|
లక్షల మంది ఇంజనీరింగ్ విద్యార్థుల లక్ష్యం..ఐటీ రంగంలో ఉద్యోగం! మరి ప్రస్తుతం ఐటీలో జాబ్ మార్కెట్ ఎలా ఉంది? కొలువు ఖాయం చేసుకోవాలంటే.. ఎలాంటి స్కిల్స్ అవసరం? నియామకాల పరంగా భరోసా కల్పించే కోర్సులు ఏవి? త్వరలో ఇంజనీరింగ్ పూర్తిచేసుకోనున్న విద్యార్థులకు ఎదురయ్యే ప్రశ్నలు ఇవి!!
|
 ఐటీ రంగంలో ప్రస్తుతం జాబ్ ట్రెండ్‌ను పరిశీలిస్తే.. కోర్ అంశాలైన కోడింగ్, కంప్యూటర్ లాంగ్వేజెస్ మొదలు బ్లాక్‌చైన్, ఐవోటీ వరకూ.. సరికొత్త టెక్నాలజీకి డిమాండ్ పెరుగుతోంది. అందుకే ఐటీ ఉద్యోగార్థులు ఎమర్జింగ్ టెక్నాలజీపై పట్టుసాధించాలని నిపుణులు సూచిస్తున్నారు. ఈ నేపథ్యంలో.. ఐటీ, సాఫ్ట్‌వేర్ ఉద్యోగాలు దక్కించుకోవడానికి మార్గాలు, నేర్చుకోవాల్సిన కోర్సుల గురించి తెలుసుకుందాం… ముఖ్యంగా బ్లాక్‌చైన్ టెక్నాలజీ, ఆర్టిఫీషియల్ ఇంటెలిజెన్స్, జావా, రోబోటిక్స్, పైథాన్, సైబర్ సెక్యూరిటీ, డేవాప్స్, క్లౌడ్ సర్వీసెస్ వయా ఎంఎస్ ఎజ్యూర్, ఐఓటీ, క్లౌడ్ టెక్నాలజీ వంటి వాటిపై అవగాహన పెంచుకోవడం ద్వారా జాబ్ మార్కెట్లో అవకాశాలు అందుకోవచ్చు. బ్లాక్‌చైన్ టెక్నాలజీ : పస్తుతం బాగా ట్రెండింగ్ అవుతున్న స్కిల్.. బ్లాక్‌చైన్ టెక్నాలజీ. ప్రతిదీ డిజిటల్ రూపం సంతరించుకుంటున్న ప్రస్తుత తరుణంలో.. పారదర్శకతకు, భద్రతకు సంబంధించి కీలకంగా నిలుస్తోంది బ్లాక్‌చైన్ టెక్నాలజీ. ముఖ్యంగా ఆర్థిక లావాదేవీల భద్రతకు బ్లాక్‌చైన్ టెక్నాలజీ ఉపయోగపడుతోంది. బ్లాక్‌చైన్ కౌన్సిల్, ఇతర సంస్థల అంచనా ప్రకారం- వచ్చే మూడేళ్లలో దాదాపు నాలుగు లక్షల ఉద్యోగాలు ఈ రంగంలో లభించనున్నాయి. ప్రధానంగా ఫిన్‌టెక్ సంస్థలు, పీర్ టు పీర్ లెండింగ్ సంస్థల్లో బ్లాక్ చైన్ టెక్నాలజీ నిపుణుల అవసరం ఉంటుంది. ఈ టెక్నాలజీ హెల్త్‌కేర్, బీఎఫ్‌ఎస్‌ఐ రంగాల్లోనూ కీలకంగా మారనుంది. బ్లాక్‌చైన్‌పై పట్టు సాధించడానికి ప్రస్తుతం పలు కోర్సులు అందుబాటులోకి వచ్చాయి. బ్లాక్‌చైన్ కౌన్సిల్,బ్లాక్‌చైన్ అసోసియేషన్ వంటి సంస్థలు ఆన్‌లైన్ కోర్సులను అందిస్తున్నాయి. అదే విధంగా ఇటీవల ఐఐటీ-హైదరాబాద్,టాలెంట్ స్ప్రింట్ సంస్థలు సంయుక్త భాగస్వామ్యంతో.. అడ్వాన్‌‌సడ్ సర్టిఫికేట్ ప్రోగ్రామ్స్ ఇన్ బ్లాక్‌చైన్ టెక్నాలజీ కోర్సును ప్రారంభించారుు. ఈ కోర్సు పూర్తి చేసుకున్న వారు ఫైనాన్షియల్ సెక్టార్, హెల్త్‌కేర్, టెలికం, ఆరుుల్ అండ్ గ్యాస్ రంగాల్లో అవకాశాలు అందుకోవచ్చు. ఆర్టిఫీషియల్ ఇంటెలిజెన్స్(ఏఐ) : ఆర్టిఫీషియల్ ఇంటెలిజెన్‌‌స.. ప్రస్తుతం ఐటీ రంగంలో విస్తృతంగా వినియోగంలోకి వస్తున్న మరో కీలకమైన టెక్నాలజీ. మానవ ప్రమేయం లేకుండా.. కంప్యూటర్ ప్రోగ్రామ్‌ల ఆధారంగా కార్యకలాపాలను నిర్వహించడమే ఏఐ ప్రత్యేకత. విస్తృతమైన డేటాను నిర్దిష్ట సాఫ్ట్‌వేర్ ఆధారంగా విశ్లేషించేందుకు ఏఐ దోహదపడుతోంది. రానున్న నాలుగేళ్లలో ఆటోమేషన్, ఆర్టిఫిషియల్ ఇంటెలిజెన్స్ విభాగాల్లో దాదాపు 3లక్షల కొత్త ఉద్యోగాలు యువతను పలకరించనున్నాయి. ప్రస్తుతం ఐబీఎం, వీఎంవేర్, సిస్కో, ఇంటెల్ వంటి సంస్థలు ఏఐ, మెషిన్ లెర్నింగ్ కోర్సులను అందిస్తున్నాయి. ఆయా సర్టిఫికెట్లు సొంతం చేసుకుంటే జాబ్ మార్కెట్లో ముందంజలో నిలిచే అవకాశం ఉంది. వీరు ఏఐ ఆర్కిటెక్ట్స్, ఏఐ ఇంటర్‌ఫేస్ ఎగ్జిక్యూటివ్ వంటి కొలువులు దక్కించుకోవచ్చు. నైపుణ్యం, అర్హతలు, అనుభవం ఆధారంగా రూ.15 లక్షల వరకూ వార్షిక వేతనం అందుకోవచ్చు.రోబోటిక్స్ :{పస్తుతం అన్ని రంగాల్లో కీలకంగా మారుతున్న మరో కొత్త టెక్నాలజీ.. రోబోటిక్స్. ముఖ్యంగా ఐటీ సంస్థల క్లయింట్‌లుగా పేర్కొనే బ్యాంకింగ్, మాన్యుఫ్యాక్చరింగ్, హెల్త్‌కేర్ విభాగాల్లోని సంస్థలు రోబో ఆధారిత సేవలు అందిస్తున్నాయి. ఈ రోబోలు నిర్దేశిత విధులు నిర్వర్తించేలా ప్రోగ్రామింగ్, కోడింగ్ రూపొందించడం ముఖ్యం. దాంతో రోబోటిక్ స్కిల్స్ ఉన్న వారికి సంస్థలు ప్రాధాన్యం ఇస్తున్నాయి. పలు స్టాఫింగ్ సంస్థలు, ఇండస్ట్రీ వర్గాల అంచనా ప్రకారం-రోబోటిక్స్‌లో రానున్న మూడేళ్లలో నాలుగు లక్షలకుపైగా ఉద్యోగాలు అందుబాటులోకి రానున్నాయి. అభ్యర్థులు సాఫ్ట్‌వేర్ ప్రోగ్రామింగ్, కోడింగ్ స్కిల్స్; నానో టెక్నాలజీ; డిజైన్ అండ్ టెక్నాలజీ; సంబంధిత కోర్ నైపుణ్యాలు సొంతం చేసుకోవడం ద్వారా కొలువులు దక్కించుకోవచ్చు. ఆయా నైపుణ్యాలున్న వారికి రోబోటిక్స్ టెక్నీషియన్స్; రోబోట్ డిజైన్ ఇంజనీర్; రోబోటిక్స్ టెస్ట్ ఇంజనీర్; సీనియర్ రోబోటిక్స్ ఇంజనీర్; ఆటోమేటెడ్ ప్రొడక్ట్ డిజైన్ ఇంజనీర్; అగ్రికల్చర్ ఇన్‌స్ట్రుమెంటేషన్ ఇంజనీర్; రోబోటిక్ సిస్టమ్ ఇంజనీర్ వంటి కొలువులు లభిస్తున్నాయి. ప్రారంభంలోనే నెలకు రూ.50వేల వేతనం సొంతం చేసుకోవచ్చు. రోబోటిక్స్ టెక్నీషియన్ అండ్ ఆటోమేషన్ ట్రైనింగ్, సర్టిఫైడ్ ఆటోమేషన్ ప్రొఫెషనల్, రోబోటిక్స్ ఆన్‌లైన్, రోబో జీనియస్ అకాడమీలు అందించే సర్టిఫికేషన్ కోర్సులు పూర్తి చేయడం ద్వారా ఈ రంగంలో కొలువు ఖాయం చేసుకోవచ్చు. పైథాన్ డెవలపర్ : డెవాప్స్ : సైబర్ సెక్యూరిటీ : జావా : ఎంఎస్ ఎజ్యూర్ :సాఫ్ట్‌వేర్ సంస్థల్లో క్లౌడ్‌టెక్నాలజీ, క్లౌడ్‌కంప్యూటింగ్ ఆధారిత సేవలు విస్తృతమవుతున్నాయి. దీనిద్వారా క్లయింట్ సంస్థలకు ఆన్‌లైన్ విధానంలోనే సేవలందించే అవకాశం ఉండటమే ఇందుకు కారణం. ఈ క్లౌడ్ సర్వీసెస్‌ల్లో ప్రధానమైంది.. ఎంఎస్ ఎజ్యూర్. మైక్రోసాఫ్ట్ సంస్థ ప్రత్యేకంగా రూపొందించిన ఎంఎస్ ఎజ్యూర్‌నే ఇప్పుడు అధిక శాతం సంస్థలు వినియోగిస్తున్నాయి. దీనిపై అవగాహన కల్పించేందుకు మైక్రోసాఫ్ట్ సంస్థ ఆన్‌లైన్ ట్రైనింగ్ పేరుతో సర్టిఫికేషన్ కోర్సులను అందిస్తోంది. ఈ సర్టిఫికేషన్‌ను పూర్తి చేసుకుంటే.. సాఫ్ట్‌వేర్ సంస్థల్లో క్లౌడ్ సర్వీసెస్ విభాగంలో కొలువు సొంతం చేసుకోవచ్చు.
ఐఓటీ.. అవకాశాల తరంగం :
కొత్త టెక్నాలజీపై పట్టు సాధించాలి…
{పస్తుతం సాఫ్ట్‌వేర్ రంగంలో కొత్త టెక్నాలజీల వినియోగం పెరుగుతోంది. విద్యార్థులు దీనికి అనుగుణంగా ఎప్పటికప్పుడు సదరు టెక్నాలజీపై పట్టు సాధించాలి. ఇందుకోసం ఇప్పుడు నాస్‌కామ్‌తోపాటు పలు ప్రముఖ సాఫ్ట్‌వేర్ డెవలప్‌మెంట్ సంస్థలు ఆన్‌లైన్ కోర్సులు అందిస్తున్నాయి. వాటిని పూర్తి చేసుకోవడం ద్వారా జాబ్ రెడీ స్కిల్స్‌తో ఇండస్ట్రీలో అడుగు పెట్టొచ్చు. |
Category: Certified courses
సైబర్ సెక్యూరిటీతో బంగారు భవిత
|
సాంకేతికత అనే మంత్రం ప్రస్తుతం ప్రపంచాన్ని నడిపిస్తోంది. నూతన టెక్నాలజీల ఆవిష్కరణతో సమస్తం డిజిటల్ మయమవుతోంది. అయితే అడ్వాన్స్డ్ టెక్నాలజీలు సౌలభ్యాన్నే కాదు.. సవాళ్లనూ వెంట తెస్తున్నాయి.
