అదాయపన్నులో సెక్షన్ 80సీ – వివిధ పొదుపు, మదుపు సాధనాలు

80సీ కింద గరిష్టంగా 1,50,000 రుపాయలు పన్ను ఆదాయం నుంచి తగ్గించుకోవచ్చు. ఆపై NPSలో మరో 50,000 మినహాయింపు కూడా. అంటే మొత్తం 2,00,000 రుపాయల మినహాయింపు పొందవచ్చు.

ఉదాహరణకు ఒక ముప్పై ఏళ్ళ వ్యక్తి జీతం ఏడాదికి 10 లక్షలు అనుకుందాం. ఆదాయ స్లాబుల ప్రకారం మినహాయింపులేవీ లేకుండా 9,50,000 రుపాయలపై (2019 బడ్జెట్ ప్రకారం స్టాండర్డ్ డిడక్షన్ 50,000/- అందరికీ వర్తిస్తుంది) కట్టవలసిన పన్ను 1,06,600/-. అదే 80సీ ప్రకారం పైన చూసినట్టు 2,00,000 మినహాయింపుతో మొత్తం పన్ను 65,000కు తగ్గుతుంది. అంటే 46,600 రుపాయలు ఆదా.

పిల్లల స్కూల్ ఫీజు, గృహరుణం ఉంటే మూలధనంపై చెల్లింపు కూడా 80సీ కిందకు వస్తుంది. స్కూలుకెళ్ళే పిల్లలు, గృహరుణం ఉన్నవారు ఈ రెండు మినహాయింపులను తప్పక వాడాలి! ఇవి కాక ఇన్‌ఫ్రా బాండ్లు, NABARD గ్రామీణ బాండ్లు, ULIP, రిటైర్మెంట్ బీమా పథకాలు కూడా ఉన్నాయి

ఆయా సాధనాల వివరాలు చూద్దాం:

వీటిలో వయసు, ఆర్థిక లక్ష్యాలను బట్టి తగు సాధనాలు ఎంచుకోవాలి.

అదనపు బాధ్యతలేవీ లేని పెళ్ళి కాని వ్యక్తి భవిష్యనిధి, ELSS ఫండ్లు, జీవితబీమాతో పన్ను మినహాయింపు పొందటం ఉత్తమం. గృహరుణం తీసుకుంటే తదనుగుణంగా ప్రణాళిక మారుతుంది కానీ బీమా, భవిష్యనిధి కొనసాగించాలి. 50 ఏళ్ళ వయసు వరకు పన్ను ఆదా ఎఫ్‌డీల జోలికి వెళ్ళకపోవటమే మంచిది, ఎందుకంటే ద్రవ్యోల్బణాన్ని మించిన రాబడి వాటిలో అతితక్కువ.

ప్రతి ఒక్కరు 80సీ మినహాయింపుల ద్వారా పన్ను తగ్గించుకోవటమే కాకుండా బీమా, రిటైర్‌మెంట్ లక్ష్యాలను చేరవచ్చు.

ఎన్‌పీఎస్ స్కీమ్

pension

ప్రధానాంశాలు:

  • ఉద్యోగులకు తీపికబురు
  • ఎన్‌పీఎస్ స్కీమ్‌పై పన్ను ప్రయోజనాలు
  • టైర్ 2 అకౌంట్‌కు కూడా వర్తింపు.

కేంద్ర ప్రభుత్వం ఉద్యోగులకు గుడ్ న్యూస్ అందించింది. ఎన్‌పీఎస్ టైర్ 2 అకౌంట్‌పై పన్ను ప్రయోజనాలు కల్పిస్తున్నట్లు ప్రకటించింది. మోదీ సర్కార్ ఒక గెజిట్ నోటిఫికేషన్ ద్వారా ఈ విషయాన్ని తెలిపింది. దీంతో ప్రభుత్వ ఉద్యోగులకు ప్రయోజన కలుగనుంది.

నేషనల్ పెన్షన్ సిస్టమ్ (NPS) స్కీమ్‌ టైర్ 2 అకౌంట్‌లో డబ్బులు ఇన్వెస్ట్ చేసిన ప్రభుత్వ ఉద్యోగులు ఆదాయపు పన్ను శాఖ సెక్షన్ 80 సీ కింద రూ.1.5 లక్షల వరకు పన్ను మినహాయింపు ప్రయోజనాలు పొందొచ్చు. అయితే ఈ బెనిఫిట్ పొందాలంటే ఎన్‌పీఎస్ టైర్ 2 అకౌంట్‌కు లాకిన్ పీరియడ్ 3 ఏళ్లుగా ఉంటుంది.

ఎన్‌పీఎస్ టైర్ 2 అకౌంట్‌ తెరవాలంటే కనీసం రూ.1000 కావాలి. తర్వాత కనీసం రూ.250 ఇన్వెస్ట్ చేసిన సరిపోతుంది. ప్రభుత్వపు తాజా నిర్ణయంతో ప్రభుత్వ ఉద్యోగులకు ప్రయోజనం కలుగనుంది. ప్రైవేట్ రంగ ఉద్యోగులు, స్వయం ఉపాధి పొందుతున్న వారితో పోలిస్తే గవర్నమెంట్ ఎంప్లాయీస్‌కు ట్యాక్స్ పరంగా ఇది ఊరట కలిగే అంశమని చెప్పొచ్చు.

ఎన్‌పీఎస్ స్కీమ్‌లో రెండు రకాల అకౌంట్లు ఉంటాయి. ఒకటేమో టైర్ 1. రెండోదేమో టైర్ 2. టైర్ 1 అకౌంట్ అనేది డిఫాల్ట్ అకౌంట్. ఇందులో డబ్బులు ఇన్వెస్ట్ చేయడం వల్ల ట్యాక్స్ బెనిఫిట్స్ పొందొచ్చు. ఇక టైర్ 2 అకౌంట్ అనేది ఆప్షనల్.

ఎన్‌పీఎస్ టైర్ 1 అకౌంట్‌పై ఇన్‌కమ్ ట్యాక్స్ యాక్ట్‌లోకి సెక్షన్ 80సీసీడీ (1బీ) కింద ఉద్యోగులు, స్వయం ఉపాధి పొందుతున్న వారు రూ.50,000 వరకు పన్ను మినహాయింపు ప్రయోజనాలు పొందొచ్చు. ఇది సెక్షన్ 80సీ కింద పొందే రూ.1.5 లక్షల పన్ను మినహాయింపునకు అదనం.