google.com, pub-9453835310745500, DIRECT, f08c47fec0942fa0
Posted in సీఓఏపీ

ఎంటెక్

ఐఐటీల్లో ఎంటెక్ సీటు కావాలంటే సీఓఏపీలో నమోదు కావాల్సిందే!

గేట్లో మంచి పర్సంటైల్ వచ్చిందా.. ఐఐటీల్లో ఎంటెక్ చేయాలనుకుంటున్నారా.. ప్రభుత్వ రంగ సంస్థల్లో కొలువు వైపు మనసు లాగుతోందా.. అయితే మీ ప్రాధాన్యతలకు అనుగుణంగా ఎంటెక్ సీటు, లేదా ప్రభుత్వ రంగ సంస్థ (పీఎస్యూ)లో కొలువు దక్కాలంటే.. కామన్ ఆఫర్ యాక్సప్టెన్స్ పోర్టల్ (సీఓఏపీ)లో నమోదు చేసుకోవాల్సిందే!! కరోనా లాక్డౌన్ కారణంగా తాజాగా సీఓఏపీ షెడ్యూల్లో మార్పులు జరిగాయి.
Current Affairsఈ నేపథ్యంలో.. అభ్యర్థులకు ఉపయోగపడేలా సీఓఏపీ పోర్టల్లో దరఖాస్తు విధానం, అర్హతలు, ప్రయోజనాలపై ప్రత్యేక కథనం..
ఐఐటీల్లో ఎంటెక్ ప్రవేశాలకు గేట్ స్కోరు ఆధారంగా దరఖాస్తు చేసుకోవాల్సి ఉంటుంది. అయితే ఒక్కో ఐఐటీకి వేర్వేరుగా దరఖాస్తు చేసుకునే క్రమంలో విద్యార్థులు తమ ప్రాథమ్యాల పరంగా రాజీ పడే ఆస్కారం ఉంది. ఈ క్రమంలోనే కామన్ ఆఫర్ యక్సప్టెన్స్ పోర్టల్ తెరపైకి వచ్చింది. ప్రస్తుతం 21 ఇన్స్టిట్యూట్లు, ఒక పీఎస్యూ సీఓఏపీలో భాగస్వాములుగా ఉన్నాయి.
ఐఐటీలన్నీ…
ఐఐఎస్సీ బెంగళూరు, ఐఐటీ ఐఎస్ఎం ధాన్బాద్, ఐఐటీ భిలాయ్, భువనేశ్వర్, బాంబే, ఢిల్లీ, గోవా, గువహటి, హైదరాబాద్, ఇండోర్, జో«ద్ఫూర్, కాన్పూర్, ఖరగ్పూర్, మద్రాస్, మండి, పాలక్కడ్, పాట్నా, రూర్కీ, రోపార్, తిరుపతిలతోపాటు పీఎస్యూ ఎన్పీసీఐఎల్.. సీఓఏపీలో భాగస్వామ్య ఇన్స్టిట్యూట్లుగా ఉన్నాయి.
ప్రత్యేకతలు…
  • సీఓఏపీలో భాగస్వామ్య ఇన్స్టిట్యూట్లు, పీఎస్యూలు తమ ఆఫర్లను ఒకే సమయంలో సీఓఏపీ పోర్టల్లో పొందుపరుస్తాయి.
  • రిజిస్టర్ చేసుకున్న అభ్యర్థులు ఆయా ఇన్స్టిట్యూట్స్లో ప్రవేశాలు లేదా పీఎస్యూలో జాబ్ ఆఫర్ వివరాలను సీఓఏపీ ద్వారా తెలుసుకోవచ్చు.
  • అభ్యర్థులు ఎంటెక్ కోర్సులో ప్రవేశానికి లేదా పీఎస్యూ కొలువు దక్కించుకొనేందుకు సదరు ఇన్స్టిట్యూట్ లేదా పీఎస్యూకి ప్రత్యేకంగా దరఖాస్తు చేసుకోవడం తప్పనిసరి.
  • సీఓఏపీలో రిజిస్టర్ చేసుకోవడం ద్వారా ఇన్స్టిట్యూట్లు అందిస్తున్న ఆఫర్లను తెలుసుకొని.. విద్యార్థులు తమ ప్రాథమ్యాల మేరకు చాయిస్ను ఎంచుకోవచ్చు.
  • సీఓఏపీ రిజిస్ట్రేషన్ పూర్తిగా ఉచితం.
  • భాగస్వామ్య ఇన్స్టిట్యూట్లు తమ ఎంటెక్ అప్లికేషన్ పోర్టల్లో సీఓఏపీ రిజిస్ట్రేషన్ నంబర్ను తప్పనిసరి చేశాయి. కాబట్టి ఔత్సాహికులు సీఓఏపీలో తప్పక నమోదుచేసుకోవాలి.
సీఓఏపీ–2020 అర్హతలు
గేట్ 2018, 2019, 2020లల్లో అర్హత సాధించిన అభ్యర్థులు సీఓఏపీలో నమోదు చేసుకోవచ్చు. వీరు సీఓఏపీ ప్రక్రియలో పాల్గొంటున్న ఇన్స్టిట్యూట్లో ఎంటెక్లో కాని లేదా పీఎస్యూలో జాబ్ కోసం కాని రిజిస్ట్రేషన్ చేసుకోవాల్సి ఉంటుంది.
రిజిస్ట్రేషన్…
అభ్యర్థులు సీఓఏపీ రిజిస్ట్రేషన్ కోసం కింది వివరాలను పేర్కొనాల్సి ఉంటుంది. అవి..» పేరు, గేట్ రిజిస్ట్రేషన్ నంబర్ » వ్యాలిడ్ గేట్ స్కోరు, పుట్టిన తేదీ » ఇ–మెయిల్ ఐడీ, మొబైల్ నంబర్ » గేట్ పేపర్ కోడ్.
రిజిస్ట్రేషన్ను పూర్తి చేసుకున్న అభ్యర్థులు సీఓఏపీ పార్టిసిపేటింగ్ ఇన్స్టిట్యూట్స్, పీఎస్యూ ఆఫర్స్కు సంబంధించిన వివరాలను పొందేందుకు అర్హులు. ఇన్స్టిట్యూట్లు, పీఎస్యూలు సీఓఏపీ రిజిస్ట్రేషన్ నంబర్తో ట్యాగ్ చేసి ఆఫర్స్ను అందిస్తాయి.
రౌండ్లు– తేదీలు
కింది టైమ్ విండో రౌండ్లలో.. అభ్యర్థులు అందుబాటులో ఉన్న ఆఫర్లు చూసుకోవడంతోపాటు, ఏ ఇన్స్టిట్యూట్లో, ఏ ప్రోగ్రామ్లో చేరాలో నిర్ణయం తీసుకునే అవకాశం లభిస్తుంది.
మెయిన్ రౌండ్లు
  • రౌండ్ 1: మే 27–28
  • రౌండ్ 2: జూన్ 3–4
  • రౌండ్ 3: జూన్ 10–11
  • రౌండ్ 4: జూన్ 17–18
  • రౌండ్ 5: జూన్ 24–25
రౌండ్ 1 నుంచి రౌండ్ 4 వరకు అభ్యర్థులు ఆఫర్కు సంబంధించి యాక్సెప్ట్ అండ్ ఫ్రీజ్, రిటైన్ అండ్ వెయిట్, రిజెక్ట్ అండ్ వెయిట్ ఆప్షన్లను ఎంచుకోవచ్చు. అయితే రిటైన్ అండ్ వెయిట్ ఆప్షన్ను రెండుసార్లు మాత్రమే వినియోగించుకోగలరు. రౌండ్ 5 నిర్ణయాత్మక రౌండ్గా ఉంటుంది. ఇందులో అభ్యర్థులకు యాక్సెప్ట్ అండ్ ఫ్రీజ్ లేదా రిజెక్ట్ ఆప్షన్ను మాత్రమే వినియోగించే అవకాశం ఉంటుంది.
అదనపు రౌండ్లు
  • రౌండ్ ఎ: జూలై 1–2;
  • రౌండ్ బి: జూలై 8–9;
  • రౌండ్ సీ, డీ తేదీలను ప్రకటించాల్సి ఉంది.
  • అడ్మిషన్ తేదీ నాటికి ఉన్న ఖాళీల ఆధారంగా ఈ రౌండ్లు నిర్వహిస్తారు. ఇవి పూర్తిగా నిర్ణయాత్మకమైనవి. ఇందులో యాక్సెప్ట్ అండ్ ఫ్రీజ్, రిజెక్ట్ ఆప్షన్స్ను మాత్రమే అభ్యర్థులు వినియోగించుకోగలరు.