|
 ఆ సవాళ్లను ఎదుర్కొనేందుకు ఆవిష్కృతమైనదే..సైబర్ సెక్యూరిటీ. కరోనా లాక్‌డౌన్ కాలంలో సైబర్ నేరాలు భారీగా పెరుగుతున్నాయి. దీంతో కంపెనీలు సైబర్ సెక్యూరిటీ విభాగాల్ని బలోపేతం చేయడంపై దృష్టిపెట్టాయి. ఈ నేపథ్యంలో.. సైబర్ సెక్యూరిటీ నిపుణుడిగా మారేందుకు అర్హతలు.. చదవాల్సిన కోర్సులు.. సైబర్ సెక్యూరిటీ కెరీర్‌పై ప్రత్యేక కథనం..గ్రోత్ ఘనమే.. గ్లోబల్ సైబర్ సెక్యూరిటీ మార్కెట్ 2025 నాటికి 200 బిలియన్ డాలర్లకు చేరుతుందని అంచనా. 2025 నాటికి భారత ఐటీ మార్కెట్ 350 బిలియన్ డాలర్లకు, అందులో సైబర్ సెక్యూరిటీ సేవల వాటా 10 శాతానికి చేరుతుందని నివేదికలు పేర్కొంటున్నాయి. అదేవిధంగా ప్రపంచవ్యాప్తంగా 2025 నాటికి 5కోట్ల మంది సైబర్ సెక్యూరిటీ నిపుణుల అవసరం ఉంటుందని భావిస్తున్నారు. దేశీయంగా.. భారత్‌లో డేటా సెక్యూరిటీ, నెట్‌వర్క్ ఇన్‌ఫ్రాస్ట్రక్చర్, సెక్యూరిటీ రెగ్యులేషన్ అండ్ కాంప్లియన్స్ సమస్యలు పెరుగుతున్నాయి. ఫలితంగా డేటాసెక్యూరిటీ సొల్యూషన్‌‌స, సర్వీసులకు డిమాండ్ ఏర్పడుతోంది. కన్సల్టెన్సీ సంస్థలు, బ్యాంకులు, ప్రభుత్వాలు, రిటైల్, బీఎఫ్‌ఎస్‌ఐ, ఐటీ కంపెనీలు సైబర్ సెక్యూరిటీ నిపుణులను నియమించుకుంటున్నాయి. ప్రధానంగా బ్యాంకులు, పేమెంట్ గేట్‌వేలు, ఈ-కామర్స్ సంస్థలు సైబర్ సెక్యూరిటీ నిపుణులకు పెద్దపీట వేస్తున్నాయి. భారత సైబర్ సెక్యూరిటీ మార్కెట్ ఏటా దాదాపు 20 శాతం మేర వృద్ధి సాధిస్తుండటం విశేషం.
