ఎండా కాలంలో ఇంటిని చల్లగా ఉంచడం ఎలా?

  • ఇంటి పైన కూల్ సిమెంట్ వేయొచ్చు… రెండు కోటింగ్స్ వేస్తే బాగా పనిచేస్తుంది.
  • సూర్యుడు అస్తమించిన తరువాత తలుపులు, కిటికీలు తీసి ఉంచండి.
  • వంట కూడా సాయంత్రం 6 గంటలకల్లా పూర్తి చేసేయండి. వంట గది, బాత్రూం లోని ఎగ్జాస్ట్ ఫ్యాన్ ఉపయోగించి ఇంట్లోని వేడిని బయటకు పంపించండి.
  • ఫ్రిడ్జ్ ని వంట గదిలోనే పెట్టండి. ఫ్రిడ్జ్ మోటార్ చాలా వేడిగా ఉంటుంది, చాలా మంది దానిని హల్ లోనో, బెడ్రూమ్ లోనో పెడతారు, దాని వల్ల బెడ్రూమ్ లేదా హల్ లో ఉష్ణోగ్రత పెరుగుతుంది.
  • సాయంత్రం ఇంట్లో నేల ను నీటితో తుడవడం, కడగడం లాంటివి చేయవచ్చు.
  • ఇండోర్ ప్లాంట్స్ పెంచవచ్చు.
  • సాయంత్రం పూట ఇంట్లో, బయట ఉన్న మొక్కలకు నీళ్ళు పోయడం.
  • మధ్యాహ్నం గోనె సంచులు నీటిలో తడిపి, కిటికీలకు కట్టవచ్చు. లేదా కిటికీలకు sun protection sheets ఉపయోగించవచ్చు.
  • ఒక పెద్ద గిన్నె లో ఐస్ ముక్కలు తీసుకొని, సీలింగ్ ఫ్యాన్ కింద పెట్టవచ్చు. లేదా పెడల్స్టర్ ఫ్యాన్ ఎదురుగా పెట్టవచ్చు.
  • ఇంట్లో ఉన్న లైట్స్, ఫ్యాన్స్, ఎలక్ట్రానిక్ గ్యాడ్జెట్స్, హోమ్ అప్లయెన్సెస్ అవసరం ఉన్నంత వరకు మాత్రమే ఉపయోగించండి. అవి కూడా వేడిని ఉత్పత్తి చేస్తాయి
  • ఎయిర్ కూలర్ ఉపయోగించొచ్చు. పర్యావరణానికి ఎటువంటి హానీ జరగదు.
  • మిట్ట మధ్యాహ్నం ఎండ వేడిమి ఇంటిలోకి రాకుండా వెదురు చాపలు (bamboo mats) ఉపయోగించవచ్చు.

ఇక్కడ సమస్య ఏమిటంటే ఇంటిని చల్లపరచడం ఎంత ముఖ్యమో… మనం చల్లగా ఉండడం కూడా అంతే ముఖ్యం ఈ ఎండా కాలం లో…. కాటన్ దుస్తులు ధరించండి, పడుకోబోయే ముందు చల్లని నీటితో స్నానం చేయండి, చలువ పానీయాలు ఎక్కువ తాగండి, ఈ కాలం లో పరుపు కన్నా నేల చాలా సౌకర్యం గా ఉంటుంది పడుకోవడానికి.

నా ఊహలో ఇలాంటి ఒక ఇల్లు (2)

రణగొణ ధ్వనులు, వాతావరణ కాలుష్యం కి దూరం గా ఒక మంచి ఇండిపెండెంట్ హౌస్ సిటీ కి కొంచెం దూరం లో

ఆ ఇంటికి అభిముఖంగా ఒక స్విమ్మింగ్ పూల్ ఉండాలి.

ఇంటి ఫ్లోర్ ప్లాన్ డిజైన్ చేసేటప్పుడు సాధారణంగా జరిగే పొరపాట్లు

1. తలుపు దాటి నడిచే దారి, సందులు (నడవలు):

తలుపు తీసేక ఇద్దరు మనుషులు సామానులతో నడవడానికి వీలుగా కనీసం 3 అడుగుల వెడల్పు ఉండాలి. ఆ పాసేజ్ వే (Passage Way) లోకి మరే గోడలూ, స్థంభాలూ, సామాన్లూ, అలమారులూ తెరుచుకుని, పొడుచుకు రాకూడదు. చాలా ఇళ్లల్లో అనుభవం లేని యజమానులు/ మేస్త్రీలు ఇలా కట్టి పడేస్తారు. సామాను లోపలికి చేరవెయ్యలేకా, వేసినవి బయటికి తియ్యలేకా ఇంటివాళ్లు నానా పాట్లూ పడతారు.

  • 2. పూర్తిగా తెరుచుకోలేని అడ్డాలున్న తలుపులు:

అన్ని తలుపులు ఎల్లవేళలా పూర్తిగా కనీసం 90 డిగ్రీలైనా తెరుచుకోవాలి. తలుపుకి ఎదురుగా ఏ అడ్డూ వుండకూడదు. లేకపోతే ఫైర్ సేఫ్టీ నిబంధనలకిది పూర్తి విరుద్ధం. మరోతలుపు ఈ తలుపులోంచి వెళ్లే మార్గంలోకి అసలే తెరుచుకోకూడదు. దీన్ని ఆంగ్లంలో డోర్ కాన్‌ఫ్లిక్ట్ (Door Conflict) అంటారు. (బొమ్మ చూడండి). ఇలా ఉంటే ఒకతలుపు మూసితే గానీ ఇంకోతలుపు తియ్యలేం. ఇలాంటి డిజైన్ అస్సలు మంచిది కాదు.

ఎర్ర బాణంగుర్తులు చూపుతున్నట్లుగా ఒక తలుపు-మార్గం మీదకి ఇంకో తలుపు-మార్గం అడ్డంగా పరుచుకోకూడదు.

  • 3. మెట్లు కట్టడంలో పొరపాట్లు:

మెట్లు కట్టడంలో జరిగే పొరపాట్లు లెక్కలేనన్ని. మెట్లు ఆర్కిటెక్ట్ ఇచ్చిన డ్రాయింగ్ ప్రకారం అన్ని మెట్లూ సమానంగా వచ్చేలాగా గోడమీద ముందుగా జామెట్రీ జ్ఞానం ఉపయోగించి, ఓపికగా గీతలు గీసి ఆతర్వాత నెమ్మదిగా చెక్కలు, రాటలు కట్టుకోవాలి. దానికి కావలసిన అనుభవం, ఓపిక, తీరిక చాలామంది పనివారికి లేదు.

  • అందుకనే పెద్ద పెద్ద భవనాల్లో కూడా మెట్లు సరీగా అన్నీ సమానంగా వుండవు. ఆఖరిమెట్టు ఎత్తు/వెడల్పు తక్కువగానో ఎక్కువగానో పెట్టేస్తారు. ఇది గబగబా మెట్లు దిగేటప్పుడు/ ఎక్కేటప్పుడు చాలా ప్రమాదం. నడక వేగంలో (Rhythm) తేడావచ్చి తట్టుకుని పడిపోతారు.

4. ప్రమాదకరమైన ముక్కోణం మెట్లు (Winders)

  • చాలాచోట్ల ముక్కోణం మెట్లు జాగా మిగులుతుందని యజమానులు కట్టేస్తారు కానీ, ఇవి చాలా ప్రమాదకరం. కోసుగావున్న మూలదగ్గర పాదం మోపే చోటులేక ఒక్కసారిగా 3-4 మెట్లు కిందకి కాలుజారి పడిపోవచ్చు.
    • కోసుభాగంలో పట్టుకోవడానికి హ్యాండు రైలు కూడా అందదు. ఎంత జాగా లేకపోయినా, 2 కంటే ఎక్కువ ముక్కోణం మెట్లు ఎప్పుడూ ఒకే చోట పెట్టకూడదు. ఇల్లు కట్టేటప్పుడు ఓ గది చిన్నదిగా కట్టినా, మెట్లు కట్టడంలో మాత్రం పిసినారితనం చూపకూడదు.

ఈ ముక్కోణం మెట్లు దోహా (Qatar)లో పాపాజోన్స్ తిండిదుకాణంలోనివి. ఒకవేళ పొరపాటున ‘క’ మెట్టు మీద నుంచి “గ” మీదకి జారితే, ధభీమని 4-5 అడుగులు కిందకి ఒక్కసారిగా పడిపోతారు. వీటివల్ల జరిగే ప్రమాదం ఇంతా అంతా కాదు. మునిసిపాలిటీ తనికీదారుల కళ్లుగప్పితేగానీ ఇలాంటి మెట్లకి అనుమతులు సాధ్యం కావు.

