భోజనాల వేళ పాటించాల్సిన కొన్ని నియమాలు

1.భోజనం చేసేవేళ మాట్లాడద్దు- భోజనము ఒంటపట్టదు,

2. భోజనం చేస్తూ ఒళ్ళు విరుచుకోకు – డిక్క పడుతుంది, ఊపిరాడదు, ఉక్కిరిబిక్కిరి అవుతావు, (ఇలా అయితే ముక్కు నించీ ఊపిరి తిత్తులదాక అవస్థ పడాల్సి వస్తుంది.)

3.తినేదాని మీద, నమిలి మింగడం మీద శ్రద్ధ పెట్టి తినకపోతే ఒంటపట్టదు,

4. కోపంగా ఎవరినీ తిట్టుకుంటూ తినకు- ఒంటపట్టదు,

5. ముందు మంచినీళ్లు పెట్టి తరువాత భోజనం వడ్డించాలి లేకపోతే ఎక్కిళ్ళు వచ్చినా, కారం -ఘాటు ఎక్కువయినా ఇబ్బంది పడాలి,

6.భోజనం లో స్వీట్, లేదా పండు తప్పక0డా ఉండాలి.

చదువు – చిట్కాలు

చదివేటపుడు ఇంట్లో మామూలుగా ఉండే కంటే ఒక ఆగరుబత్తి, లేదా ఇంట్లో సాంబ్రాణి వేసుకుంటే ప్రదేశం ఆహ్లాదం గా మారుతుంది, మీకు ఆ వాసన వచ్చేటప్పడు చదవాలి అనే ఉత్సాహం వస్తుంది

వీలైనంత వరకి కిటికీ పక్కన కూర్చొని చదవడం మంచిది

పక్కనే ఒక వాటర్ బాటిల్ పెట్టుకుని గంట గంట కు నీళ్ళు తగుతుంటే మెదడుకు ఆక్సిజన్ సరఫరా బాగా జరిగి చదివేది వంట పడుతుంది.

చదవాల్సిన విషయాలను కూడా ముందుగా divide చేసుకుని టాపిక్ వైస్ చదివితే మంచిది.

వన్ day బాటింగ్ కాకుండా రోజుకి కొంత కొంత మొదటినుండి చదవడం మంచిది.

చదివినదాన్ని ప్రతిరోజు ఒకసారి రివైస్ చేసుకుంటే అన్నీ విషయాలు గుర్తుంటాయి.

గంట గంటకు ఒక 5 నిముషాలు విశ్రాంతి ఇవ్వండి.

ఆ టైమ్ లో చెస్ కానీ, సుడోకు కానీ ఏదైనా పజెల్ లాంటిది సాల్వ్ చేయండి .

మరీ చదివేందుకు ఆసక్తి తగ్గితే ఒక 30 నిముషాలు అలా బయట నడిచి మళ్ళీ మొదలుపెట్టండి.

ఏకాగ్రత

ఏకాగ్రత పెంచుకోవడం అందరికి, ముఖ్యంగా విద్యార్థులకు చాలా అవసరం. అందుకోసం కొన్ని పద్ధతులు పాటించవచ్చు:

మాములుగా అందరూ కంటితో చూస్తూ చదువుతారు. ఒకటి కంటే ఎక్కువ ఇంద్రియాల ప్రమేయం చదివే ప్రక్రియలో మనం భాగం చేయగలిగితే ఏకాగ్రత మెరుగవుతుంది. 1) పైకి చదవడం- చదువుతున్నది చెప్పడమే కాకుండా వింటాం కూడా. 2) చదివేది పుస్తకంలో క్లుప్తంగా రాయడం. 3) ఇప్పుడు చాలా రకాలైన పుస్తకాలు, పిడిఎఫ్ లు చదివి వినిపించే ఆప్స్ ఉన్నాయి. కుదిరితే ఇలా వింటూ, చూస్తూ, ఒక నోటు పుస్తకంలో ముఖ్యమైన వాటిని రాసుకుంటూ చదివితే ఏకాగ్రత కోల్పోవడం తగ్గుతుంది.

మన ఏకాగ్రతకు భంగం కలిగించే వస్తువులు (సెల్ ఫోను), వ్యక్తులను చదువుతున్నప్పుడు దూరం పెట్టాలి.

వీలయినంత వరకు చదవడానికి ఒక ప్రదేశం ( లైబ్రరీ, ఇంటి లో ఒక గది) నిర్ణయించుకుని అక్కడే ప్రతి రోజు చదివితే, మన బుర్రలో అది స్థిరపడి, ఆ ప్రదేశానికి వెళ్లిన వెంటనే వేరే ఆలోచనలు తకువవుతాయి. కొంతమంది ఎక్కువ సేపు ఒక చోట కూర్చోలేరు. అలాంటివారు 3–4 చోట్ల మధ్య మారుతూ మెల్లగా అలవాటు చేసుకోవచ్చు.

చదివే వ్యాసాలను ఫ్లో- చార్ట్స్, డైయాగ్రామ్స్ గా నోటు పుస్తకాలలో రాసుకుంటే బాగా గుర్తుంటాయి.

పైన పేర్కొన్న పద్దతులు చాలా చిన్న విషయాలు అనిపించినా ఇవి పాటించడం వలన ఏకాగ్రత మెరుగుపరచుకోవచ్చు.

ఇక విద్యార్థులు గుర్తుంచుకోవలసిన విషయం మానవులలో సగటు Attention Span (ఒక విషయంపై దృష్టి నిలప గలిగే సమయం) ఇరవై నిమిషాలు. ఒక అధ్యయనం ప్రకారం ‘A’ students కు ‘C’students కు ఉన్న తేడా ఏకాగ్రత కాదు, ఏదైనా distractions (పరధ్యానం ) వచ్చినా ‘A’students తేరుకుని, తిరిగి చదవడం ప్రారంభిస్తే, C students మాత్రం చదివే ప్రయత్నం విరమించారు.చాలా మంది పాఠశాలలో ఒక మోస్తరు విద్యార్థులుగా ఉన్నకూడా తర్వాత మెరుగవ్వడానికి కారణం ఇదే కావచ్చు. చిన్నప్పుడు చదువు ప్రముఖ్యత తెలియక ఏవైనా distractions కి లొంగిపోయి వెనుకబడిన, తరువాత కొంత వయసు వచ్చాక వాటిని ఎలా జయించాలో నేర్చుకుంటారు.

మానసిక ఒత్తిడి ని దూరం చేసుకోడానికి ధ్యానం, యోగా వంటివి ప్రయతించవచ్చు. మరీ ఎక్కువ ఒత్తిడికి లోనయ్యేవారు నిపుణులను సంప్రదించడం మంచిది.