాసై ఉండాలి. వయసు 22ఏళ్లకు మించరాదు.
పరీక్ష ప్యాట్రన్: పరీక్ష 100 మార్కులకు 2గంటలపాటు జరుగుతుంది. 75 ఆబ్జెక్టివ్ తరహా ప్రశ్నలు.. 10 షార్ట్ ఆన్సర్‌టైప్ ప్రశ్నలు ఉంటాయి. జనరల్ ఇంగ్లిష్, కరెంట్ అఫైర్స్/జనరల్ నాలెడ్జ్, రీజనింగ్ అండ్ అప్టిట్యూడ్‌పై ప్రశ్నలు ఉంటాయి.
వెబ్‌సైట్: www.amu.ac.in