గోధుమ పిండితో హల్వా

కావలిసినవి :
గోధుమ పిండి : 200 గ్రాములు
నీళ్ళు : 5 కప్పులు
పంచదార : కప్పు
నెయ్యి : 50 గ్రాములు
జీడిపప్పు, బాదం, పిస్తా పప్పులు : అన్నీ 50 గ్రాములు
ఎండుకొబ్బరి ముక్కలు : 50 గ్రాములు
యాలకుల పొడి : అరస్పూను.

తయారు చేసే విధానం
ఎండు కొబ్బరి ముక్కలు, బాదం, జీడిపప్పు, పిస్తా పప్పులు అన్నిటినీ మిక్సీలో వేసి మెత్తగా కాకుండా పలుకులుగా మిక్సీ పట్టుకోవాలి. మందపాటి బాణాలిలో కొద్దిగా నెయ్యివేసి వేడెక్కిన తరువాత గోధుమపిండిని పోసి కొద్దిగా సువాసన వచ్చేదాకా వేయించి కొద్ది కొద్దిగా నీరు కలుపుతూ కొద్దిగా జావగా చేసి, పంచదార కూడా కలిపి చక్కగా ఉడికించాలి. తరువాత మిగిలిన నెయ్యి, మిక్సీ వేసిన జీడిపప్పు, బాదం, పిస్తా పప్పులు, యాలకుల పొడి, ఎండుకొబ్బరి ముక్కలు కలిపి సన్నని మంటమీద చక్కగా ఉడికించాలి. మిశ్రమం చిక్కబడ్డాక దించుకోవాలి. నెయ్యిరాసిన ప్లేటులో సమానంగా పరచి మన ఇష్టం వచ్చిన ఆకారంలో కోసుకోవచ్చు.

%d bloggers like this: