ఆడీ కార్లు

ఆడీ ఏ3..

ఆడీ ఇండియా లైనప్ లో చౌకగా దొరిగే కార్లలో ఆడీ ఏ3 మోడల్ ముందువరుసలో ఉంది. ఈ ఏ3 సెడాన్ ప్రపంచ వ్యాప్తంగా ఎంతో విజయవంతమై మంచి విక్రయాలు అందుకుంది. మనదేశంలోనూ ఈ వాహనానికి మంచి ఆదరణ దక్కింది. భారత మార్కెట్లో ఈ వాహనం ధర వచ్చేసి రూ.29.2 లక్షల నుంచి రూ.32.21 లక్షల మధ్య ఉంది. లగ్జరీ సిగ్మెంట్లో ఇంత తక్కువ ధరకు దొరికే వాహనం ఇదే కావడం గమనార్హం. ఈ ఆడీ ఏ3 పెట్రోల్, డీజిల్ ఇంజిన్ ఆప్షన్లతో అందుబాటులోకి వచ్చింది. 1.4 లీటర్ పెట్రోల్, 2.0 లీటర్ డీజిల్ ఇంజిన్ తో పనిచేస్తుంది. డ్రైవింగ్ చేసేటప్పుడు కూడా విభిన్నమైన అనుభూతిని కలుగుతుంది.

ఆడీ క్యూ3..

తక్కువ ధరకు అందుబాటులో వచ్చే కార్ల జాబితాలో తర్వాత వస్తున్న వాహనం ఆడీ క్యూ3. భారత్ లో ఈ ఎస్ యూవీ అత్యంత చౌకగా రావడమే కాకుండా కంపెనీ పోర్ట్ ఫొలియోలో అత్యుత్తమ వాహనంగా గుర్తింపు తెచ్చుకుంది. ఆడీ ఏ3 మోడల్ మాదిరి ఇందులోనూ 1.4-లీటర్ పెట్రోల్, 2.0-లీటర్ డీజిల్ ఇంజిన్లను కలిగి ఉంది. ఈ ప్రీమియం ఎస్ యూవీ ఆఫ్ రోడ్ ఆఫ్ రోడింగ్ కెపాబిలిటీలతో సరికొత్త డ్రైవింగ్ డైనమిక్స్ తో అందుబాటులోకి రానుంది. ఈ ఎస్ యూవీ ధర వచ్చేసి రూ.34.96 లక్షల నుంచి రూ.43.61 లక్షల మధ్య ఉంది. ఈ సిగ్మెంట్లో తర్వాతి తరం క్యూ3 మోడల్ నూ 2020 మధ్యలో విడుదల చేసే అవకాశముంది.

ఆడీ ఏ4..

భారత్ లో ఆడీ వాహనాల్లో అత్యధిక విక్రయాలు సాధించిన మోడల్ ఆడీ ఏ4. ఎక్స్ షోరూంలో ఈ వాహనం ఖరీదు వచ్చేసి 41.96 లక్షల నుంచి రూ.46.96 లక్షల మధ్య ఉంది. అయితే దీని పాత మోడల్ తో పోలిస్తే ఆడీ ఏ4 వాహనం ధర కొంచెం ఎక్కువగా ఉంది. విభిన్నమైన డ్రైవింగ్ అనుభూతితో పాటు ఈ కారులో సరికొత్త ఫీచర్లు, అధునాతన సాంకేతికతను ఇందులో పొందుపరిచారు. ఆడీ ఏ4 వాహనం 1.4-లీటర్ పెట్రోల్ మోటార్ ను కలిగి ఉండి 150 బీహెచ్ పీ బ్రేక్ హార్స్ పవర్ ఉత్పత్తి చేస్తుంది. అంతేకాకుండా 7-స్పీడ్ ఆటోమేటిక్ ట్రాన్స్ మిషన్ వ్యవస్థతో పనిచేస్తుంది. ఆడీ ఏ4 2.0-లీటర్ టర్బో డీజిల్ ఇంజిన్ ను కూడా కలిగి ఉంది. ఇది 188 బీహెచ్ పీ బ్రేక్ హార్స్ పవర్, 400 ఎన్ఎం టార్క్ ను ఉత్పత్తి చేస్తుంది.

ఆడీ ఏ6..

ఈ జాబితాలో చివరగా వస్తున్న మోడల్ ఆడీ ఏ6. గతేడాదే భారత్ లోఈ మోడల్ కు చెందిన ఆరో తరం ఆడీ ఏ6 వాహనాన్ని భారత మార్కెట్లో లాంచ్ చేసిందీ సంస్థ. ఈ కారు లాంచ్ అయినప్పటీ నుంచి దేశవాళీగా కొనుగోలుదారు నుంచి పోటీ తీవ్రంగా ఉంది. ఈ లగ్జరీ ఏ6ను సెలబ్రెటీలు కూడా కొనుగోలు చేయడంతో దీని పాపులారిటీ అమాంతం పెరిగిపోయింది. భారత మార్కెట్లో ఈ కారు ధర వచ్చేసి రూ.54.42 లక్షల నుంచి 59.92 లక్షల మధ్య ఉంది. ఈ సిగ్మెంట్లో అత్యంత చౌకగా దొరుతున్న వాహనం ఇదే కావడం విశేషం. బీఎస్6 ప్రమాణాలకు అనుగుణంగా మార్పులు చేసిన ఈ వాహనం 2.0-లీటర్ టీఎఫ్ఎస్ఐ ఇంజిన్ ను కలిగి ఉండి 245 పీఎస్ పవర్, 370 ఎన్ఎం టార్క్ ను ఉత్పత్తి చేస్తుంది. అంతేకాకుండా 7-స్పీడ్ డ్యూయల్ క్లచ్ ట్రాన్స్ మిషన్ వ్యవస్థతో ఇది పనిచేస్తుంది.

ప్రస్తుతం ఆడీ ఏ సిరీస్ ఆడీ ఏ8 మోడల్ ను ఇటీవలే భారత మార్కెట్లో విడుదల చేసింది. ఎక్స్ షోరూంలో దీని ధర వచ్చేసి రూ.1.56 కోట్ల మధ్య ఉంది. పైన చెప్పిన ఈ వాహనాలు కాకుండా ప్రస్తుతం ఈ జర్మనీ కారుమేకర్ భారత్ లో 12 మోడళ్లను విక్రయానికి ఉంచింది.