Posted in పక్షులు

పక్షులు కరెంటు తీగల మీద ఎలా నిలబడగలుగుతాయి?

ఈ సమాధానం చెప్పే ముందు అసలు విద్యుత్తు ఏ సందర్భాలలో ప్రవహిస్తుందో తెలుసుకున్దాం.

ఏమైనా రెండు వేర్వేరు బిందువుల(points) యొక్క విద్యుత్ విభావాలలో ( potentials) వ్యత్యాసం ఉన్నప్పుడు , వాటి మధ్యలో ఒక వాహకాన్ని పెడితే విద్యుత్ ప్రవహిస్తుంది.

చిన్న రోజువారీ ఉదాహరణతో చెప్తాను, : విభావాన్ని “వోల్టేజ్(voltage)” అని కూడా అంటూ ఉంటారు.
మన ఇంటికి విద్యుత్ తెచ్చే తీగలను ఫేౙు , న్యూట్రల్ అని అనడం వినే ఉంటాం. ఇందులో ఫేౙు తీగకు కొంత మొత్తంలో విభావం ఉంటుంది , న్యూట్రల్ తీగకు సున్నా విభావం ఉంటుంది. కావున ఈ రెండు తీగల విభావాల మధ్య కొంత వ్యత్యాసం ఉంది. ఇందు చేతనే మనం ఏదైనా విద్యుత్ పరికరాన్ని వీటిమధ్య పెట్టినప్పుడు దాని గుండా విద్యుత్ ప్రవహించి , ఆ పరికరం పని చేస్తుంది.

ఇప్పుడు విద్యుత్ ప్రవహించడానికి విభావ వ్యత్యాసం అవసరమని తెలుసుకున్నాము కదా.

మళ్లీ మనం మన పక్షి వద్దకు వద్దాం. ఈ పక్షి రెండు కాళ్లను ఒకే తీగ మీద పెట్టింది,
అంటే… రెండు కాళ్ల దగ్గర ఒకే విభావం ఉంది. కాబట్టి విభావాలలో ఎటువంటి వ్యత్యాసం లేదు, కాబట్టి విద్యుత్ ఏమి ప్రవహించదు. ఆ పక్షి సురక్షితంగానే ఉంటుంది.
అదే కనుక ఆ పక్షి ఒక కాలూ ఒక తీగ మీద , మరో కాలూ మరో తీగ మీద పెడితే అప్పుడు విద్యుత్ ప్రవహించే అవకాశం ఉంటుంది, అప్పుడు ప్రమాదం.

అర్థం అయింది అనుకుంటున్నాను ,… అయితే శుభాకాంక్షలు, లేక పోతే క్రింద ఉన్న ఈ విచిత్రమైన కథను చదవండి

ఉదాహరణకు ఒక వ్యక్తిని తీసుకుందాం. ఆ వ్యక్తికి రాము అని పేరు పెడదాం.

రాముకి సర్కస్ విన్యాసాలు అంటే చాలా ఇష్టం.ఆతను ఒక రోజు ఒక విద్యుత్ తీగకు వేలాడుతూ విన్యాసాలు చేస్తున్నాడు. ఇంతలో అతని ఇంకోచెయ్యి మరో తీగను తాకడం జరిగి అతనికి విద్యుత్ఘాతం అయి కిందపడిపోయాడు.

అయినా పట్టువిడవకుండా, మళ్లీ అదే తీగకు వేళ్ళాడాడు ( కొంత జాగరూకతతో) . సరదా తీరిపోయాక క్రిందకు దిగుదాం అనుకుంటాడు. ఒక్కసారిగా తీగ ను వదిలి కిందకు దూకడం మాని. మెల్లిగా ఒక అడుగు కింద పెట్టాడు. భూమికి సున్నా విభావం ఉంటాది అని ఆయన మరిచిపోయారు. కాబట్టి ఆయన పట్టుకున్న చేతికి ,.. కింద పాదానికి మధ్య విభావ వ్యత్యాసం ఏర్పడి ఆయనకు విద్యుత్ఘాతం జరిగింది.

(ఈ సారి కాస్త బలంగానే తగిలి, రాము ఆసుపత్రి లో చేరాడు , అది వేరే విషయం)

కాబట్టి నేల మీది నుండి తిన్నగా తీగలను తాకకూడదు .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s