పచ్చళ్ళు ఇష్టమా.. రోజుకి ఎంత తినాలో తెలుసుకోండి..

చాలా మందికి పచ్చళ్లు అంటే ప్రాణం. ఇష్టంగా తింటారు. కానీ, రోజుకి ఎంత శాతం పచ్చడి తినాలో తెలుసుకుని తినడం మంచిది.. ఆ వివరాలు ఏంటో తెలుసుకోండి.


pickles istock
కొంతమందికి పచ్చడి మెతుకులే ప్రాణం. వాటిని ఇష్టంగా తింటారు. ఎన్ని కూరలు ఉన్నా సరే.. అంచుకి పచ్చళ్లు ఉండాల్సిందే. ఆఖరికి బిర్యానీ ఉన్నా సరే పచ్చడితోనే ఇష్టంగా తింటారు. వాటి రుచి అలాంటిది మరి. అయితే, ఇక్కడ కొన్ని విషయాలు తెలుసుకోవాలి. రోజుకి ఎంత పచ్చడి కలుపుకోవాలి. ఎంత తినాలి అనేది తెలుసుకోవాలి. లేకపోతే లేని పోని ఆరోగ్య సమస్యలు వస్తాయి.
వేసవి రాగానే చాలా మంది ఆవకాయ, పచ్చళ్ళు పెడుతుంటారు. వాటి రుచిని ఆస్వాదిస్తుంటారు. ఇక వేడివేడి అన్నంలో కాస్తా నెయ్యి పచ్చళ్ళు కలుపుకుని తింటే ఆ మజానే వేరు. అందరికీ అందుబాటులో ఉంటుంది. కాబట్టి, ఈ పచ్చడి మెతుకులని చాలా మంది ఇష్టంగా తింటారు. అయితే, రుచి బావుంటుంది కదా అని పచ్చళ్ళు అతిగా తినడం మంచిది కాదని చెబుతున్నారు నిపుణులు. ముఖ్యంగా బీపీ, షుగర్ ఉన్నవారు.. ఈ విషయంలో జాగ్రత్త తీసుకోకపోతే మొదటికే మోసం వస్తుందని చెబుతున్నారు.
మామిడిపండ్లు కానీ, ఆవకాయ అన్నం ఈ రెండింటిని అంతా ఇష్టపడతారు. వీటి రుచిని ఆస్వాదించడం మంచిదే. కానీ, అతిగా వీటిని తినకపోవడమే మంచిదని చెబుతున్నారు నిపుణులు. ఏ ఆహారమైనా అతిగా తినకూడదు. అవి ఆరోగ్యానికి అంత మంచిది కాదు. లిమిట్‌లో ఉండడం మంచిది. మామిడి విషయంలో కూడా అంతే.

బీపీ, షుగర్ ఉంటే..
అదే విధంగా.. బీపీ, షుగర్ పేషెంట్స్ ఆవకాయ, పచ్చళ్లు తినకపోవడమే మంచిది తినొద్దని చెబుతున్నారు నిపుణులు. బీపీ ఉన్నవారు రోజుకి ఓ ఆవకాయ ముక్క తినొచ్చు. అంతకు మించి అస్సలు తినకూడదని చెబుతున్నారు. గ్రేవీ వీలైనంత తక్కువగా తినాలి. ఎందుకంటే ఆవకాయలో ఉప్పు శాతం ఎక్కువగా ఉంటుంది. దీంతో పాటు, షుగర్ ఉన్వారు కూడా ఒక్క ముక్క కన్నా ఎక్కువ తీసుకోవద్దు.

మామిడిపండ్ల విషయానికొస్తే..
వీటితో పాటు.. మామిడిపండ్ల విషయానికొస్తే బీపీ ఉన్నవారు నిరభ్యంతరంగా తినొచ్చు. కానీ, షుగర్ ఉన్నవారు మాత్రం మోతాదులో తీసుకోవడం మంచిది. ఓ రకంగా చెప్పాలంటే మానేయడం మరీ మంచిది. మరి అంతగా తినాలనిపిస్తే దానిని స్నాక్‌లా తినాలి.

ఇక సాయంత్రం 5 గంటల సమయంలో 250 గ్రామల వరకు తీసుకోవచ్చు. ఇదే భోజనంతో పాటు తీసుకోవాలంటే అన్నం తగ్గించి దాని బదులుగా మామిడిపండు తీసుకోవచ్చు. కొంతమంది మామిడిపండుని మాములుగా కాకుండా పెరుగన్నంలో నంచుకుని తింటారు. ఇది మంచిదే. అయితే ఆ సయంలో కూర తినకపోవడం చేయాలి. వీటితో పాటు.. మామిడి ముక్క తిన్నప్పుడు కూడా కూర తక్కువగా తినాలి. ఇలా మనకి ఏవైనా ఇష్టమైనవి తినాలకున్నప్పుడు ఆ విధంగా మన డైట్‌లో మార్పులు చేసుకుంటే మంచిది.
%d bloggers like this:
Available for Amazon Prime