google.com, pub-9453835310745500, DIRECT, f08c47fec0942fa0
Posted in GENERAL_GADGETS

అదిరిపోయే స్పోర్ట్స్ బైక్స్

స్పోర్ట్స్ బైక్స్ ను ఇష్టపడేవాళ్లు రోజురోజుకు పెరిగిపోతున్నారు. ముఖ్యంగా 1000 సీసీ ఇంజిన్ సామర్థ్యమున్న మోటార్ సైకిళ్లకు డిమాండ్ పెరిగిపోతుంది. 

samayam telugu
బైక్ ఎంతా.. 20 లక్షలు.. 20 లక్షలా కారే కొనుక్కోవచ్చుగా” ఈ డైలాగ్ వింటుంటే గమ్యం సినిమా గుర్తుకువస్తుంది కదూ..! ఆ సినిమాలోని ఈ పంచ్ కు నవ్వు ఆపుకులేం. అంతేకదా 20 లక్షలుంటే కారు కొనుక్కోవచ్చుగా బైక్ ఎందుకు అని చాలా మందికి సందేహం కలుగుతుంది. అయితే అందుకు కారణం లేకపోలేదు. స్పోర్టీ లుక్ తో ఉండి మంచి పికప్, మెరుగైన ఇంజిన్ ప్రదర్శనతో స్టైలిష్ గా ఉంటూ బైక్ ప్రియుల మనసుదోచేస్తుంటాయి ఈ మోటార్ సైకిళ్లు. ఎంతలా అంటే వాహనాలను ఇష్టపడేవారికి ఒక్కసారైన వాటిపై రైడ్ చేయాలని ఆశపడుతుంటారు. కనీసం 1000సీసీ ఇంజిన్ సామర్థ్యాన్ని కలిగి ఉండే ఈ బైక్స్ స్పోర్టీ డిజైన్ లుక్ తో ఉండటం వల్లే వీటి ధర అంతగా ఉంటాయి. అంతేకాదు వీటిని సాధారణ రోడ్లపై డ్రైవ్ చేస్తే విభిన్నమైన రైడింగ్ అనుభూతిని ఆస్వాదించలేం. తగిన రేస్ ట్రాక్స్ ఉంటే వీటి అసలైన డ్రైవింగ్ ఎక్స్ పీరియన్స్ ను పొందవచ్చు. ముఖ్యంగా భారీ ట్యాంకు కలిగి ఉండే ఈ స్పోర్ట్స్ మోటార్ సైకిళ్ల వాడకం భారత్ లో ఇప్పుడిప్పుడే పెరుగుతోంది. ఎంతో మంది ఔత్సాహికులు వీటిని కొనుగోలు చేస్తున్నారు. మరి ఇండియాలో 20 లక్షల కంటే తక్కువ కాస్ట్ లో అత్యుత్తమ స్పోర్ట్స్ బైక్స్ ఏంటో ఇప్పుడు చూద్దాం.

​కవాసాకి నింజా జెడ్ఎక్స్-10ఆర్..

samayam telugu
ఈ స్పోర్ట్స్ మోటార్ సైకిల్ ను గతేడాదే భారత మార్కెట్లో విడుదల చేసింది కవాసాకి సంస్థ. 998సీసీ నాలుగు సిలీండర్ల లిక్విడ్ కూల్డ్ ఇంజిన్ ను కలిగి ఉన్న ఈ మోటార్ సైకిల్ 200 బీహెచ్ పీ బ్రేక్ హార్స్ పవర్, 115 ఎన్ఎం టార్క్ ను ఉత్పత్తి చేస్తుంది. అంతేకాకుండా నింజా జెడ్ఎక్స్-10ఆర్ ఇంజిన్ 6-స్పీడ్ మ్యానువల్ గేర్ బాక్స్ వ్యవస్థతో పనిచేస్తుంది. ఇందులో ఉన్న క్విక్ షిఫ్టర్ డ్యూయల్ డైరెక్షన్ వ్యవస్థ ద్వారా క్లచ్ ఉపయోగించుకుండానే గేర్ మార్చుకునే సౌలభ్యముంది. ఫుల్లీ డిజిటల్ ఇన్ స్ట్రూమెంట్ క్లస్టర్ ఇందులో మరో హైలెట్. దీని ద్వారా స్పీడ్, ట్యాకో మీటర్, ట్రిప్ మీటర్, గేర్ షిఫ్ట్ తదితర ఫీచర్లు ఇందులో ఉన్నాయి. సెమీ ఫ్లోటింగ్ బ్రెంబో డిస్కులు ముందు భాగంలో, సింగిల్ డిస్క్ వెనక భాగంలో అమర్చారు. కవాసాకి నింజా జెడ్ఎక్స్-10ఆర్ బైక్ లో రైడర్ సేఫ్టీ కోసం ఎలక్ట్రానిక్ ఎనహాన్సింగ్, స్పోర్ట్స్ కవాసాకి ట్రాక్షన్ కంట్రోల్, కవాసాకి లాంచ్ కంట్రోల్ మోడ్, కానసర్నింగ్ మేనేజ్ మెంట్ ఫంక్షన్, కవాసాకి ఇంటిలిజెంట్ ఏబీఎస్ లాంటి ఫీచర్లు ఇందులో ఉన్నాయి. కవాసాకి నింజా జెడ్ఎక్స్ 10-ఆర్ మోటార్ సైకిల్ ధర వచ్చేసి రూ.14 లక్షలు.

