బజాజ్ పల్సర్ 125 స్ప్లిట్ సీటు

ప్రముఖ ద్విచక్రవాహన సంస్థ బజాజ్ తన పల్సర్ 125 స్ప్లిట్ సీటు వేరియంట్ బైక్ ను భారత మార్కెట్లో విడుదల చేసింది. ఎక్స్ షోరూంలో ఈ సరికొత్త మోటార్ సైకిల్ ధర వచ్చేసి రూ.79,091లుగా సంస్థ నిర్దేశించింది.

బజాజ్ పల్సర్ 125 స్ప్లిట్ సీట్ వేరియంట్
పల్సర్ బైక్ అంటే కుర్రకారులో ఎంతో క్రేజ్. బజాజ్ సంస్థ పల్సర్ మోడల్ ను లాంచ్ చేసినప్పటి నుంచి ఎప్పటికప్పుడు యువత ఎంతో ఆసక్తి కనపరుస్తున్నారు. ఇటీవలే ఈ సంస్థ పల్సర్ లైనప్ లో 125 సీసీ మోడల్ ను భారత మార్కెట్లో విడుదల చేసింది. తాజాగా ఈ మోడల్లో స్ప్లిట్ సీటు వేరియంట్ ను లాంచ్ చేసింది. ఈ సరికొత్త బజాజ్ పల్సర్ 125 స్ప్లిట్ సీటు వేరియంట్ ధర వచ్చేసి ఎక్స్ షోరూంలో రూ.79,901లుగా సంస్థ నిర్దేశించింది. ఈ లైనప్ లో భారత మార్కెట్లోకి వచ్చిన టాప్ రేంజ్ మోటార్ సైకిల్ ఇదే కావడం విశేషం.
ప్రత్యేకతలు..

ఈ సరికొత్త వేరియంట్ అత్యాధునిక ఫీచర్లు, ఎక్విప్మెంట్ ను అలాగే కొనసాగించారు. తోడేలు కంటి ఆకారంలో (వోల్ఫ్ ఐడ్) హెడ్ ల్యాంపు క్లస్టర్, ట్విన్ పైలట్ ల్యాంపులు, ట్విన్ స్ట్రిప్ ఎల్ఈడీ టెయిల్ లైట్లు లాంటివి ఇందులో ఉన్నాయి. అంతేకాకుండా ట్యాంకుపై 3డీ లోగో, సరికొత్త బ్లాక్ అల్లాయ్ వీల్స్, స్పోర్టీ స్ప్లిట్ గ్రాబ్ రెయిల్స్ లాంటి ప్రత్యేకతలు ఇందులో ఉన్నాయి. వీటితో పాటు ఈ పల్సర్ 125సీసీ మోడల్లో డిజిటల్ ఇన్ స్ట్రూమెంట్ క్లస్టర్, క్లిప్ ఆన్ హ్యాండిల్ బార్లతో అందుబాటులోకి వచ్చింది. అంతేకాకుండా మూడు సరికొత్త కలర్ ఆప్షన్లతో వచ్చింది. నియాన్ గ్రీన్-మ్యాటీ బ్లాక్, బ్లాక్-సిల్వర్, బ్లాక్-రెడ్ కలప్ ఆప్షన్లతో దీన్ని సొంతం చేసుకోవచ్చు.
samayam telugu
                                          బీఎస్6 పల్సర్ 125 స్ప్లిట్ సీట్ వేరియంట్
ఇంజిన్..

సరికొత్త బజాజ్ పల్సర్ 125 మోటార్ సైకిల్ బీఎస్6 ప్రమాణాలకు అనుగుణంగా రూపొందించారు. 124సీసీ సింగిల్ సిలీండర్, ఎయిర్ కూల్డ్ ఇంజిన్ ను కలిగి ఉంది. అంతేకాకుండా 11 బీహెచ్ పీ బ్రేక్ హార్స్ పవర్, 10.8 ఎన్ఎం టార్క్ ను ఉత్పత్తి చేస్తుంది. అంతేకాకుండా 5-స్పీడ్ గేర్ బాక్స్ వ్యవస్థతో ఇది పనిచేస్తుంది. అంతేకాకుండా పల్సర్ 125 స్ప్లిట్ సీటు వేరియంట్లో ఫ్రంట్ టెలిస్కోపిక్ ఫోర్కులు, రేర్ బ్రేకింగ్ సెటప్ ను కలిగి ఉంది. అంతేకాకుండా 240 ఎంఎం ఫ్రంట్ డిస్క్ వేరియంట్, 130 ఎంఎం వెనక డ్రమ్ బ్రేక్స్, సింగిల్ ఛానెల్ ఏబీఎస్ తో అందుబాటులోకి వచ్చింది.

Related posts

%d bloggers like this: