Semya Kesari / సేమ్యా కేసరి

కావాలిసిన పదార్ధాలు

సేమ్యా: పావుకిలో
పంచదార: 200 గ్రా.
మంచినీళ్లు: 2 కప్పులు
వెనీలా ఎసెన్స్‌: అర టీస్పూను
యాలకులపొడి: టీస్పూను
జాజికాయపొడి: టీస్పూను(ఇష్టమైతేనే)
ఎండుద్రాక్ష: 2 టేబుల్‌స్పూన్లు
పిస్తా: 2 టేబుల్‌స్పూన్లు
బాదం: 2 టేబుల్‌స్పూన్లు
నెయ్యి: 2 కప్పులు

తయారుచేసే విధానం
బాణలిలో టేబుల్‌స్పూను నెయ్యి వేసి ఎండుద్రాక్ష, బాదం, పిస్తా విడివిడిగా వేసి వేయించి తీసి పక్కన ఉంచాలి. మిగిలిన నెయ్యిలో సేమ్యా వేసి వేయించాలి.
మరో పొయ్యిమీద మందపాటి గిన్నె పెట్టి పంచదార వేసి నీళ్లు పోయాలి. అందులోనే యాలకులపొడి, జాజికాయ పొడి వేసి కలుపుతూ పంచదార కరిగేవరకూ మరిగించాలి. మరో పాన్‌లో వేయించిన సేమ్యా వేసి అది మునిగేవరకూ నీళ్లు పోసి ఉడికించాలి.
సేమ్యా ఉడికిన తరవాత పంచదార పాకం వేసి సన్నని మంటమీద పాకం మొత్తం పీల్చుకునేవరకూ ఉడికించాలి. తరవాత మిగిలిన నెయ్యి కూడా వేసి కలపాలి. సేమ్యా పాకాన్ని పీల్చుకుని దేనికది విడిపోతుంది. ఇప్పుడు వేయించిన బాదం, ఎండుద్రాక్ష, పిస్తా వేసి అలంకరించి అందించాలి.

%d bloggers like this:
Available for Amazon Prime