​హోండా సీబీ1000ఆర్ఆర్..

samayam telugu
ఈ సరికొత్త హోండా సీబీ1000ఆర్ఆర్ మోటార్ సైకిల్ 999సీసీ లిక్విడ్ కూల్డ్ ఇంజిన్ ను కలిగి ఉండి 189 బీహెచ్ పీ బ్రేక్ హార్స్ పవర్, 114 ఎన్ఎం టార్క్ ను ఉత్పత్తి చేస్తుంది. అంతేకాకుండా 6-స్పీడ్ మ్యానువల్ గేర్ బాక్స్ వ్యవస్థతో పనిచేస్తుంది. ఈ మోటార్ సైకిల్లో స్లిప్పర్ క్లచ్, క్విక్ షిఫ్టర్ ద్వారా హై ఆర్బీఎం రేంజ్ వద్ద గేర్ ను త్వరగా మార్చుకోవచ్చు. ఈ హోండా సీబీ1000ఆర్ఆర్ బైక్ లో స్పీడ్, ఆర్బీఎం, ఫ్యూయల్ గేజ్ లాంటి సమాచారాన్ని తెలుసుకోవడం కోసం టీఎఫ్టీ-ఎల్సీడీ స్క్రీన్ ను కలిగి ఉంది. సేఫ్టీ కోసం ఈ మోటార్ సైకిల్లో డ్యూయల్ ఛానల్ ఏబీఎస్ సిస్టం, ఫ్రంట్ అండ్ రేర్ డిస్క్ బ్రేకులు ఇందులో ఉన్నాయి. ఈ సరికొత్త హోండా సీబీ 1000ఆర్ఆర్ మోటార్ సైకిల్ ధర వచ్చేసి రూ.16.41 లక్షలు.

​సుజుకీ జీఎస్ఎక్స్-ఆర్1000ఆర్..

samayam telugu
సుజుకీ జీఎస్ఎక్స్ ఆర్1000ఆర్ మోటార్ సైకిల్ రేస్ బైక్ మాదిరి ఉంది. 999.8సీసీ లిక్విడ్ కూల్డ్ ఇంజిన్ ను కలిగి ఉండి 199 బీహెచ్ పీ బ్రేక్ హార్స్ పవర్, 118 ఎన్ఎం టార్క్ ను ఉత్పత్తి చేస్తుంది. అంతేకాకుండా 6-స్పీడ్ మ్యానువల్ గేర్ బాక్స్ వ్యవస్థతో పనిచేస్తుంది. స్లిప్పర్ క్లచ్ ఈజీ డౌన్ షిఫ్టులు ఇందులో ఉన్నాయి. అంతేకాకుండా ఫుల్లీ డిజిటల్ ఇన్ స్ట్రూమెంట్ క్లస్టర్ ప్యానెల్ ఉంది. దీని ద్వారా ట్యాకో మీటర్, గేర్ షిఫ్ట్ ఇండికేటర్, ఫ్యూయల్ గేజ్ లాంటి ఫీచర్లు ఉన్నాయి. ఈ మోటార్ సైకిల్ సేఫ్టీ ఫీచర్ల దగ్గరకొస్తే బ్రెంబో డిస్క్ బ్రేకులు, ట్రాక్ బ్రేక్ సిస్టం, మోషన్ ట్రాక్షన్ కంట్రోల్, డ్యూయల్ ఛానెల్ ఏబీఎస్ సిస్టం లాంటి భద్రతాపరమైన ప్రత్యేకతలు ఇందులో ఉన్నాయి. ఎక్స్ షోరూంలో ఈ స్పోర్ట్స్ బైక్ ధర వచ్చేసి రూ.19.81 లక్షలు.