విధులు – బాధ్యతలు.. సైబర్ సెక్యూరిటీ నిపుణులు విస్తృత స్థాయిలో బాధ్యతలు నిర్వర్తిస్తుంటారు. ఉదాహరణకు ఎథికల్ హ్యాకర్ మాడ్యూల్‌నే తీసుకుంటే.. సంస్థ డిజిటల్ ఇంటర్‌ఫేస్, ఐటీ నెట్‌వర్క్‌లో ప్రవేశించి భద్రతా లోపాలను గుర్తించి సరి చేస్తారు. అదేవిధంగా ఫైర్‌వాల్ వంటి సెక్యూరిటీ ప్రొడక్టుల నిర్వహణ, సైబర్ మోసాలకు అడ్డుకట్టవేయడం, సైబర్ దాడుల నష్టనివారణ చర్యలు చేపట్టాల్సి ఉంటుంది. కీలక విభాగాలు… సైబర్ సెక్యూరిటీకి సంబంధించి ఐటీ సెక్యూరిటీ, డేటా సెక్యూరిటీ, ఇన్సిడెంట్ మేనేజ్‌మెంట్, సెక్యూరిటీ మానిటరింగ్, అప్లికేషన్ సెక్యూరిటీ తదితర విభాగాలు ఉంటారుు. ఇవి సంస్థలు/ప్రొడక్స్/ప్రాజెక్టులకు సంబంధించిన కీలక సమాచార భద్రత, మార్పిడిలో ప్రధాన పాత్ర పోషిస్తాయి. ఎంఎన్‌సీ కంపెనీల నుంచి స్కేల్-3 ఆన్‌లైన్ ఆధారిత సంస్థల వరకూ.. ఆయా సంస్థల ఆర్థిక వ్యవహారాల భద్రతా పర్యవేక్షణకు(మానిటరింగ్) సైబర్ సెక్యూరిటీ అత్యవసరం. దీంతో ఆయా విభాగాల్లో సర్టిఫికేషన్లు చేసిన వారికి జాబ్ మార్కెట్లో అవకాశాలు లభిస్తున్నారుు. డేటా సెక్యూరిటీ.. ఐటీ సెక్యూరిటీ నిపుణులు ఆన్‌లైన్ మోసాలను అరికట్టడం, సెక్యూర్డ్ అప్లికేషన్ల రూపకల్పన తదితర విధులు నిర్వర్తిస్తారు. అలాగే డేటా సెక్యూరిటీ నిపుణులు డేటాకు సంబంధించి పటిష్ట నిర్వహణ నైపుణ్యాలను అందిస్తారు. ఆన్‌లైన్ సేవల్లో డేటామేనేజ్‌మెంట్‌కు అధిక ప్రాధాన్యం ఉంటుంది. ఆన్‌లైన్ సేవలు అందించే సంస్థలు తుది వినియోగదారుల వివరాలు, ప్రొడక్ట్స్/సర్వీసుల వివరాలను ఎప్పటికప్పుడు అప్‌డేట్ చేసుకోవాల్సి ఉంటుంది. ఆ సమయంలో చిన్న పొరపాటు జరిగినా.. వెబ్‌సైట్ హ్యాక్ అవుతుంది. అదే జరిగితే సంస్థ వివరాలు క్షణాల్లో హ్యాకర్లకు చేతికి చేరతారుు. జాబ్ ప్రొఫైల్స్.. సైబర్ సెక్యూరిటీ రంగంలో ఇన్ఫర్మేషన్ రిస్క్ ఆడిటర్స్, ఫైర్‌వాల్ అండ్ సెక్యూరిటీ డివైస్ డెవలప్‌మెంట్ ప్రొఫెషనల్స్,సెక్యూరిటీ అనలిస్ట్‌లు, ఇంట్రూషన్ డిటెక్షన్ స్పెషలిస్ట్‌లు, కంప్యూటర్ సెక్యూరిటీ ఇన్సిడెంట్ రెస్పాండర్లు, క్రిప్టాలజిస్ట్‌లు, వల్నరబిలిటీ అసెసర్లు, లీడ్ సెక్యూరిటీ ఆర్కిటెక్స్, చీఫ్ ఇన్ఫర్మేషన్ సెక్యూరిటీ మేనేజర్స్, సైబర్ సెక్యూరిటీ కన్సల్టెంట్స్, డిజిటల్ ఫొరెన్సిక్ ఎక్స్‌పర్ట్స్, ఎస్‌ఓసీ ఇంజనీర్, ఎథికల్ హ్యాకర్, థ్రెట్ మేనేజ్‌మెంట్ స్పెషలిస్ట్‌లు, మాల్వేర్ అనలిస్ట్‌లు, థ్రెట్ అనాలసిస్ మేనేజర్ వంటి జాబ్ ప్రొఫైల్స్ ఉంటాయి. అర్హతలు.. ఏదైనా డిగ్రీ పూర్తి చేసుకొని ఐటీ నైపుణ్యాలున్న వారు సైబర్ సెక్యూరిటీ విభాగంలోకి ప్రవేశించొచ్చు. కొన్ని కంపెనీలు మాత్రం సీఎస్‌ఈ(కంప్యూటర్ సైన్స్ ఇంజనీరింగ్) నేపథ్యం ఉన్న అభ్యర్థులకు ప్రాధాన్యం ఇస్తున్నాయి. విద్యార్థులు సైబర్ సెక్యూరిటీకి సంబంధించిన సర్టిఫికేషన్లు పూర్తి చేయడం ద్వారా అవకాశాలను అందుకోవచ్చు. సర్టిఫికేషన్స్.. సైబర్ సెక్యూరిటీని కెరీర్‌గా ఎంచుకోవాలనుకునే వారికి పలు సర్టిఫికేషన్లు అందుబాటులో ఉన్నారుు. సంప్రదాయ గ్రాడ్యుయేట్లతోపాటు ఐటీ ప్రొఫెషనల్స్ సైతం వీటిలో చేరొచ్చు. సిస్కో.. ఎంట్రీ, అసోసియేట్, ప్రొఫెషనల్ స్థాయిల్లో మూడేళ్ల కాలానికి; ఎక్స్‌పర్ట్, స్పెషలిస్ట్ స్థాయిల్లో ఐదేళ్ల కాలానికి సర్టిఫికేషన్‌‌స అందిస్తోంది. దీంతోపాటు ఐదేళ్ల కాలానికి సిస్కో సర్టిఫైడ్ ఆర్కిటెక్ట్ సర్టిఫికేషన్‌ను అందిస్తోంది. ఈసీ కౌన్సిల్.. అడ్వాన్స్డ్, కోర్, ఫండమెంటల్స్, మేనేజ్‌మెంట్, సెక్యూరిటీ అవేర్‌నెస్, స్పెషలిస్ట్ కేటగిరీల్లో సైబర్ సెక్యూరిటీ కోర్సులు అందిస్తోంది. డేటా సెక్యూరిటీ కౌన్సిల్ పలు సైబర్ సెక్యూరిటీ సర్టిఫికేషన్లు అందిస్తోంది. ఎవరైనా ఎంచుకోవచ్చు.. ఇంజనీరింగ్, సైన్స్, ఆర్ట్స్ కోర్సుల్లో డిగ్రీ ఉత్తీర్ణులైన వారెవరైనా సైబర్ సెక్యూరిటీ కెరీర్‌ను ఎంచుకోవచ్చు. ప్రాథమిక కంప్యూటర్ విజ్ఞానంతో సైబర్ సెక్యూరిటీ కోర్సుల్లో చేరి కెరీర్‌కు పునాదులు వేసుకోవచ్చు. కోర్సుల వ్యవధి నెల నుంచి ఏడాది వరకూ ఉంటుంది. సైబర్ సెక్యూరిటీ డొమైన్‌లో.. పైథాన్, సెక్యూరిటీ అనలిస్ట్, ఎథికల్ హ్యాకర్, సాక్ వంటి 10 నుంచి 15 మాడ్యూల్స్ ఉంటాయి. ఆసక్తి మేరకు అభ్యర్థులు వీటిని ఎంచుకోవచ్చు. ప్రస్తుతం సాక్ నేర్చుకున్న వారికి ఎంట్రీ లెవల్ ఉద్యోగాలు లభిస్తున్నాయి. నైపుణ్యాలున్న సైబర్ సెక్యూరిటీ నిపుణులకు వేతనాలు సైతం ఆకర్షణీయంగానే ఉంటున్నాయి. |