5. బాత్రూములో అమరికలు:

  • బాత్రూంలోతూము (gulley trap), నీటివాలు లెట్రిను వేపుగా ఉండడం ఇండియాలో సర్వసాధారణం. దీనివల్ల స్నానపునీరు లెట్రిను కిందకీ పారి బాత్రూమ్ ఎప్పుడూ తడిగానే ఉంటుంది.
    • దీనివల్ల జారిపడడం, ఒక్కోసారి కింద వాటర్ ప్రూఫింగ్ (waterproofing) సరీగా లేనట్లయితే స్లాబులో లీకేజీలు అవుతాయి.
  • తలుపు తెరుచుకున్నవెంటనే కనీసం రెండు అడుగుల చోటు లేకుండా లెట్రిన్ పెట్టడం వల్ల కూడా బాత్రూములోకి తేలికగా వెళ్లలేము, అనువుగా వాడుకోలేము.

6. వంటగట్టు నిర్మాణం:

వంటగట్టు నిర్మాణానికి చాలా అనుభవం, ఆలోచన అవసరం. ఫ్రిజ్ కొలతలు, తలుపు ఎటువైపు తెరుచుకుంటుందో చూసుకోకుండా గోడపక్క మూలగా ఫ్రిడ్జ్ కోసం చోటు వదిలితే అందులో ఫ్రిడ్జ్ పట్టినా, మనం నిలబడి సామాన్లు తీసుకోడానికి చోటు/ సావకాశం ఉండదు. ఇక్కడ మా అద్దె ఇంట్లో ఇలాగే ఉంటే నేను ఫ్రిడ్జ్ వేరే చోటుకు మార్చడంవల్ల అసలే చిన్నదైన మా వంటిల్లు ఇంకా ఇరుకైపోయింది.

7. వంటింట్లో సింకు అమరిక:

వంటింట్లో సింకు బిగించడానికి, మనుషుల శరీరపు కొలతల గురించి, చేతివాటం గురించి, ఇతర సౌలభ్యాలగురించి అవగాహన (Sense of Anthropometry) చాలా అవసరం. కొన్నిసార్లు ఏదో మొక్కుబడిగా ఇలా బొమ్మలో చూపినట్లు వంటగట్టు చివర ఐమూలకీ సింకు బిగిస్తారు. దీనివల్ల సింకు అందదు.

  • ఇంకొన్ని చోట్ల సింకు లోతు ఎక్కువ పెట్టేస్తారు. అందువల్ల సామాన్లు కడిగేవారికి విపరీతమైన నడుంనొప్పి వస్తుంది. కారణం ఇదని తెలియక రకరకాల వైద్యాలు చేసుకుంటూ బాధపడతారు.

ఇలాటి పనికిరాని సింకు బిగింపు నేను మద్రాసులో మా స్నేహితులింట్లో చూసేను. పాపం వాళ్ల అమ్మాయి వంటగట్టు ఎక్కి కూర్చుంటేగానీ గిన్నెలు కడగలేకపోయేది.

8. వంట పొయ్యి మీద హుడ్: (Stovetop Hood):

చాలా సార్లు పొయ్యి కోసం చోటు నిర్ధారణ చేస్తున్నప్పుడు దానిమీద బిగించే నూనెపొగలు బయటికి పంపే hood, దానికి కావలసిన పొగగొట్టం బిగింపు గురించి చాలామంది ఆలోచించరు. అందుకని జాగ్రత్తగా కిటికీలూ అలమార్లూ పెట్టడానికి ముందే హుడ్‌కి కావలసిన చోటు నియోగించి పెట్టుకోవాలి. కిటికీ మీద తరవాత హుడ్ బిగిస్తే అస్సలు బావుండదు, కిటికీ తెరవలేం కాబట్టి అది, మంచిది కాదు.

9. గడపలూ, గుమ్మాల ఎత్తులు:

చివరగా, ఇంట్లో గడపలూ, సాధ్యమైనంతవరకూ ఎత్తుపల్లాలు వుండకూడదు. ఉంటే రాంపులు కట్టుకోవాలి. 

నా ఊహలో ఇలాంటి ఒక ఇల్లు

కాంతి, ధ్వని, గాలి, నీరు, మనుషుల కాలుష్యానికి దూరంగా, కొండల ఒడిలో ప్రకృతికి దగ్గరగా, పగటిపూట లైట్లు, రాత్రి పూట ఫ్యానుల అవసరం లేకుండా, ఇంటి నిండా పుస్తకాలతో…

చేతిలో పుస్తకంతో, వర్షాన్ని చూస్తూ ఇలా…

వర్షాకాలం లో ఇంట్లో వచ్చే నల్ల చీమల బెడద వదిలించుకోవడం ఎలా

ఇదివరకటి రోజుల్లో ఇంట్లో గచ్చు చేసో లేదా నాపరాళ్ళు పరచో ఉంటే ఆ గచ్చుపగిలిన చోటో లేద బండలమధ్యనో కొంత ప్లేస్ చేసుకొని చీమలు మనమీద దండయాత్ర చేసేవి. అలాంటపుడు వాటి ఆరిజిన్ కనిపెట్టి అక్కడ కాస్త గమేక్సి పౌడర్ నో లేదా మరేదైనా చీమలు రాకుండా ఉండుటకు ఏదో కొట్టేస్తే వాటి బెడద వదిలేది. కానీ ఇపుడు అపార్ట్మెంట్స్ లోనూ… మామూలు ఇళ్ళలో కూడా ఆ సౌకర్యంలేదు, మార్బుల్ ఫ్లోర్ వెట్రిఫైడ్ టైల్స్ ఉన్నా ఎక్కడ నుండి వస్తాయో తెలీదు కానీ ఒకసారి దాడి మొదలెట్టాక స్వీటూ, హాటు, అన్నం, పప్పు, ఫర్నిచర్, లాప్ టాప్ అని తేడా లేకుండా ఎడతెరిపి లేకుండా ఎక్కాడపడితే అక్కడ తిరిగేస్తాయ్. అయితే ఇప్పటి మోడ్రన్ యుగంలో మార్కెట్లో అందుబాటులో ఉండే పెస్టిసైడ్స్ వాడటం వల్ల మార్బల్స్ లేదా టైల్స్ దెబ్బతింటాయి.

కాబట్టి, నేచురల్ మార్గాల్లో చీమలను వదిలించుకోవడానికి కొన్ని సులభ మార్గాలున్నాయి. వీటి వల్ల ఎలాంటి దుష్ప్రభావాలుండవు. మరి ఆ చిట్కాలేంటో ఒక సారి చూద్దాం… 1. వెనిగర్: వెనిగర్ నేచురల్ చీమల నివారణ మందులు. వెనిగర్ ను కొద్దిగా స్ప్రే బాటిల్లో వేసి చీమలు తిరిగే ప్రదేశంలో స్ప్రే చేయాలి . ఇలా క్రమం తప్పకుండా రెండు మూడు రోజులు చేస్తే చీమలు తిరిగి చేరవు. 2. సోప్ వాటర్ : చీమను నివారించడానికి ఇది ఒక ఉత్తమ హోం రెమెడీ. మరియు చీలను వదిలించుకోవడానికి ఇది ఒక సులభమైన మార్గం . సోప్ వాటర్ లో కొద్దిగా హాట్ వాటర్ మీక్స్ చేసి వాటి మీద స్ప్రే చేయాలి. ఇలా రెండు మూడు సార్లు చేస్తే మంచి ఫలితం ఉంటుంది. 3. చాక్ పీస్: చాక్ పీస్ తో గీసిన గీత దాటి అవి లోపలికి రాలేవు. అందుకు కారణం మాత్రం తెలియదు. ఇది ఒక అద్భుతమైన ఉపాయం. కాబట్టి, చీమలు ప్రవేశించే ప్రదేశం నుండి అవి తిరిగే ప్రదేశం వరకూ చాక్ పీస్ తో రౌండ్స్ లేదా గీతలు గీయండి. తప్పకుండా ఫలితం కనిపిస్తుంది. 4. బేబీ పౌడర్: చీమలను నివారించడానికి ఇది ఒక సురక్షితమైన మరియు సులభమైన హోం రెమెడీ .కొద్దిగా బేబీ పౌడర్ ను చీమలున్న ప్రదేశంలో చిలకరించాలి. ఇలా చేయడం వల్ల ఇది చీమలు ఇంట్లోకు రాకుండా నివారిస్తుంది. 5. నిమ్మరసం: నిమ్మరసం ఉపయోగించి చీమలు ఇంట్లోకి రాకుండా నేచురల్ గా నివారించుకోవచ్చు. అంతే కాదు ఇది ఇంట్లో మంచి సువాసనను కలిగిస్తుంది . నిమ్మరసంలోని యాసిడ్ చీమలను ఇంట్లోకి రానివ్వకుండా చేస్తుంది . ఇది ఒక ఎఫెక్టివ్ హోం రెమెడీ. 6. కాఫీ గింజలు: చీమలకు కాఫీ వాసనంటే పడదు. కాబట్టి మీరు ఉపయోగించిన కాఫీ గింజలను లేదా కాఫీ పౌడర్ ను చిలకరించినా చాలు చీమలు రాకుండా నివారించుకోవచ్చు. 7. కార్న్ మీల్: కార్న్ మీలు వేయడం వల్ల చీమలు వాటిని తినడం వల్ల జీర్ణించుకోలేక అవి నశింపబడుతాయి. 8. ఉప్పు: చీమలు ఉప్పును నాశనం చేయలేవు కానీ, సాల్ట్ వాటర్ ను డియోడరెంట్ గా ఉపయోగించడం వల్ల ఇంట్లోకి రాకుండా చేయవచ్చు లేదా అవి తిరిగే ప్రదేశంలో చల్లినా ఆ ప్రదేశంలో తిరగకుండా ఉంటాయి.

మీ ఇంటికి ఈ కలర్స్ వేస్తే ఎప్పుడూ హ్యాపీగానే ఉంటారు

jpg (10)

ఇంట్లో ఉండే ప్రదేశాల్లో, సానుకూల వాతావరణాన్ని ఏర్పాటు చేసుకోవాలి. ఇవి మీ మానసిక స్థితి సరిగ్గా ఉంచడంలో సాయం చేస్తాయి. మీరు వాడే కలర్స్‌ మీ ఇంటి రూపాన్నే మార్చేస్తాయి. కావున మీరు ఎక్కువగా ఉండే స్థలాన్ని (ప్రధానంగా ఇల్లు) ప్రశాంతంగా, సంతోషంగా ఉండేలా చూసుకోవడం మంచిది. పెరుగుతున్న వయస్సు మీ పిల్లలపై కూడా గొప్ప ప్రభావాన్ని చూపుతుంది. అందువల్ల, మీ ఇంటి కోసం సూచించదగిన ఉత్తమమైన కలర్స్ గురించి తెలుసుకోండి.

పసుపు..

ఈ రంగు మీ స్థలాన్ని కాంతివంతం చేస్తుంది. మీ మానసిక స్థితిని నిలకడగా ఉంచుతుంది. ఇది సూర్యరశ్మిలా, మీ శక్తిని పెంచడంతో పాటు మీ మానసిక స్థితిని మెరుగుపరుస్తుంది.

నీలం..

నీలం అత్యంత ప్రశాంతమైన రంగు అని మీలో చాలా మందికి తెలుసు. ఇది మానసికంగా మీకు విశ్రాంతి ఇవ్వడంతో పాటు, మీ ఇంట్లో మీ చుట్టూ పాజిటీవ్‌నెస్‌ని నింపడానికి సాయపడుతుంది. నీలిరంగు చూసేందుకు ఆహ్లాదంగా కనిపిస్తుంది.

ఆకుపచ్చ..

మీరు ఆందోళనలను తగ్గించాలనుకుంటే ఇది అద్భుతమైన కలర్ అని చెప్పొచ్చు. ఇది మీ మనస్సుని హ్యాపీగా ఉంచడానికి హెల్ప్ చేస్తుంది. అంతేకాకుండా ఇంట్లో ప్రశాంతతను ప్రోత్సహిస్తుంది.

samayam telugu

తెలుపు..

మీ ఇంటి పెయింటింగ్ విషయానికి వస్తే మీకు సజెస్ట్ చేస్తున్న మరో కలర్ తెలుపు. తాజాదనాన్ని, స్పష్టతని కూడుకుని ఉంటుంది. తెలుపు శాంతం, ప్రశాంతతకి మరో పేరుగా ఉంటుంది.

పింక్..

ఈ రంగు చూసేందుకు ప్రశాంతంగా ఉండడమే కాకుండా, మిమ్మల్ని కూడా ప్రశాంతంగా ఉంచడానికి సహాయపడుతుంది. అంతేకాకుండా ప్రతికూల భావాలను దూరంగా ఉంచేందుకు సహాయపడుతుంది. పిల్లల గదిని డిజైన్ చేసేటప్పుడు, పింక్ వంటి లేత రంగులను ఎంచుకోండి.

గ్రే..

ఈ రంగు చూసేందుకు నీరసంగా, బోరింగ్‌గా కనిపిస్తుంది. కానీ, గ్రే కలర్, తెలుపు, లేదా బ్లూతో కలిపినప్పుడు కూలింగ్ ఎఫెక్ట్ ఇస్తుంది. అంతేకాకుండా ఈ రంగు ఇంట్లో విశ్రాంతి వాతావరణాన్ని సృష్టించడమే కాకుండా మానసిక ప్రశాంతతను చేకూరుస్తుంది.