​బీఎండబ్ల్యూ ఎస్1000ఆర్ఆర్..

samayam telugu
బీఎండబ్ల్యూ నుంచి లేటెస్ట్ విడుదలైన ఈ మోటార్ సైకిల్ ఆకట్టుకుంటోంది. ఈ స్పోర్ట్స్ బైక్ 999సీసీ ఇన్ లైన్ ఫోర్ సిలీండర్, వాటర్ కూల్డ్ ఇంజిన్ ను కలిగి ఉంది. ఇది 204 బీహెచ్ పీ బ్రేక్ హార్స్ పవర్, 113 ఎన్ఎం టార్క్ ను ఉత్పత్తి చేస్తుంది. అంతేకాకుండా బీఎండబ్ల్యూ మోటార్ సైకిల్ షిఫ్ట్ క్యామ్ టెక్నాలజీ ఇంప్రూవ్డ్ ట్రాటిల్ రెస్పాన్స్ తో అందుబాటులోకి వచ్చింది. బీఎండబ్ల్యూ 1000ఆర్ఆర్ మోటార్ సైకిల్ 6.5-అంగుళాల టీఎఫ్టీ స్క్రీన్ లాంటి ప్రత్యేకతలు దీని సొంతం. సేఫ్టీ ఫీచర్ల దగ్గరకొస్తే డ్యూయల్ ఛానెల్ ఏబీఎస్, డైనమిక్ డ్యాంపింగ్ కంట్రోల్ సిస్టం లాంటివి ఉన్నాయి. అంతేకాకుండా రేస్, స్పోర్ట్, రేయిన్ రైడింగ్ మోడ్ లో ఈ స్పోర్ట్స్ బైక్స్ ప్రయాణిస్తుంది. ట్విన్ ఫ్రంట్ డిస్క్ బ్రేకులు, సింగిల్ రేర్ డిస్క్ బ్రేకులు ఇందులో ఉన్నాయి. బీఎండబ్ల్యూ ఎస్1000ఆర్ఆర్ ధర వచ్చేసి రూ.18.5 లక్షలు. బీఎండబ్ల్యూ ఎస్1000ఆర్ఆర్ ప్రో ధర అయితే రూ.20.95 లక్షలు.

​యమహా వైజెడ్ఎఫ్-ఆర్1..

samayam telugu
ఈ యమహా వైజెడ్ఎఫ్-ఆర్1 మోటార్ సైకిల్.. 998సీసీ ఇన్ లైన్ ఫోర్ సిలీండర్ లిక్విడ్ కూల్డ్ ఇంజిన్ ను కలిగి ఉంది. ఇది 197 బీహెచ్ పీ బ్రేక్ హార్స్ పవర్, 112 ఎన్ఎం టార్క్ ను ఉత్పత్తి చేస్తుంది. అంతేకాకుండా సిక్స్ స్పీడ్ మ్యానువల్ ట్రాన్స్ మిషన్ వ్యవస్థతో ఇది పనిచేస్తుంది. మల్టిపుల్ డిస్క్ వెట్ క్లచ్ లాంటి ప్రత్యేకతలు ఇందులో ఉన్నాయి. యమహా వైజెడ్ఎఫ్-ఆర్1 ఫీచర్లు దగ్గరకొస్తే 4.2-అంగుళాల టీఎఫ్టీ స్క్రీన్ ఇందులో ఉంది. దీని ద్వారా స్పీడు, ట్రిప్ మీటర్, ట్యాకో మీటర్, గేర్ షిఫ్ట్ ఇండికేటర్ లాంటి సమాచారాన్ని తెలుసుకోవచ్చు. అంతేకాకుండా ఫ్రంట్ డిస్క్ బ్రేక్, రేర్ సింగిల్ డిస్క్ బ్రేక్, రేసింగ్ ఏబీఎస్ విత్ యూబీఎస్ లాంటి ఫీచర్లు దీని సొంతం. ఎక్స్ షోరూంలో యమహా వైజెడ్ఎఫ్-ఆర్1 మోటార్ సైకిల్ ధర వచ్చేసి రూ.20.39 లక్షలు.

సుజుకీ హాయబుసా..

samayam telugu
సూపర్ బైక్స్ ను ఇష్టపడేవాళ్లకు సుజుకీ హాయబుసా డ్రీమ్ మోటార్ సైకిల్ అని చెప్పవచ్చు. గత డిసెంబరులో సుజుకీ హాయబుసా 2020 మోడల్ ను భారత మార్కెట్లో విడుదల చేసింది. ఈ బైక్ ధర వచ్చేసి రూ.13.74 లక్షలుగా నిర్దేశించింది. ఈ 2020 హాయబుసా మోటార్ సైకిల్ కొత్త కలర్ ఆప్షన్లలో అందుబాటులోకి వచ్చింది. మెటాలిక్ థండర్ గ్రే, క్యాండీ డెరింగ్ రెడ్ రంగుల్లో లభ్యమవుతుంది. 1340 సీసీ ఇంజిన్ ను కలిగి ఉన్న ఈ 2020 సుజుకీ హాయబుసా బైక్.. 197 బీహెచ్ పీ బ్రేక్ హార్స్ పవర్, 115 ఎన్ఎం టార్క్ ను ఉత్పత్తి చేస్తుంది. అంతేకాకుండా 0 నుంచి 100 కిలోమీటర్ల వేగాన్ని కేవలం 2.74 సెకండ్లలోనే అందుకుంటుందీ వాహనం. గరిష్ఠంగా గంటకు 299 కిలోమీటర్ల వేగంతో ఇది ప్రయాణిస్తుంది.