  • పూర్తి వివరాలకు వెబ్సైట్: http://coap.iitm.ac.in

సీఓఏపీ ఎఫ్ఏక్యూస్
 »అభ్యర్థి సీఓఏపీలో నమోదు చేసుకోవడం తప్పనిసరా?
తప్పనిసరే. సీఓఏపీ పార్టిసిపేటింగ్ ఇన్స్టిట్యూట్లన్నీ ఎంటెక్ కోర్సులో ప్రవేశాలకు సీఓఏపీ రిజిస్ట్రేషన్ నంబరును అడుగుతున్నాయి. ఇన్స్టిట్యూట్స్ అందించే ఆఫర్స్లో ది బెస్ట్ ఎంచుకోవాలంటే.. సీఓఏపీలో రిజిస్టర్ చేసుకోవడం తప్పనిసరి. అలా కాని పక్షంలో ఆయా ఆఫర్ల గురించి తెలుసుకునే అవకాశాన్ని అభ్యర్థులు కోల్పోతారు.
 2018, 2019ల్లో సీఓఏపీలో రిజిస్టర్ చేసుకున్నాను, తిరిగి మళ్లీ రిజిస్టర్ చేసుకోవాలా..?
అవును.. మళ్లీ రిజిస్టర్ చేసుకోవాలి. 2018, 2019 రిజిస్ట్రేషన్లు.. సీఓఏపీ–2020కి వ్యాలిడ్ కావు.
 »సీఓఏపీ ద్వారా పార్టిసిపేటింగ్ ఇన్స్టిట్యూట్స్లో ఎంటెక్/ పీఎస్యూల్లో జాబ్కు దరఖాస్తు చేసుకునే వీలుందా..?
లేదు. సీఓఏపీ అనేది ఎంటెక్ అడ్మిషన్/జాబ్ అప్లికేషన్ పోర్టల్ కాదు. ఎంటెక్లో ప్రవేశానికి, పీఎస్యూలో జాబ్ కోసం అభ్యర్థులు ప్రత్యేకంగా ఆయా ఇన్స్టిట్యూట్, పీఎస్యూకు దరఖాస్తు చేసుకోవాల్సి ఉంటుంది.
»ఎవరెవరు సీఓఏపీ–2020 పోర్టల్లో దరఖాస్తుకు అర్హులు.
2018, 2019, 2020 సంవత్సరాల్లో గేట్లో అర్హత సాధించిన అభ్యర్థులు మాత్రమే దరఖాస్తుకు అర్హులు.
 సీఓఏపీలో ఆఫర్ స్టేటస్ను ఎలా తెలుసుకోవాలి..?
అభ్యర్థులు షెడ్యూల్ డేట్స్లో సీఓఏపీలోకి లాగిన్ అయి.. ఆఫర్లను చూసి.. నిర్ణయాన్ని పేర్కొనవచ్చు. అదేవిధంగా ఆఫర్ స్టేటస్ను కూడా తెలుసుకోవచ్చు.
 »అభ్యర్థి ఆఫర్ను అంగీకరించిన తర్వాత ఏం చేయాలి?
ఆఫర్ను యాక్సెప్ట్ అండ్ ఫ్రీజ్ చేసిన తర్వాత అభ్యర్థులు సంబంధిత ఇన్స్టిట్యూట్ ఎంటెక్ అడ్మిషన్ పోర్టల్కి వెళ్లి వివరాలను పూర్తిచేయాల్సి ఉంటుంది.
 »అభ్యర్థి ఒకే సమయంలో మల్టిపుల్ ఆఫర్స్ను ఎంచుకొనే అవకాశం ఉందా..?  ఆయా ఇన్స్టిట్యూట్లు అందించే మల్టిపుల్ ఆఫర్స్లో నుంచి అభ్యర్థి రౌండ్కు ఒక ఆఫర్ను మాత్రమ ఎంచుకొనే అవకాశం ఉంది.
 »రిటైన్ అండ్ వెయిట్ ఆప్షన్స్ ద్వారా మల్టిపుల్ ఆఫర్స్ను ఎంచుకొనే అవకాశం ఉందా?
లేదు. అభ్యర్థి ఒక రౌండ్కు ఒక ఆఫర్ను మాత్రమే రిటైన్ అండ్ వెయిట్ ద్వారా ఎంచుకొనే అవకాశం ఉంటుంది. మిగిలిన ఆఫర్లన్నింటినీ రిజెక్ట్గానే పరిగణిస్తారు.